സുശാന്തി​െൻറ മരണം കൊലപാതകമാണെന്ന്​ പറഞ്ഞിട്ടില്ല, നീതി ലഭ്യമാക്കണം -മുൻ കാമുകി അങ്കിത

മുംബൈ: ബോളിവുഡ്​ താരം സുശാന്ത്​ സിങ്​ രാജ്​പുത്തി​െൻറ മരണം കൊലപാതകമാണെന്ന്​ താൻ ഒരിക്കല​ും പറഞ്ഞിട്ടില്ലെന്ന്​ നടിയും സുശാന്തി​െൻറ മുൻ കാമുകിയുമായ അങ്കിത ലോഖണ്ഡെ. സുശാന്തി​നും അദ്ദേഹത്തി​െൻറ കുടുംബത്തിനും നീതി ലഭിക്കണമെന്ന്​ ഇപ്പോഴും ആവശ്യപ്പെടുന്നതായും അവർ കൂട്ടിച്ചേർത്തു.

സുശാന്തി​െനാപ്പം പവിത്ര റിഷ്​ത സീരിയലിലെ സഹതാരമായിരുന്നു അങ്കിത. 2016 വരെ ഇരുവരും പ്രണയത്തിലുമായിരുന്നു. സുശാന്തി​െൻറ കാമുകി റിയ ചക്രബർത്തിയുടെ അറസ്​റ്റിന്​ പിന്നാലെയാണ്​ അങ്കിതയുടെ ട്വീറ്റ്​.

'അന്വേഷണ ഏജൻസികൾ സത്യം എന്തായാലും പുറത്തുകൊണ്ടുവരും. ഒരു ഇന്ത്യൻ പൗര എന്ന നിലയിലും മഹാരാഷ്​ട്രക്കാരി എന്ന നിലയിലും സംസ്​ഥാന സർക്കാറിലും ​പൊലീസിലും കേന്ദ്ര അ​േന്വഷണ ഏജൻസികളിലും ഞാൻ വിശ്വാസം അർപ്പിക്കുന്നു. സുശാന്തുമായി ബന്ധപ്പെട്ട കാര്യങ്ങൾ അറിയിക്കുന്നതിന്​ മാത്രമാണ്​ താൻ മുന്നോട്ടുവരുന്നത്​. 2016 വരെയുള്ള സുശാന്തി​നെക്കുറിച്ചും അദ്ദേഹത്തി​െൻറ മാനസികാവസ്​ഥയെക്കുറിച്ചും വിവരിക്കുന്നതിന്​ മാത്രമാണ്​ ഇത്​' -അങ്കിത ട്വീറ്റ്​ ചെയ്​തു.

ഇ​േപ്പാൾ അറസ്​റ്റിലായ നടിയും സുശാന്ത​ും ഉറ്റ സുഹൃത്തുക്കളായിരുന്നു. അവർ ഒരിക്കലും സുശാന്തി​െന മയക്കുമരുന്ന്​ ഉപയോഗിക്കാൻ അനുവദിക്കരുതായിരുന്നു. അവർക്ക്​​ സുശാന്തി​െൻറ മാനസികാരോഗ്യവും വിഷാദവുമായി ബന്ധപ്പെട്ട്​ വ്യക്തമായ അറിവുണ്ടായിരുന്നു. പൊതു സമൂഹത്തോട് അവർ അത്​ വിളിച്ചുപറയുകയും ചെയ്​തു. വിശാദ​രോഗിയായ ഒരാളെ മയക്കുമരുന്ന്​ ഉപയോഗിക്കാൻ അനുവദിക്കണ​മായിരുന്നോ. അതെങ്ങനെയാണ്​ സഹായകമാകുക -അങ്കിത ചോദിച്ചു. സുശാന്തി​െൻറ ആരോഗ്യം വീണ്ടെടുക്കുന്നതിനായി അവർ ഡോക്​ടർമാരോടൊപ്പം പരിശ്രമിച്ചുവെന്ന്​ പറയുന്നു. അതിനൊപ്പം അവർ മയക്കുമരുന്ന്​ മാഫിയയെക്കൂടി ഏകോപിപ്പിച്ചതായും അങ്കിത കുറ്റ​െപ്പടുത്തി.

ജൂൺ14നാണ്​ ബാന്ദ്രയിലെ വീട്ടിൽ സുശാന്തി​െന മരിച്ച നിലയിൽ ക​െ​ണ്ടത്തിയത്​. മുൻ കാമുകിയായ റിയ ചക്രബർത്തിയാണ്​ സുശാന്തി​െൻറ മരണത്തിന്​ ഉത്തരവാദി എന്ന്​ കുടുംബം ആരോപിച്ചിരുന്നു. തുടർന്ന്​ നടത്തിയ അന്വേഷണത്തിൽ റിയക്കും സഹോദരനും സുശാന്തി​െൻറ മാനേജർക്കും അടക്കും മയക്കുമരുന്ന്​ മാഫിയ ബന്ധം ക​ണ്ടെത്തുകയും മൂവരെയും അറസ്​റ്റ്​ ചെയ്യുകയും ചെയ്​തിരുന്നു.