Begin typing your search above and press return to search.
proflie-avatar
Login
exit_to_app
exit_to_app
Congress releases manifesto
cancel
Homechevron_rightNewschevron_rightIndiachevron_rightമി​ശ്രവിവാഹിതർക്ക്​...

മി​ശ്രവിവാഹിതർക്ക്​ സംരക്ഷണം, ദുരഭിമാന കൊലകൾ തടയും -തമിഴ്​നാട്ടിൽ കോൺഗ്രസ്​ പ്രകടന പത്രിക പുറത്തിറക്കി

text_fields
bookmark_border

ചെന്നൈ: മിശ്രവിവാഹിതർക്ക്​ സംരക്ഷണമൊരുക്കുമെന്നും ദുരഭിമാന കൊലകൾ തടയാൻ നടപടി സ്വീകരിക്കുമെന്നും പ്രഖ്യാപിച്ച്​ തമിഴ്​നാട്ടിൽ കോൺഗ്രസിന്‍റെ പ്രകടന പത്രിക. ചെന്നൈയിലെ പാർട്ടി ഓഫിസിൽ നടന്ന ചടങ്ങിൽ തമിഴ്​നാട്​ കോൺഗ്രസ്​ പ്രസിഡന്‍റ്​ കെ.എസ്​. അളഗിരിയാണ്​ പ്രകടന പത്രിക പുറത്തിറക്കിയത്​.

സർക്കാർ ജോലികൾക്കായി എല്ലാ ജില്ലകളിലും 500 യുവാക്കൾക്ക്​ പരിശീലനം നൽകും, മദ്യശാലകൾ അടച്ചുപൂട്ടും, സ്റ്റാർട്ട്​ അപ്പുകൾക്ക്​ അഞ്ചുവർഷത്തേക്ക്​ നികുതി ഇളവ്​ അനുവദിക്കും, നീറ്റ്​ പരീക്ഷ ഇല്ലാതാക്കുന്നതിന്​ നടപടികൾ സ്വീകരിക്കും തുടങ്ങിയവയാണ്​ പ്രധാന വാഗ്​ദാനങ്ങൾ.

'യുവാക്കൾക്ക്​ തൊഴിൽ നൽകുന്നതിന്​ പുതിയ പദ്ധതികൾ കൊണ്ടുവരും. സ്റ്റാർട്ട്​അപ്പുകൾക്ക്​ നികുതി ഇളവ്​ അനുവദിക്കുകയും ചെയ്യും' -പ്രകടന പത്രിക പുറത്തിറക്കി അളഗിരി പറഞ്ഞു.

കഴിഞ്ഞയാഴ്ച കോൺഗ്രസിന്‍റെ സഖ്യകക്ഷിയായ ഡി.എം.കെ പ്രകടന പത്രിക പുറത്തിറക്കിയിരുന്നു. വിദ്യാർഥികൾക്ക്​ സൗജന്യ കമ്പ്യൂട്ടർ​ ടാബ്​ലറ്റുകൾ, സംസ്​ഥാനത്തെ 75ശതമാനം തൊഴിലുകളും തമിഴ്​ ജനതക്ക്​ തുടങ്ങിയവയായിരുന്നു ഡി.എം.കെയും വാഗ്​ദാനം. ഏപ്രിൽ ആറിന്​ ഒറ്റഘട്ടമായാണ്​ തമിഴ്​നാട്ടിൽ തെരഞ്ഞെടുപ്പ്​.

ഇ.കെ. പളനിസ്വാമി നയിക്കുന്ന എ.ഐ.ഡി.എം.കെയും എം.കെ. സ്റ്റാലിൻ നയിക്കുന്ന ഡി.എം.കെയും തമ്മിലാണ്​ തമിഴ്​നാട്ടിലെ പ്രധാനമ​ത്സരം. നടൻ കമൽഹാസന്‍റെ മക്കൾ നീതി മയ്യവും ഇത്തവണ മത്സര രംഗത്തുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:manifestocongressassembly election 2021
News Summary - Tamil nadu Assembly Election 2021 Congress releases manifesto
Next Story