തമിഴ്​ നടൻ റൂബൻ ജയ്​ കോവിഡ്​ ബാധിച്ച്​ മരിച്ചു

ചെ​െന്നെ: തമിഴ്​ നടൻ റൂബൻ ജയ്​ കോവിഡ്​ ബാധിച്ച്​ മരിച്ചു. ട്രിച്ചിയിലെ ആശുപത്രിയിൽ വെച്ചായിരുന്നു അന്ത്യം. 54 വയസായിരുന്നു. വിജയ്​ക്കൊപ്പം ഗില്ലിയിലും വിക്രമിനൊപ്പം ധൂൾ എന്ന ചിത്രത്തിലും ശ്രദ്ധേയ വേഷങ്ങൾ കൈകാര്യം​ ചെയ്​തിരുന്നു.

ശ്വാസകോശ അർബുദം ബാധിച്ച്​ ചികിത്സയിലായിരുന്നുവെന്നാണ്​ റിപോർട്ട്​. അടുത്തിടെയാണ്​ കോവിഡ്​ പോസിറ്റീവായത്​.

തിങ്കളാഴ്​ച വൈകീട്ട്​ ശ്വാസതടസം അനുഭവപ്പെട്ടതിനെത്തുടർന്ന്​ ആരോഗ്യനില വഷളായിരുന്നു. സിനിമ മേഖലയിൽ നിന്നുള്ള പ്രമുഖർ ജേയു​െട നിര്യാണത്തിൽ അനുശോചിച്ചു. സംഗീതയാണ്​ ഭാര്യ.

അഭിനയ​ത്തോടൊപ്പം സിനിമകളിൽ തിരക്കഥകൃത്തായും പ്രവർത്തിച്ചിട്ടുണ്ട്​. അടുത്തിടെ നടൻ ഫ്ലോറൻഡ്​ പെരേരയും കോവിഡ്​ ബാധിച്ച്​ മരിച്ചിരുന്നു.