കേസ്​ പരിഗണിക്കാൻ വൈകി; മാപ്പുചോദിച്ച്​ സുപ്രീംകോടതി

ന്യൂഡൽഹി: വിവിധ കോടതികൾ കയറിയിറങ്ങി കുഴഞ്ഞുമറിഞ്ഞ കേസ്​ പരിഗണിക്കാൻ പതിറ്റാണ്ടിലധികം വൈകിയതിൽ അന്യായക്കാരനോട്​ സുപ്രീംകോടതി ക്ഷമ പറഞ്ഞു. പരസ്​പര ബന്ധമുള്ള കേസുകളിൽ ഹൈകോടതി ജഡ്​ജി വ്യത്യസ്​തമായ ഉത്തരവുകൾ പുറപ്പെടുവിച്ചതിലൂടെ ‘നിയമപരമായ സമസ്യ’ ആയ കേസാണിത്​. ഒരേ സംഭവവുമായി ബന്ധപ്പെട്ട കേസുകളിൽ ഒന്നിൽ തുടരന്വേഷണം അനുവദിച്ചും മറ്റൊന്നിൽ തുടരന്വേഷണം തടഞ്ഞുമായിരുന്നു ഉത്തരവ്​. ഇതുതന്നെയാണ്​ കേസ്​ പരിഗണിക്കാൻ വൈകിച്ചതെന്ന്​ ജസ്​റ്റിസുമാരായ ആർ.കെ. അഗർവാൾ, സഞ്​ജയ്​ കിഷൻ കൗൾ എന്നിവരുൾപ്പെട്ട ബെഞ്ച്​ അഭിപ്രായപ്പെട്ടു. 

ത​​െൻറ കടമുറി വ്യാജ വാടക ​രേഖകളുണ്ടാക്കി രണ്ട്​ സഹോദരന്മാർ കൈവശം വെച്ചിരിക്കുന്നെന്ന്​ ആരോപിച്ച്​​ ഉത്തരാഖണ്ഡ്​ റൂർക്കീ സ്വദേശി ശ്യാംലത ഹരിദ്വാർ സീനിയർ പൊലീസ്​ സൂപ്രണ്ടിന്​ 2004ൽ പരാതി നൽകുന്നതോടെയാണ്​ വ്യവഹാരങ്ങളുടെ തുടക്കം. ഇതേകാലത്തുതന്നെ ഇവരുടെ ഒരു സഹോദരൻ സിവിൽ കോടതിയെ സമീപിച്ചു. നിയമപരമായി അവകാശപ്പെട്ട സ്​ഥലത്ത്​ സഹോദരി കടക്കുന്നത്​ തടയണമെന്നായിരുന്നു ഇയാളുടെ പരാതി. ഇതിൽ പൊലീസ്​ അന്വേഷണത്തിന്​ കോടതി ഉത്തരവിട്ടു. വാടകശീട്ടിലെ കൈയൊപ്പി​​െൻറ ആധികാരികത പരിശോധിക്കാനും നിർദേശിച്ചിരുന്നു. ഇരുകൂട്ടരും അപ്പീൽ കോടതികളെ സമീപിച്ച്​ ഒടുവിൽ കേസ്​ ഉത്തരാഖണ്ഡ്​ ഹൈകോടതിയിലെത്തി.

2006ൽ കേസുകൾ പരിഗണിച്ച കോടതി, സ്​ത്രീയുടെ ഒപ്പും കൈയെഴുത്തും രേഖകളിലുള്ളതുമായി താരതമ്യം ചെയ്യാൻ വിദഗ്​ധനെ ചുമതലപ്പെടുത്തി.  നിശ്ചിത ദിവസം ഇത്​ സിവിൽ കോടതിയിൽ ഹാജരാക്കാൻ അന്വേഷണ ഉദ്യോഗസ്​ഥനോട്​ ആവശ്യപ്പെട്ടു. ഇൗ നടപടി​ ഫലത്തിൽ അന്വേഷണം തുടരാനുള്ള അനുമതിയാണ്​. രണ്ടാമത്തെ കേസിൽ, പൊലീസ്​ കൂടുതൽ അന്വേഷണം നടത്തണമെന്ന ജുഡീഷ്യൽ മജിസ്​ട്രേറ്റി​​െൻറ ഉത്തരവ്​ കോടതി റദ്ദാക്കി. ആദ്യ ഉത്തരവ്​ സ്വാഭാവികമായി ഉണ്ടാകാവുന്നതാണെന്നും രണ്ടാമത്തേതി​​െൻറ ആവശ്യമില്ലെന്നുമായിരുന്നു​ പരമോന്നത കോടതിയുടെ നിരീക്ഷണം.