കർണാടക: വിമതരുടെ രാജി സ്പീക്കർക്ക് തീരുമാനിക്കാം -സുപ്രീംകോടതി

ന്യൂ​ഡ​ൽ​ഹി: കർണാടക നിയമസഭയിൽനിന്ന് രാജി നൽകിയ വിമത എം.എൽ.എമാർക്ക് സുപ്രീംകോടതിയിൽ തിരിച്ചടി. വി​മ​ത​രു​ടെ ര ാ​ജി​ക്കാ​ര്യം സു​പ്രീം​കോ​ട​തി സ്​​പീ​ക്ക​റു​ടെ വി​വേ​ച​നാ​ധി​കാ​ര​ത്തി​ന്​ വിട്ടു.

വിമതരുടെ രാജി സ്വീകരിക്കണോ അയോഗ്യരാക്കണോ എന്ന കാര്യം സ്പീക്കർക്ക് തീരുമാനിക്കാമെന്ന് സുപ്രീംകോടതി പറഞ്ഞു. ചീ​ഫ്​ ജ​സ്​​റ്റി​സ്​ ര​ഞ്​​ജ​ൻ ഗൊ​ഗോ​യി അ​ധ്യ​ക്ഷ​നാ​യ ബെ​ഞ്ചിന്‍റേതാണ് സുപ്രധാന വിധി.

സുപ്രീംകോടതി വിധിയിലെ പ്രസക്ത ഭാഗങ്ങൾ

• സ്പീക്കറുടെ തീരുമാനത്തിന് സമയപരിധി നിശ്ചയിക്കാനാവില്ല.
• സ്പീക്കർക്ക് അനുയോജ്യമായ സമയത്ത് തീരുമാനമെടുക്കാം.
• തീരുമാനം കോടതിയെ അറിയിക്കണം.
• വിശ്വാസ വോട്ടെടുപ്പിൽ പങ്കെടുക്കാൻ വിമത എം.എൽ.എമാരെ നിർബന്ധിക്കരുത്.
• സ്പീക്കറുടെ വിവേചനാധികാരത്തെ നിയന്ത്രിക്കാൻ ആഗ്രഹിക്കുന്നില്ല.

ത​ങ്ങ​ളെ അ​യോ​ഗ്യ​രാ​ക്കാ​ൻ സ്​​പീ​ക്ക​റെ അ​നു​വ​ദി​ക്കാ​തെ രാ​ജി സ്വീ​ക​രി​ക്കാ​ൻ നി​ർ​ദേ​ശം ന​ൽ​ക​ണ​മെ​ന്നാ​വ​ശ്യ​പ്പെ​ട്ട്​ 15 വി​മ​ത എം.​എ​ൽ.​എ​മാ​ർ ന​ൽ​കി​യ ഹ​ര​ജി​ക​ളി​ൽ ചൊ​വ്വാ​ഴ്​​ച വാ​ദം കേ​ട്ടിരുന്നു. തുടർന്നാണ് ഇന്ന് വി​ധി പ​റഞ്ഞത്.

കോടതി വിധി സ്വാഗതം ചെയ്യുന്നെന്നും വിശ്വാസ വോട്ടെടുപ്പിൽ പങ്കെടുക്കില്ലെന്നും വിമത എം.എൽ.എമാർ പ്രതികരിച്ചു. തങ്ങൾ ഒരുമിച്ചാണെന്നും രാജി നൽകിയ തീരുമാനത്തിൽ മാറ്റമില്ലെന്നും വിമതർ വ്യക്തമാക്കി.