You are here

തമിഴ്​നാട്ടിൽ കോവിഡ്​ ബാധിതരുടെ എണ്ണം ലക്ഷം കടന്നു; ചെന്നൈയിൽ മാ​ത്രം 64,689 കേസുകൾ

07:54 AM
04/07/2020

ചെന്നൈ: തമിഴ്​നാട്ടിൽ കോവിഡ്​ ബാധിതരുടെ എണ്ണം ഒരുലക്ഷം കടന്നു. 1,02,721 പേർക്കാണ്​ സംസ്​ഥാനത്ത്​ ഇതുവരെ കോവിഡ്​ ബാധിച്ചത്​. ഇതോടെ രാജ്യത്ത്​ കോവിഡ്​ ബാധിതരുടെ എണ്ണം ഒരുലക്ഷം കടക്കുന്ന രണ്ടാമത്തെ സംസ്​ഥാനമായി തമിഴ്​നാട്​. ഏറ്റവും കൂടുതൽ കോവിഡ്​ ബാധിതർ മഹാരാഷ്​ട്രയിലാണ്​.

ഏറ്റവും കൂടുതൽ രോഗബാധിതരുള്ള ചെന്നൈയിൽ സമ്പൂർണ ലോക്​ഡൗൺ പ്രഖ്യാപിച്ചിട്ടും രോഗികളുടെ എണ്ണത്തിലു​ണ്ടാകുന്ന വർധന നഗരത്തിൽ ആശങ്ക സൃഷ്​ടിക്കുന്നുണ്ട്​. ചെന്നൈയിൽ മാത്രം ഇതുവരെ 64,689 പേർക്കാണ്​ രോഗം സ്​ഥിരീകരിച്ചത്​. ചെന്നെക്ക്​ പുറമെ ചെങ്കൽപേട്ട്​, തിരുവള്ളൂർ, മധുര, കാഞ്ചീപുരം, തിരുവണ്ണാമലെ എന്നിവയാണ്​ രോഗബാധിതർ ഏറ്റവും കൂടുതലുള്ള മറ്റു ജില്ലകൾ. 

വെള്ളിയാഴ്​ച 4,329 പേർക്കാണ്​​ തമിഴ്​നാട്ടിൽ കോവിഡ്​ സ്​ഥിരീകരിച്ചത്​. 42,955പേർ നിലവിൽ ചികിത്സയിലുണ്ട്​. വെള്ളിയാഴ്​ച 64 പേർ സംസ്​ഥാനത്ത്​ കോവിഡ്​ ബാധിച്ച്​ മരിച്ചു. ഇതോടെ മരണസംഖ്യ 1385 ആയി ഉയർന്നു. 58,378 പേർ രോഗമുക്തി നേടി. 12,70,720 സാമ്പിളുകൾ തമിഴ്​നാട്ടിൽ ഇതുവരെ പരിശോധിച്ചു.

Loading...
COMMENTS