തെരഞ്ഞെടുപ്പ്​ റാലികൾക്ക്​ മധ്യപ്രദേശ്​ ഹൈകോടതി ഏർപ്പെടുത്തിയ നിരോധനത്തിന്​ സുപ്രീംകോടതി സ്​റ്റേ

ന്യൂഡൽഹി: കോവിഡി​െൻറ പശ്​ചാത്തലത്തിൽ തെരഞ്ഞെടുപ്പ്​ റാലികൾക്ക്​ മധ്യപ്രദേശ്​ ഹൈകോടതി ഏർപ്പെടുത്തിയ നിരോധനത്തിന്​ സുപ്രീംകോടതി സ്​റ്റേ. ഹൈകോടതിയുടെ ഗ്വാളിയാർ ബെഞ്ചാണ്​ സ്​റ്റേ ഏർപ്പെടുത്തിയത്​. ഇതിനെതിരെ തെരഞ്ഞെടുപ്പ്​ കമീഷനാണ്​ സുപ്രീംകോടതിയെ സമീപിച്ചത്​. 28 സീറ്റുകളിലേക്കാണ്​ മധ്യപ്രദേശിൽ ഉപതെരഞ്ഞെടുപ്പ്​ നടക്കുന്നത്​.

ജസ്​റ്റിസ്​ എ.എം ഖാൻവിൽക്കറി​െൻറ നേതൃത്വത്തിലുള്ള സുപ്രീംകോടതിയുടെ മൂന്നംഗ ബെഞ്ചാണ്​ ഉത്തരവ്​ പുറപ്പെടുവിച്ചത്​. റാലികളിൽ സാമൂഹിക അകലം കർശനമായി പാലിക്കണമെന്ന്​ കോടതി നിർദേശിച്ചിട്ടുണ്ട്​. റാലികളിൽ കോവിഡ്​ പ്രോ​ട്ടോകോൾ പാലിക്കുന്നുണ്ടോയെന്ന്​ സംസ്ഥാന സർക്കാർ ഉറപ്പാക്കണം. ഇത്​ ലംഘിക്കുന്നവർക്കെതി​രെ നടപടിയെടുക്കണമെന്നും കോടതി ഉത്തരവിട്ടു.

വിർച്വുലായി പ്രചാരണം നടത്താനായിരുന്നു ഹൈകോടതി നേരത്തെ നൽകിയിരുന്ന നിർദേശം. ഇത്​ സാധ്യമല്ലാത്ത സാഹചര്യം വരികയാണെങ്കിൽ മാത്രം കർശന വ്യവസ്ഥകളോടെ റാലികൾക്ക്​ അനുമതി നൽകാൻ ജില്ലാ മജിസ്​ട്രേറ്റുമാർക്ക്​ ഹൈകോടതി അനുമതി നൽകിയിരുന്നു. തെരഞ്ഞെടുപ്പ്​ കമീഷന്​ പുറമേ രണ്ട്​ ബി.ജെ.പി സ്ഥാനാർഥികളും ഇക്കാര്യത്തിൽ അപ്പീലുമായി സുപ്രീംകോടതിയെ സമീപിച്ചിരുന്നു.