സ്​കൂളിൽ കുട്ടികളില്ല; പകരം ആടുകൾ

ഇംഫാൽ: മണിപ്പൂരിലെ ഖേലാകോഹോങിലെ സ്​കൂളിൽ വിദ്യാർഥികൾക്ക്​ പകരം  ക്ലാസ്​മുറികളിൽ ആടുകൾ. വിദ്യാഭ്യാസമന്ത്രി ടി.രാധാശ്യാം സ്​കൂളിൽ നടത്തിയ മിന്നൽ സന്ദർശനത്തിനാലാണ്​ ക്ലാസ്​റൂമുകളിൽ ആടുകളെ കണ്ടെത്തിയത്​. എന്നാൽ, ഇൗ രണ്ട്​ ക്ലാസിലും കുട്ടികൾ ഉണ്ടെന്ന കണക്കുകളാണ്​ സ്​കൂൾ അധികൃതർ സർക്കാറിന്​ സമർപ്പിച്ചിരുന്നത്​.

അതേ സമയം, ഇല്ലാത്ത കുട്ടികളുടെ എണ്ണത്തിന്​ യൂനിഫോം, ഉച്ചഭക്ഷണം, പുസ്​തകം എന്നിവക്കെല്ലാമുള്ള ആനുകൂല്യങ്ങളും സർക്കാറിൽ നിന്ന്​ നേടി​യെടുത്തിരുന്നു. മന്ത്രി സന്ദർശനം നടത്തു​േമ്പാൾ കുട്ടികളാരും ത​ന്നെ ക്ലാസുകളിൽ ഉണ്ടായിരുന്നില്ല. ചില ടീച്ചർമാരും ഹാജരായിരുന്നില്ല. 

അഞ്ച്​ വർഷം മുമ്പ്​ സ്​കൂളിൽ 500 കുട്ടികളുണ്ടായിരുന്നുവെന്നാണ്​ പ്രദേശവാസികൾ പറയുന്നു. പിന്നീട്​ കുട്ടികളുടെ എണ്ണം 32 ആയി കുറഞ്ഞു. നിലവിൽ  രണ്ട്​ കുട്ടികൾ മാത്രമാണ്​ ഉള്ളത്​. ഇൗ രണ്ട്​ പേർക്കാണ്​ നിരവധി പേരുടെ ആനുകൂല്യങ്ങൾ സ്​കൂൾ അധികാരികൾ സ്വന്തമാക്കി വൻ അഴിമതി നടത്തിയത്​.