സുപ്രീംകോടതി ശൈത്യകാല അവധിയിലേക്ക്; വെക്കേഷൻ ബെഞ്ച് ഉണ്ടായിരിക്കില്ലെന്ന് ചീഫ് ജസ്റ്റിസ്

ന്യൂഡൽഹി: ഡിസംബർ 19 മുതൽ ഡിസംബർ 31 വരെ സുപ്രീംകോടതിക്ക് ശൈത്യകാല അവധി. ഇക്കാലയളവിൽ വെക്കേഷൻ ബെഞ്ച് ഉണ്ടായിരിക്കില്ലെന്ന് ചീഫ് ജസ്റ്റിസ് ഡി.വൈ. ചന്ദ്രചൂഢ് അറിയിച്ചു. അവധിക്ക് ശേഷം ജനുവരി രണ്ടിനാണ് കോടതി പ്രവർത്തനം വീണ്ടും ആരംഭിക്കുക.

അവധി കാലയളവിൽ സുപ്രീംകോടതിയുടെ പ്രവർത്തനങ്ങൾ മുന്നോട്ടുകൊണ്ടുപോകുന്നതിനാണ് വെക്കേഷൻ ബെഞ്ചുകൾക്ക് രൂപം നൽകാറുള്ളത്.