അധിക്ഷേപ ട്വീറ്റ്: ബി.ജെ.പി നേതാവ്​ ജയിലിൽ​; ചങ്കിലല്ല ചങ്കൂറ്റത്തിലാണ്​ കാര്യമെന്ന്​ നെറ്റിസൺസ്​

ട്വിറ്ററിൽ 'അപകീർത്തികരമായ പരാമർശങ്ങൾ' നടത്തിയ ബി.ജെ.പി നേതാവിനെ അറസ്​റ്റ്​ ചെയ്​ത്​ തമിഴ്​നാട്​ പൊലീസ്​ സൈബർ ഹരാസ്​മെൻറിനാണ്​ ബിജെപി സംസ്ഥാന പ്രവർത്തക സമിതി അംഗം ആർ. കല്യാണരാമനെ ചെന്നൈ പോലീസ് അറസ്റ്റ് ചെയ്​തത്​. ട്വീറ്റുകളുടെ പേരിൽ കല്യാണരാമനെതിരെ നിരവധി പരാതികൾ ലഭിച്ചതായി പൊലീസ്​ പറഞ്ഞു. മുൻ തമിഴ്​നാട് മുഖ്യമന്ത്രി കരുണാനിധിയും അഭിനേത്രി ഡോ. ഷർമിളയേയും ലക്ഷ്യംവച്ചുള്ള ട്വീറ്റുകളാണ്​ ബി.ജെ.പി നേതാവ്​ നടത്തിയത്​.

ഡി.എം.കെ ധർമ്മപുരി എം.പി സെന്തിൽകുമാർ, വിടുതലൈ ചിരുതൈഗൽ കച്ചി (വിസികെ) പാർട്ടി നേതാവ്​ മാ ഗോപിനാഥ് എന്നിവർ പരാതികൾ നൽകി. ട്വീറ്റുകൾ വിശകലനം ചെയ്​ത ശേഷം പരാതിക്കാരുടെ ആരോപണം ശരിയാണെന്ന് കണ്ടെത്തിയെന്നും പ്രതിക്കെതിരെ പ്രഥമദൃഷ്ട്യാ കുറ്റംനിലനിൽക്കുന്നുണ്ടെന്നും ചെന്നൈ പോലീസ് പറഞ്ഞു. കല്യാണരാമനെ വിരുഗമ്പാക്കത്ത് നിന്നാണ്​ പിടികൂടിയത്​. ഇയാളെ പിന്നീട് മജിസ്ട്രേറ്റ് കോടതിയിൽ ഹാജരാക്കുകയും ജുഡീഷ്യൽ കസ്റ്റഡിയിൽ അയക്കുകയും ചെയ്​തു.

ഇന്ത്യൻ ശിക്ഷാനിയമത്തിലെ 153 (എ) (വിവിധ ഗ്രൂപ്പുകൾ തമ്മിലുള്ള ശത്രുത പ്രോത്സാഹിപ്പിക്കൽ), 505 (2) എന്നീ വകുപ്പുകളാണ്​ കല്യാണരാമനെതിരെ ചുമത്തിയിട്ടുള്ളത്​. ഇയാളുടെ ട്വിറ്റർ അക്കൗണ്ട് മരവിപ്പിക്കാനുള്ള നടപടികളും പോലീസ് സ്വീകരിച്ചേക്കും.ഭാരതീയ ജനതാ മസ്​ദൂർ മഹാസംഘത്തി​െൻറ മുൻ ദേശീയ സെക്രട്ടറിയായ കല്യാണരാമൻ നേരത്തെ രണ്ടുതവണ അറസ്റ്റിലായിട്ടുണ്ട്. ഈ വർഷം ഫെബ്രുവരിയിൽ, ബിജെപി തിരഞ്ഞെടുപ്പ് റാലിയിൽ മുസ്ലീംകളെ ലക്ഷ്യംവച്ച്​ നടത്തിയ പരാമർശങ്ങളുടെ പേരിൽ ഇയാളെ അറസ്റ്റ് ചെയ്​തിരുന്നു. 2016 ലും സമാനമായ അഭിപ്രായപ്രകടനങ്ങളുടെ പേരിൽ അറസ്റ്റ് ചെയ്​തിട്ടുണ്ട്​.

'കല്യാണരാമൻ ഒരു പതിവ് കുറ്റവാളിയും സ്ത്രീ പീഡകനുമാണ്. വിഷയങ്ങൾ ചർച്ച ചെയ്യാൻ ബിജെപി തയ്യാറായില്ലെന്നും പകരം സ്ത്രീകളെയും രാഷ്ട്രീയ നേതാക്കളെയും അപമാനിക്കുകയാണെന്നും'പരാതിക്കാരനായ ധർമ്മപുരി എം.പി സെന്തിൽകുമാർ പറഞ്ഞു.

സോഷ്യൽ മീഡിയയിൽ ബിജെപിയുടെ കേഡർ എങ്ങനെ പെരുമാറുന്നു എന്നതി​െൻറ ഉദാഹരണമാണ്​ കല്യാണരാമൻ എന്ന് ഡോ: ഷർമിള പറയുന്നു. 'വസ്തുതകളോട് പ്രതികരിക്കാൻ കഴിയാത്ത നിമിഷം അവർ സ്വഭാവഹത്യയിലേക്ക് പോകുന്നു. ഇങ്ങിനെചെയ്​താൽ, തങ്ങൾക്കെതിരെ സംസാരിക്കുന്ന സ്ത്രീകൾ പിന്മാറുമെന്ന് അവർ കരുതുന്നു. ഇത് മനഃശാസ്ത്രപരമായ ഭീഷണിയാണ്. അയാൾ ജയിലിൽ കഴിയാൻ അർഹനാണ്. മുമ്പത്തെ കേസിലും അയാൾക്ക്​ ജാമ്യം ലഭിക്കേണ്ടിയിരുന്നില്ലെന്ന് ഞാൻ കരുതുന്നു. ഇത്തരം ആളുകൾ സമൂഹത്തിൽ വിഷംവമിപ്പിക്കുകയാണ്​. അവർ സ്ത്രീകളെ ലക്ഷ്യമിടുന്നു, മതത്തി​െൻറ അടിസ്ഥാനത്തിൽ വിഭജനം സൃഷ്ടിക്കുന്നു'-ഡോക്​ടർ ഷർമിള പറഞ്ഞു.

കല്യാണരാമ​െൻറ അറസ്​റ്റിനെ പിന്തുണച്ച്​ സമൂഹമാധ്യമങ്ങളിലും നിരവധിപേർ രംഗത്തുവന്നു. തമിഴ്​നാട്​ മുഖ്യമന്ത്രിയായി സ്​റ്റാലിൻ അധികാരമേറ്റശേഷം സമൂഹത്തിൽ ഭിന്നതയുണ്ടാക്കുന്നവർ​െക്കതിരേ കർശന നടപടിയാണ്​ സ്വീകരിക്കുന്നത്​.