കോവിഡ്: തമിഴ്നാട്ടിൽ മരിച്ചവരുടെ പ്രതിദിന കണക്കിൽ റെക്കോഡ് വർധനവ്
text_fieldsചെന്നൈ: സംസ്ഥാനത്ത് കോവിഡ് ബാധിച്ച് മരിച്ചവരുടെ പ്രതിദിന കണക്കിൽ റെക്കോഡ് വർധനവ്. 24 മണിക്കൂറിനിടെ ചികിൽസയിൽ കഴിഞ്ഞിരുന്ന 97 പേരാണ് മരിച്ചത്. ഇതോടെ മൊത്തം മരണസംഖ്യ 3,838 ആയി ഉയർന്നു. ചെന്നൈയിൽ മാത്രം മരിച്ചത് 2,092 പേരാണ്.
24 മണിക്കൂറിനിടെ 61,202 സാമ്പിളുകൾ പരിശോധിച്ചതിൽ 5,864 പേർക്കാണ് പുതുതായി രോഗബാധ കണ്ടെത്തിയത്. ഇതിൽ കേരളത്തിൽനിന്നെത്തിയ ഒരാളും ഉൾപ്പെടും. സംസ്ഥാനത്തെ മൊത്തം രോഗബാധിതരുടെ എണ്ണം 2,39,978. ഇതുവരെ 25,97,862 സാമ്പിളുകൾ പരിശോധിച്ചു. ചെന്നൈയിൽ മാത്രം 24 മണിക്കൂറിനിടെ 1,175 പേർക്ക് രോഗബാധ ഉണ്ടായി. നഗരത്തിൽ മൊത്തം രോഗബാധിതരുടെ എണ്ണം 98,767 ആയി.
വ്യാഴാഴ്ച സംസ്ഥാനത്തെ വിവിധ ആശുപത്രികളിൽനിന്ന് 5,295 പേർ രോഗമുക്തി നേടി. രോഗം ഭേദമായി വിട്ടയച്ചവരുടെ മൊത്തം എണ്ണം 1,78,178 ആണ്. നിലവിൽ ചികിത്സയിൽ കഴിയുന്നവരുടെ എണ്ണം 57,962. രോഗം പടരുന്നത് നിയന്ത്രണവിധേയമാകാത്തതിനാൽ ആഗസ്റ്റ് 31 വരെ ലോക്ക്ഡൗൺ നീട്ടി തമിഴ്നാട് സർക്കാർ ഉത്തരവിറക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.