Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightസുശാന്തി​ൻെറ മരണം:...

സുശാന്തി​ൻെറ മരണം: മുംബൈ പൊലീസ്​ തെളിവുകൾ കൈമാറണം; കേസ്​ സി.ബി.ഐക്ക്​ വിട്ട്​ സുപ്രീംകോടതി

text_fields
bookmark_border
Sushant-singh-Rajput
cancel

ന്യൂഡൽഹി: ബോളിവുഡ്​ നടൻ സുശാന്ത് സിങ്​ രജ്​പുത്തി​​െൻറ മരണം സി.ബി.ഐ അന്വേഷിക്കുമെന്ന് സുപ്രീം കോടതി. മുംബൈ പൊലീസ്​ ഇതുവരെ ശേഖരിച്ച തെളിവുകൾ അന്വേഷണ ഏജൻസിക്ക്​ കൈമാറണമെന്നും കോടതി ഉത്തരവിട്ടു.

സുശാന്ത് സിങ്ങിൻെറ പിതാവ് നൽകിയ പരാതിയുടെ അടിസ്ഥാനത്തിൽ ബിഹാർ പൊലീസ്​ എഫ്​.ഐ.ആർ രജിസ്റ്റർ ചെയ്ത നടപടി ശരിയാണെന്നും കേസ് സി.ബി.ഐ അന്വേഷിക്കണമെന്ന്​ ആവശ്യപ്പെടാൻ ബിഹാറിന്​ അർഹതയുണ്ടെന്നും സുപ്രീംകോടതി ചൂണ്ടിക്കാട്ടി.

സുശാന്തി​െൻറ കുടുംബം പാട്നയിൽ നൽകിയ പരാതിയുടെ അടിസ്ഥാനത്തിൽ രജിസ്റ്റർ ചെയ്ത കേസ്​ മുംബൈയിലേക്ക് മാറ്റണമെന്ന് ആവശ്യപ്പെട്ട്​ സുഹൃത്തും നടിയുമായ റിയ ചക്രവർത്തി സമർപ്പിച്ച ഹരജി സുപ്രീം കോടതി തള്ളി.

ജൂൺ 14 നാണ് സുശാന്ത് സിങ്ങിനെ (34) മുംബൈ അപ്പാർട്ട്മെൻറിൽ മരിച്ച നിലയിൽ കണ്ടെത്തിയത്. ഇത് ആത്മഹത്യയാണെന്നും സുശാന്തിന്​ വിഷാദരോഗം ബാധിച്ചിരുന്ന​ുവെന്നുമാണ്​ മുംബൈ പൊലീസ് കണ്ടെത്തിയത്​.

എന്നാൽ മക​െൻറ കാമുകി റിയ ചക്രവർത്തിയും കുടുംബവും സുശാന്തിനെ സാമ്പത്തികമായി ചൂഷണം ചെയ്​തിരുന്നുവെന്നും മാനസികമായി പീഡിപ്പിച്ചിരുന്നെന്നും ചൂണ്ടിക്കാട്ടി പിതാവ് കെ.കെ സിങ്​ ബിഹാറിൽ കേസ് ഫയൽ ചെയ്യുകയായിരുന്നു

നടൻെറ സാമ്പത്തിക സ്ഥിതിയെക്കുറിച്ചും കോടിക്കണക്കിന് രൂപ അക്കൗണ്ടിൽ നിന്ന് എടുത്തതായുമുള്ള പിതാവിൻെറ പരാതിയിൽ ബിഹാർ പൊലീസ്​​ കേസ്​ രജിസ്​റ്റർ ചെയ്​തത്​ സി.ബി.ഐ അന്വേഷണത്തിനും എൻഫോഴ്‌സ്‌മെൻറ്​ ഡയറക്ടറേറ്റി​െൻറ അന്വേഷണത്തിനും വഴിവെക്കുകയായിരുന്നു.

എന്നാൽ സുശാന്ത് സിങ്ങിൻെറ പിതാവ് ഉന്നയിച്ച എല്ലാ ആരോപണങ്ങളും റിയ നിഷേധിച്ചിരുന്നു. മുംബൈ പൊലീസ് അന്വേഷണത്തെ അസാധുവാക്കാനുള്ള ബിഹാറി​െൻറ നീക്കം തെരഞ്ഞെടുപ്പിന് മുന്നോടിയായുള്ള രാഷ്ട്രീയമാണെന്നാണ്​ റിയ കോടതിയിൽ വാദിച്ചത്​.

Show Full Article
TAGS:Sushant Singh Rajput Suicide CBI probe Supreme Court 
Next Story