Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightടാഗോർ പുറംനാട്ടുകാരൻ- ...

'ടാഗോർ പുറംനാട്ടുകാരൻ'- പരാമർശത്തിൽ മാപ്പ്​ പറഞ്ഞ്​ വിശ്വ ഭാരതി വൈസ് ചാൻസലർ

text_fields
bookmark_border
ടാഗോർ പുറംനാട്ടുകാരൻ- പരാമർശത്തിൽ മാപ്പ്​ പറഞ്ഞ്​ വിശ്വ ഭാരതി വൈസ് ചാൻസലർ
cancel

കൊൽക്കത്ത: മഹാകവി രബീന്ദ്രനാഥ്​ ടാഗോർ ശാന്തിനികേതനിന്​ പുറത്തുള്ളയാളാണെന്ന പരാമർശത്തിൽ വൻ പ്രതിഷേധമുയർന്ന സഹചര്യത്തിൽ നിർവാജ്യം മാപ്പ്​ പറഞ്ഞ്​ വിശ്വ ഭാരതി സർവകലാശാല വൈസ് ചാൻസലർ പ്രൊഫ. ബിദ്യുത്​ ചക്രബർത്തി. ത​െൻറ പരാമർശം തെറ്റിദ്ധരിക്കപ്പെട്ടതാണെന്നും ബിദ്യുത്​ ബക്രവർത്തി പറഞ്ഞു. രബീന്ദ്രനാഥ്​ ടാഗോർ സ്ഥാപിച്ച വിശ്വഭാരതി 1951ലാണ്​ കേന്ദ്ര സർവകലാശാലയായി മാറിയത്​.

പൗഷ് മേള ഗ്രൗണ്ടിന്​ മതിലുകെട്ടുന്നതുമായി ബന്ധപ്പെട്ട വിവാദത്തിനി​െടയാണ്​​ ടാഗോർ പുറംനാട്ടുകാരനാണെന്ന്​ ചക്രബർത്തി പരാമർശിച്ചത്​. ടാഗോർ പുറംനാട്ടിൽ നിന്ന്​ ബോൽപൂരിലേക്കെത്തി സർവകലാശാല സ്ഥാപിക്കുകയായിരുന്നു എന്നായിരുന്നു ബിദ്യുതി​െൻറ പരാമർശം.

എന്നാൽ ത​െൻറ പരാമർശം മുഖ്യമന്ത്രി മമതാ ബാനർജിയെ ഉ​േദ്ദശിച്ചായിരുന്നുവെന്ന്​ ബിദ്യുത്​ തിരുത്തി.പുറത്തുള്ളവരാണ്​ പൗഷ്​ മേള മൈതാനത്ത് മതിൽ നിർമിക്കാനൊരുങ്ങുന്നത്​. പ്രകൃതിയുടെ മടിത്തട്ടിലുള്ള വിദ്യാഭ്യാസം എന്ന ടാഗോറി​െൻറ ആശയങ്ങളുമായി പൊരുത്തപ്പെടാത്ത നടപടിയാണെന്നാണ്​ താൻ ഉദ്ദേശിച്ചത്​.

ടാഗോർ പുറത്തുള്ളയാൾ എന്നത് ആരുടെയും വികാരത്തെ വ്രണപ്പെടുത്തിയിട്ടുണ്ടെങ്കിൽ ആത്മാർത്ഥമായി ക്ഷമ ചോദിക്കുന്നു. പരാമർശത്തിൽ ഖേദിക്കുന്നു. ടാഗോർ ശാന്തിനികേത​നിൽ അവിഭാജ്യമാണ്. വർഷങ്ങൾക്ക്​ മുമ്പ്​ രബീന്ദ്രനാഥ്​ ടഗോറും പിതാവ്​ ദേവേന്ദ്രനാഥ്​ ടാഗോറും ഈ പ്രദേശത്തേക്ക്​ വന്നതുകൊണ്ടും അവർക്ക്​ ഈ ഭൂപ്രകൃതിയിൽ താൽപര്യമുണ്ടായതുകൊണ്ടുമാണ്​ ശാന്തിനികേതൽ സ്ഥാപിക്കപ്പെട്ടത്​ എന്ന​​ും​ ബിദ്യുത്​ പറഞ്ഞു.

ബിദ്യുതി​െൻറ പരാമർശത്തിനെതിരെ സർവകലാശാലയിലെ അധ്യാപകരും വിദ്യാർഥികളും മുൻകാല വിദ്യാർഥികൾ ഉൾപ്പെടെയുള്ളവരും രംഗത്തെത്തിയിരുന്നു.

പൗഷ് മേള മൈതാനത്ത് സാമൂഹ്യവിരുദ്ധ പ്രവർത്തനങ്ങൾ നടക്കുന്നുണ്ടെന്ന ത​െൻറ അഭിപ്രായത്തിൽ ഉറച്ചു നിൽക്കുന്നുവെന്നും ചക്രബർത്തി പറഞ്ഞു. ആഗസ്​റ്റ്​ 17 ന് പൗഷ്​ മേള ​ഗ്രൗണ്ടിലെത്തിയ പ്രതിഷേധക്കാർ മതിൽ നിർമിക്കാനുള്ള സാമ​ഗ്രികൾ നശിപ്പിക്കുകയും സ്വത്ത് കൊള്ളയടിക്കുകയും ചെയ്​തിരുന്നു.

Show Full Article
TAGS:Bidyut Chakraborty Santhiniketan Visva Bharati Rabindranath Tagore 
Next Story