32 ടോൾ പ്ലാസകൾ ഉടൻ പൂട്ടണമെന്ന്​ കേന്ദ്രത്തോട്​ തമിഴ്​നാട്​

ചെ​ന്നൈ: സം​സ്ഥാ​ന​ത്തെ 48 ടോ​ൾ പ്ലാ​സ​ക​ളി​ൽ 32 എ​ണ്ണം പൂ​ട്ട​ണ​മെ​ന്ന്​ ത​മി​ഴ്​​നാ​ട്​ സ​ർ​ക്കാ​ർ. ഇ​ക്കാ​ര്യ​ത്തി​ൽ ത​മി​ഴ്​​നാ​ട്​ ഹൈ​വേ മ​ന്ത്രി എ.​വി. വേ​ലു കേ​ന്ദ്ര ഉ​പ​രി​ത​ല ഗ​ത​ഗാ​ത മ​ന്ത്രി നി​തി​ൻ ഗ​ഡ്​​ക​രി​യു​മാ​യി ച​ർ​ച്ച ന​ട​ത്തും.

ദേ​ശീ​യ​പാ​ത ഫീ​സ് (നി​ര​ക്ക്​ -ക​ല​ക്​​ഷ​ൻ നി​ർ​ണ​യം) ച​ട്ടം 2008 അ​നു​സ​രി​ച്ച് ത​മി​ഴ്നാ​ട്ടി​ൽ 16 ടോ​ൾ പ്ലാ​സ​ക​ൾ മാ​ത്ര​മേ സ്ഥാ​പി​ക്കേ​ണ്ട​തു​ള്ളൂ. ടോ​ൾ പ്ലാ​സ​ക​ൾ​ക്കി​ട​യി​ൽ കു​റ​ഞ്ഞ​ത് 60 കി.​മീ ദൂ​രം ഉ​ണ്ടാ​യി​രി​ക്ക​ണം. ത​മി​ഴ്‌​നാ​ട്ടി​ൽ നി​ല​വി​ൽ 48 ടോ​ൾ പ്ലാ​സ​ക​ളു​ണ്ട്. ഇ​വ​യി​ൽ പ​ല​തും ഈ ​വ്യ​വ​സ്ഥ ലം​ഘി​ക്കു​ന്ന​തു​മാ​ണ്.

പ​ത്തു​ കി.​മീ ചു​റ്റ​ള​വി​ലു​ള്ള ശ്രീ​പെ​രു​മ്പ​ത്തൂ​രി​ന​ടു​ത്തു​ള്ള നെ​മി​ലി, ചെ​ന്ന​സ​മു​ദ്രം, വ​ന​ഗ​രം, ചെ​ങ്ക​ൽ​പേ​ട്ടി​ന​ടു​ത്തു​ള്ള പ​റ​നൂ​ർ, സൂ​റ​പ്പ​ട്ട് എ​ന്നീ അ​ഞ്ച്​ ടോ​ൾ​പ്ലാ​സ​ക​ൾ ഉ​ട​ൻ പൂ​ട്ടു​മെ​ന്നും ത​മി​ഴ്​​നാ​ട്​ സ​ർ​ക്കാ​ർ അ​റി​യി​ച്ചു. അ​തി​നി​ടെ വ​ർ​ധി​പ്പി​ച്ച ടോ​ൾ​നി​ര​ക്ക്​ പി​ൻ​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ട്​ സം​സ്​​ഥാ​ന​മൊ​ട്ടു​ക്കും പ്ര​ക്ഷോ​ഭ പ​രി​പാ​ടി​ക​ൾ ന​ട​ത്തു​മെ​ന്ന്​ പാ​ട്ടാ​ളി മ​ക്ക​ൾ ക​ക്ഷി, വി​ടു​ത​ലൈ ശി​റു​തൈ​ക​ൾ ക​ക്ഷി നേ​താ​ക്ക​ൾ അ​റി​യി​ച്ചു.