Begin typing your search above and press return to search.
proflie-avatar
Login
exit_to_app
exit_to_app
tablighi jamaat
cancel
Homechevron_rightNewschevron_rightIndiachevron_rightതബ്​ലീഗ്​ സമ്മേളനം: 36...

തബ്​ലീഗ്​ സമ്മേളനം: 36 വിദേശികളെ കൂടി​ കുറ്റവിമുക്​തരാക്കി

text_fields
bookmark_border

ന്യൂഡൽഹി: കോവിഡ്​ മാനദണ്ഡം ലംഘിച്ച്​ നിസാമുദ്ദീനിലെ തബ്​ലീഗ്​ സമ്മേളനത്തിൽ പ​െങ്കടുത്തതിന്​ വിചാരണ നേരിടുന്ന 36 വിദേശികളെ കൂടി​ ഡൽഹി ചീഫ്​ മെ​ട്രോപൊളിറ്റൻ മജിസ്​ട്രേറ്റ്​ കുറ്റമുക്​തരാക്കി. 14 രാജ്യങ്ങളിൽ നിന്നുള്ള തബ്​ലീഗ്​ പ്രവർത്തകരാണിവർ​.

955 വിദേശികൾക്കെതിരെയാണ്​ ഡൽഹി പൊലീസ്​ ക​ുറ്റപത്രം സമർപ്പിച്ചിരുന്നത്​. ഇതിൽ ഭൂരിഭാഗം പേരും സ്വന്തം രാജ്യങ്ങളിലേക്ക്​ മടങ്ങിയിരുന്നു. 44 പേരാണ്​ വിവിധ കേസുകളിൽ ഇന്ത്യയിൽ വിചാരണ നേരിടുന്നത്​. ഇതിൽ എട്ടുപേരെ പ്രഥമദൃഷ്​ട്യാ തെളിവില്ലെന്ന്​ കണ്ട്​ കോടതി നേരത്തെ കുറ്റവിമുക്​തരാക്കി.

ബാക്കിയുള്ളവരെയാണ്​ ചൊവ്വാഴ്​ച ​വിദേശ നിയമത്തിലെ സെക്​ഷൻ 14, ഐ.പി.സി സെക്​ഷൻ 270, 271 കേസുകളിൽ കുറ്റക്കാരല്ലെന്ന്​ കണ്ടത്​. അതേസമയം, പകർച്ചവ്യാധി നിയമം, ദുരന്ത നിവാരണ വിയമ പ്രകാരം ഇവർക്കെതിരെ കേസ്​ നിലവിലുണ്ട്​. ഡൽഹി നിസാമുദ്ദീനിൽ 2020 മാർച്ചിൽ നടന്ന തബ്​ലീഗ്​ സമ്മേളനം കോവിഡ്​ വ്യാപനത്തിന്​ കാരണമായി എന്നാണ്​ ആരോപണം.

കുറ്റാരോപി​തരെ വെറുതെവിടുന്നതിൽ ഡൽഹി പൊലീസ് എതിർത്തിരുന്നു. നടപടിയെടുക്കാൻ മതിയായ പ്രാഥമിക തെളിവുകൾ ഉണ്ടെന്നാണ്​ പൊലീസ്​ വാദം. ടൂറിസ്​റ്റ്​ വിസയിലാണ്​ ഇവർ ഇന്ത്യയിലെത്തിയത്​. എന്നാൽ, വിസ ചട്ടങ്ങൾ ലംഘിച്ച് തബ്​ലീഗ്​ പ്രവർത്തനങ്ങളിൽ ഏ​ർപ്പെട്ടുവെന്നും പൊലീസ്​ ചൂണ്ടിക്കാട്ടി. എന്നാൽ, ഇവ സാധൂകരിക്കാൻ തക്ക തെളിവുകൾ പൊലീസ്​ സമർപ്പിച്ചില്ലെന്ന്​ കോടതി ചൂണ്ടിക്കാട്ടി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Tablighi jamaat
News Summary - Tablighi Conference: 36 more foreigners acquitted
Next Story