രാഷ്ട്രീയ പോരാട്ടമല്ല നടത്തേണ്ടത്; മുല്ലപ്പെരിയാറില്‍ കേരളത്തിന് സുപ്രീംകോടതിയുടെ രൂക്ഷവിമര്‍ശനം

ന്യൂഡല്‍ഹി: മുല്ലപ്പെരിയാറിലെ വെള്ളം തുറന്നുവിടുന്നത​ുമായി ബന്ധപ്പെട്ട്​ കേരളം ഉന്നയിച്ച രണ്ട്​ ആവശ്യങ്ങൾ സുപ്രീം കോടതി പരിഗണിക്കാതെ തള്ളി. അപേക്ഷയുമായി സുപ്രീംകോടതിയിൽ വരുന്നതിന്​ പകരം മേൽനോട്ട സമിതിയിലാണ്​ പോകേണ്ടതെന്ന്​ കേരള​േത്താട്​ നിർദേശിച്ച ജസ്​റ്റിസ്​ എ.എം ഖൻവിൽകർ അധ്യക്ഷനായ ബെഞ്ച്​ ദൈനംദിന പ്രശ്​നങ്ങളുമായി മേലിൽ കോടതിയിലേക്ക്​ വരരുതെന്നും ഉത്തരവിട്ടു. രാഷ്​ട്രീയം കോടതിക്ക് പുറത്തുമതിയെന്നും സുപ്രീം കോടതി ഒാർമിപ്പിച്ചു.

മുല്ലപ്പെരിയാറിൽ നിന്നും അർധരാത്രിയിൽ മുന്നറിയിപ്പില്ലാതെ ജലം തുറന്നുവിടുന്നതിൽ നിന്ന് തമിഴ്നാടിനെ വിലക്കുക, സ്പിൽവേ ഷട്ടറുകൾ തുറക്കുന്നതിലും, ഒഴുക്കേണ്ട വെള്ളത്തി​െൻറ അളവിലും തീരുമാനമെടുക്കാൻ കേരള, തമിഴ്നാട് പ്രതിനിധികൾ അടങ്ങിയ സംയുക്ത സാങ്കേതിക ഓൺ സൈറ്റ് സമിതി രൂപവൽക്കരിക്കുക എന്നീ ആവശ്യങ്ങളാണ്​ കേരളം അപേക്ഷയിലുന്നയിച്ചിരുന്നത്​.

മേൽനോട്ടസമിതിക്ക്​ മുമ്പാകെ ​വെക്കേണ്ട പരാതികളുമായാണ്​​ കേരളം സുപ്രീംകോടതിയിലേക്ക്​​ വരുന്നതെന്നായിരുന്നു കോടതിയുടെ ആദ്യ പ്രതികരണം. വെള്ളം തുറന്നുവിടണമോ വേണ്ടയോ എന്ന്​ മേൽനോട്ട സമിതി തീരുമാനിക്ക​െട്ട.

ഇതേ കുറിച്ച്​ സമിതി പൂർണമായും നിശബ്​ദരാണെന്നും അവരൊന്നും ചെയ്യുന്നില്ലെന്നും അഡ്വ.ജയ്ദീപ്​ ഗുപ്​ത ബോധിപ്പിച്ചപ്പോൾ അതിന് സമിതിയിലെ​ കേരളത്തി​െൻറ പ്രതിനിധിയെയാണ്​ കുറ്റപ്പെടുത്തേണ്ടത്​ എന്ന്​ ജസ്​റ്റിസ്​ ഖൻവിൽകർ തിരിച്ചടിച്ചു. എല്ലാ രാഷ്​ട്രീയ പ്രസ്​താവനകളും ഇവിടെ വന്ന്​ നടത്തുകയാണ്​. അത്തരം രാഷ്​ട്രീയ പ്രസ്​താവനകൾ കോടതിയിൽ നടത്തേണ്ട. നിങ്ങൾക്ക്​ രാഷ്​ട്രീയ സമ്മർദങ്ങളുണ്ടാകാമെങ്കിലും ഞങ്ങൾക്ക്​ അതേ കുറിച്ച്​ ആശങ്കയില്ല^ ജസ്​റ്റിസ്​ ഖൻവിൽകർ തുടർന്നു.

മേൽനോട്ട സമിതിയാണ്​ പ്രശ്​ന പരിഹാരത്തിന്​ ഏറ്റവും നല്ലത്​്.​ കേരളത്തി​െൻറ പ്രതിനിധി ആ സമിതിയിലുണ്ട്​. കേരളത്തി​െൻറ കാര്യം ആ പ്രതിനിധി നോക്കും. ഏതെങ്കിലും ഒരു തീരുമാനം എടുക്കണമെന്നോ എടുക്കരുതെന്നോ സമിതിക്ക്​ സുപ്രീംകോടതി നിർദേശം നൽകില്ല. വെള്ളം തുറന്നുവിടാനുള്ള അപേക്ഷയും സമിതി പരിഗണിക്ക​െട്ട. വെള്ളം തുറന്നുവിടേണ്ടതുണ്ടോ ഇല്ലേ എന്നും സമിതി തീരുമാനിക്ക​െട്ട. എല്ലാ പ്രവർത്തനങ്ങളും സമവായത്തിലാക​െട്ട എന്നും സുപ്രീംകോടതി കൂട്ടിച്ചേർത്തു.

തുടർന്ന്​ പുറപ്പെടുവിച്ച ഉത്തരവിൽ പരാതികളിലെ തർക്ക വിഷയങ്ങളും നിലപാടുകളും പരിശോധിക്കുന്നില്ലെന്ന്​ സുപ്രീംകോടതി വ്യക്​തമാക്കി. പകരം വെള്ളം തുറന്ന​ുവിടുന്നതും ജലനിരപ്പ്​ സംബന്ധിച്ചും നടപടി എടുക്കും മുമ്പ്​ കക്ഷികൾ മേൽനോട്ട സമിതിയെ സമീപിക്കുകയാണ്​ വേണ്ടത്​. അത്തരമൊരു അപേക്ഷ കിട്ടിയാലുടൻ അതി​െൻറ അടിയന്തിര സ്വഭാവം പരിഗണിച്ച്​ സമിതി പരിഗണനക്ക്​ എടുക്കണം. ഇതിൽ കുടുതൽഒന്നും പറയുന്നില്ലെന്നും സമവായത്തിലുടെ ഇരുകൂട്ടർക്കും പരിഹരിക്കാവുന്ന ഇത്തരം പരാതികളുമായി രണ്ട്​ കുട്ടരും മേലിൽ സുപ്രീംകോടതിയിലേക്ക്​ വരരുതെന്നും ബെഞ്ച്​ ഉത്തരവിൽ മുന്നറിയിപ്പ്​ നൽകി. അണക്കെട്ടുമായി ബന്ധപ്പെട്ട പൊതുതാൽപര്യ ഹരജികൾ പരിഗണിക്കാനായി ജനുവരി 11ലേക്ക്​ കോടതി മാറ്റി.