തബ്​ലീഗ്​ ജമാഅത്ത്​ നേതാവ്​ താൽക്കാലിക ജയിലിൽ വെച്ച്​ മരണപ്പെട്ടു

വാരണസി: തബ്​ലീഗ്​ ജമാഅത് നേതാവ്​ ആമിർ നസീം അഹമദ്​ ജൗൻപുർ ജില്ലയിലെ താൽക്കാലിക ജയിലിൽ വെച്ച്​ മരണപ്പെട്ടു. ബുധനാഴ്​ചയായിരുന്നു സഭവം. തബ്​ലീഗി​​െൻറ ജൗൻപുർ ജില്ല നേതാവാണ്​ നസീം അഹമദ്​. ഡൽഹിയിലെ നിസാമുദ്ദീനിൽ നടന്ന തബ്​ലീഗ്​ സമ്മേളനത്തിൽ പ​െങ്കടുത്ത അംഗങ്ങൾക്ക്​ താമസ സൗകര്യമൊരുക്കിയതി​​െൻറ പേരിലായിരുന്നു ഇദ്ദേഹത്തെ താൽക്കാലിക തടവിൽ പാർപ്പിച്ചത്​. ടൈംസ്​ ഒാഫ്​ ഇന്ത്യയാണ്​ ഇതുമായി ബന്ധപ്പെട്ട വാർത്ത പുറത്തുവിട്ടത്​.

ബംഗ്ലാദേശികൾ അടക്കമുണ്ടായിരുന്ന സംഘത്തെ പാർപ്പിച്ച വിവരം ജില്ല അധികൃതരെ അറിയിച്ചില്ല എന്നായിരുന്നു നസീം അഹമദിനെതിരായ ആരോപണം. ​ഹൃദ്രോഗിയായിരുന്ന ഇദ്ദേഹത്തെ രണ്ട്​ തവണ ആശുപത്രിയിൽ പ്രവേശിപ്പിച്ചിരുന്നു. മരണ കാരണം ഹൃദയാഘാതമെന്നാണ്​ റിപ്പോർട്ട്​. 

സംഭവവുമായി ബന്ധപ്പെട്ട്​ പൊലീസ്​ പറയുന്നത്​ ഇങ്ങനെ. - ജൗൻപുരിലെ ഫിറോസ്​പുർകാരനായ നസീം അഹമദ്​ തബ്​ലീഗ്​ സമ്മേളനത്തിന്​ ശേഷം മാർച്ച്​ ഒമ്പതിനാണ്​ നാട്ടിലേക്ക്​ തിരിച്ചുവന്നത്​. അദ്ദേഹത്തോടൊപ്പം 14 ബംഗ്ലാദേശ്​ സ്വദേശികൾ അടക്കം 16 തബ്​ലീഗ്​ പ്രവർത്തകരും നാട്ടിലെത്തിയിരുന്നു. ആദ്യം നഗരത്തിലെ ഒരു പള്ളിയിൽ തങ്ങിയ ഇവർക്ക്​ അഹമദ്​ മറ്റൊരു താമസസൗകര്യം ഒരുക്കുകയായിരുന്നു. 

ജില്ലയിലേക്ക്​ പ്രവേശിച്ച തബ്​ലീഗ്​ പ്രവർത്തകരെ കണ്ടെത്താൻ പൊലീസ്​ കർശന പരിശോധന നടത്തിയതോടെ മാർച്ച്​ 31ന്​ സരയ്​ക്വാജ പൊലീസ്​ 14 ബംഗ്ലാദേശ്​ സ്വദേശികളെ കണ്ടെത്തി അറസ്റ്റ്​ ചെയ്യുകയായിരുന്നു. അധികൃതരെ അറിയിക്കാതെ താമസ സൗകര്യം ഒരുക്കിയതിന്​ അഹമദിനെ അറസ്റ്റ്​ ചെയ്യുകയും ചെയ്​തു. 

തുടക്കത്തിൽ കാറൻറീനിൽ പ്രവേശിപ്പിച്ച നസീം അഹമദി​​െൻറ കോവിഡ്​ പരിശോധന നടത്തുകയും വൈറസ്​ ബാധയില്ലെന്ന്​ സ്ഥിരീകരിക്കുകയും ചെയ്​തിരുന്നു. പിന്നാലെ പ്രദേശത്തെ ഒരു സ്​കൂളിൽ സജ്ജീകരിച്ച താൽക്കാലിക ജയിലിൽ പ്രവേശിപ്പിക്കുകയായിരുന്നുവെന്ന്​ പൊലീസ്​ കമീഷ​ണർ അറിയിച്ചു.