ഡൽഹിയിൽ സസ്പെൻസ് ഇന്നവസാനിക്കും! ആരാകും മുഖ്യമന്ത്രി ?

ന്യൂഡൽഹി: തെരഞ്ഞെടുപ്പിൽ ഭൂരിപക്ഷം നേടിയിട്ടും മുഖ്യമന്ത്രിയെ തെരഞ്ഞെടുക്കാൻ കഴിയാതെ ഉഴലുന്ന ഡൽഹി ബി.ജെ.പിയിലെ അനിശ്ചിതത്വം ബുധനാഴ്ച അവസാനിക്കും. രാജ്യതലസ്ഥാനം ഭരിക്കുന്നത് ആരെന്ന് ഇന്ന് അറിയാം. മുഖ്യമന്ത്രിയെ തീരുമാനിക്കുന്നതിനുള്ള ബി.ജെ.പി നിയമസഭാകക്ഷി യോ​ഗം ബുധനാഴ്ച നടക്കും.

പുതിയ മുഖ്യമന്ത്രിയുടെ പേര് പാർട്ടിയുടെ നിയമസഭാ കക്ഷി യോഗത്തിൽ തീരുമാനിക്കും. ഇതിനുശേഷം, സത്യപ്രതിജ്ഞാ ചടങ്ങ് വ്യാഴാഴ്ച രാംലീല മൈതാനിയിൽ നടക്കും. ഫെ​ബ്രു​വ​രി 18ന് ​ന​ട​ത്താ​നാ​യി​രു​ന്നു നേ​ര​ത്തേ തീ​രു​മാ​നി​ച്ചി​രു​ന്ന​ത്. പുതിയ മുഖ്യമന്ത്രി സ്ഥാനത്തേക്ക് നിരവധി പേരുകൾ ചർച്ച ചെയ്യപ്പെടുന്നുണ്ട്. ആം ​ആ​ദ്മി പാ​ർ​ട്ടി ദേ​ശീ​യ അ​ധ്യ​ക്ഷ​ൻ അ​ര​വി​ന്ദ് കെ​ജ്രി​വാ​ളി​നെ തോ​ൽ​പി​ച്ച ജാ​ട്ട് വി​ഭാ​ഗ​ത്തി​ൽ നി​ന്നു​ള്ള നേ​താ​വ് പ​ർ​വേ​ഷ് വ​ർ​മ, മു​തി​ർ​ന്ന നേ​താ​ക്ക​ളാ​യ വി​ജേ​ന്ദ​ർ ​ഗു​പ്ത, സ​തീ​ഷ് ഉ​പാ​ധ്യാ​യ എ​ന്നി​വ​ർ​ക്കാ​ണ് കൂ​ടു​ത​ൽ സാ​ധ്യ​ത ക​ൽ​പി​ക്കു​ന്ന​ത്.

മു​ൻ​ മേ​യ​ർ രേ​ഖ ഗു​പ്ത, ശി​ഖ റാ​യ് എന്നിവരും പട്ടികയിലുണ്ട്. നീണ്ട 27 വര്‍ഷത്തിന് ശേഷമാണ് ഡല്‍ഹിയില്‍ ബി.ജെ.പി അധികാരത്തിലെത്തുന്നത്. 70ൽ 48 ​സീ​റ്റു​ക​ൾ നേ​ടി​യാ​ണ് 27 വ​ർ​ഷ​ത്തി​നു​ശേ​ഷം ബി.​ജെ.​പി ഡ​ൽ​ഹി പി​ടി​ച്ച​ത്. തു​ട​ർ​ച്ച​യാ​യി മൂ​ന്നു​ത​വ​ണ അ​ധി​കാ​ര​ത്തി​ലു​ണ്ടാ​യി​രു​ന്ന ആം ​ആ​ദ്മി പാ​ർ​ട്ടി​ക്ക് 22 സീ​റ്റു​ക​ൾ മാ​​ത്ര​മാ​ണ് ല​ഭി​ച്ച​ത്. കോ​ൺ​​​ഗ്ര​സി​ന് ഒ​രു സീ​റ്റു​പോ​ലും ല​ഭി​ച്ചി​ല്ല. ചടങ്ങില്‍ പ്രധാനമന്ത്രി നരേന്ദ്ര മോദി, ബി.ജെ.പി മുഖ്യമന്ത്രിമാര്‍, എന്‍.ഡി.എ നേതാക്കള്‍, കേന്ദ്രമന്ത്രിമാര്‍, വ്യവസായ പ്രമുഖര്‍, സിനിമ- ക്രിക്കറ്റ് താരങ്ങള്‍, ആത്മീയ നേതാക്കള്‍ എന്നിവർ പങ്കെടുക്കും.