ഗൊരഖ്​പൂർ ദുരന്തം: ഇടപെടാനാകില്ലെന്ന്​  സുപ്രീംകോടതി

ന്യൂഡൽഹി: ഗൊരഖ്​പൂരിലെ ബി.ആർ.ഡി മെഡിക്കൽ കോളജിൽ 70 കുട്ടികൾ മരിക്കാനിടയായ സംഭവത്തിൽ സ്വമേധയാ ഇടപെടാനാകില്ലെന്ന്​ സുപ്രീംകോടതി. പ്രത്യേക അന്വേഷണ സംഘത്തെ നിയോഗിക്കാനും സാധിക്കില്ല. ഹരജിക്കാരന്​ ഹൈകോടതിയെ സമീപിക്കാമെന്നും സുപ്രീംകോടതി ഉത്തരവിട്ടു.

സുപ്രീം കോടതി ചീഫ്​ ജസ്​റ്റിസ്​ ജെ.എസ്​ കെഹാർ, ജസ്​റ്റിസ്​ ഡി.വൈ ചന്ദ്രചൂഢ്​ എന്നിവരടങ്ങിയ ബെഞ്ചാണ്​ അപേക്ഷ നിരസിച്ചത്​. സംഭവത്തെ കുറിച്ച്​ അന്വേഷിക്കാൻ പ്രത്യേക അന്വേഷണ സംഘത്തെ നിയമിക്കണ​മെന്നും ഹരജിയിൽ ആവശ്യപ്പെട്ടിരുന്നു. എന്നാൽ അധികൃതർ വിഷയം ​കൈകാര്യം ചെയ്യുന്നുണ്ടെന്നും എന്നിട്ടും പരാതിയുണ്ടെങ്കിൽ അലഹാബാദ്​ ഹൈകോടതിയെ സമീപിക്കാമെന്നും സുപ്രീം കോടതി പറഞ്ഞു. 

യു.​പി​യി​ൽ ബി.ആർ.ഡി സ​ർ​ക്കാ​ർ മെ​ഡി​ക്ക​ൽ കോ​ള​ജി​ൽ ഒാ​ക്​​സി​ജ​ൻ കി​ട്ടാ​തെ ആഗസ്​ത്​ ഏഴുമുതൽ ഇതുവരെ 70 കുട്ടികൾ മരിച്ചിരുന്നു. ബില്ലടക്കാത്തതിനെ തുടർന്നാണ്​ ഒാക്​സിജൻ വിതരണം നിലച്ചതെന്ന വാർത്തകൾ കഴിഞ്ഞ ദിവസങ്ങളിൽ പുറത്തു വന്നിരുന്നു. 48 മണിക്കൂറിനുള്ളിൽ മാത്രം 38 കുട്ടികളാണ്​ മരിച്ചത്​. മരിച്ചവരിൽ പലരും നവജാത ശിശു പരിചരണ വാർഡിൽ കഴിയുന്ന ശിശുക്കാളായിരുന്നു. സംഭവത്തിൽ ഒൗദ്യേആഗികമായി പരാതികളൊന്നും ലഭിക്കാത്തതിനാൽ ഇതുവരെ പൊലീസ്​ കേസെടുത്തിട്ടില്ല. 

സംസ്​ഥാനസർക്കാർ ആഗസ്​ത്​ 12ന്​ ചീഫ്​ സെക്രട്ടറി തലത്തിൽ അന്വേഷണം  പ്രഖ്യാപിച്ചിരുന്നു. മെഡിക്കൽ കോളജ്​ പ്രിൻസിപ്പൽ രാജീവ്​ മിശ്രയെ സസ്​പ​​​െൻറ്​ ചെയ്യുകയും ചെയ്​തിരുന്നു. 

മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​​​​​​​​െൻറ മ​ണ്ഡ​ല​മാ​യ ​േഗാ​ര​ഖ്​​പു​രി​ലെ ബാ​ബ രാ​ഘ​വ്​​ദാ​സ്​ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലെ ദു​ര​ന്തം സം​സ്​​ഥാ​ന സ​ർ​ക്കാ​റി​നെ പ്ര​തി​ക്കൂ​ട്ടി​ലാ​ക്കി​യി​രി​ക്കു​ക​യാ​ണ്.