കാവേരി പ്രശ്​നം: വൈകോയുടെ അനന്തരവൻ സ്വയം തീകൊളുത്തി

ചെന്നൈ: കാവേരി മാനേജ്​​മ​​​െൻറ്​ ബോർഡ്​ രൂപീകരിക്കണമെന്നാവശ്യപ്പെട്ട്​ കഴിഞ്ഞ ദിവസം മറുമലർച്ചി ദ്രാവിഡ മുന്നേറ്റ കഴകം സ്​ഥാപക നേതാവ്​ വൈകോയുടെ അനന്തരവൻ സ്വയം തീ കൊളുത്തി. ശരവണ സുരേഷ്​ എന്ന 50കാരനാണ്​ തീകൊളുത്തിയത്. ഗുരുതരമായി പൊള്ളലേറ്റ ഇയാൾ ആശുപത്രിയിൽ ചികിത്​സയിലാണ്​. 

വെള്ളിയാഴ്​ചയാണ്​ സംഭവം. വിരുദ്​നഗറിൽ താമസിക്കുന്ന ശരവൺ രാവി​െല നടക്കാനിറങ്ങിയതായിരുന്നു. അവിടെ നിന്ന്​ ചെന്നൈയിലെത്തിയാണ്​ മണ്ണെണ്ണ ഒഴിച്ച്​ തീകൊളുത്തിയത്​. 80 ശതമാനത്തോളം പൊള്ളലേറ്റിട്ടുണ്ട്​. 

ശരവൺ രക്ഷപ്പെടുമെന്ന പ്രതീക്ഷ തനിക്ക്​ നഷ്​ടപ്പെട്ടു. പ്രവർത്തകൾ സ്വയം ഹനിക്കുന്ന തരത്തിൽ പ്രതിഷേധിക്കരുത്​. പ്രതിഷേധം സമാധാനപരമാകണമെന്നും വൈകോ പ്രവർത്തകരോട്​ ആവശ്യപ്പെട്ടു.