Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_right​മുഹർറം ഘോഷയാത്രക്ക്​ ...

​മുഹർറം ഘോഷയാത്രക്ക്​ അനുമതി നിഷേധിച്ച്​ സുപ്രീംകോടതി

text_fields
bookmark_border
​മുഹർറം ഘോഷയാത്രക്ക്​ അനുമതി നിഷേധിച്ച്​ സുപ്രീംകോടതി
cancel

ന്യൂ​ഡൽഹി: രാജ്യത്ത് മുഹർറം ഘോഷയാത്രക്ക്​ അനുമതി നിഷേധിച്ച്​ സുപ്രീംകോടതി. കോവിഡ്​ മഹാമാരിയുടെ സാഹചര്യത്തിൽ ഘോഷയാത്രക്ക്​ അനുമതി നൽകാനാവില്ലെന്നും വൈറസ്​ വ്യാപനമുണ്ടായാൽ അത്​ ഒരു പ്രത്യേക സമ​ുദായത്തെ ലക്ഷ്യമിടുന്നതിന്​ കാരണമാകുമെന്നും ചൂണ്ടിക്കാട്ടി. ശനി, ഞായർ ദിവസങ്ങളിൽ രാജ്യത്താകെ മുഹർറം ഘോഷയാത്രക്ക്​ അനുമതി നൽകണമെന്നാവശ്യപ്പെട്ട്​ ഉത്തർപ്രദേശിൽ നിന്നുള്ള സയ്യിദ് കൽബെ ജവാദ് നൽകിയ ഹരജിയിൽ വാദം കേൾക്കവെയാണ്​ സുപ്രീംകോടതിയുടെ പരാമർശം.

"രാജ്യത്തുടനീളം മുഹറം ഘോഷയാത്ര അനുവദിക്കുകയാണെങ്കിൽ‌ അത്​ പലതരത്തിലുള്ള ആശങ്കകൾക്ക്​ കാരണമാകും. കൂടാതെ കോവിഡ്​ വ്യാപിച്ചതിന്​ ഒരു പ്രത്യേക സമൂഹത്തെ ലക്ഷ്യമിടും''-ചീഫ് ജസ്റ്റിസ് എസ്‌.എ ബോബ്ഡെ പറഞ്ഞു.

എന്നാൽ രഥയാത്രക്ക്​ സുപ്രീംകോടതി അനുമതി നൽകിയിട്ടുണ്ടെന്ന്​ ഹരജിക്കാൻ ചുണ്ടിക്കാട്ടി.

പുരി ജഗന്നാഥ് ക്ഷേത്രത്തിലെ രഥയാത്രക്കാണ്​ അനുമതി നൽകിയതെന്നും അത്​ അവിടെ മാത്രമായി നടക്കുന്നതാണെന്നും ചീഫ്​ ജസ്​റ്റിസ്​ ചൂണ്ടിക്കാട്ടി. അത്തരം സാഹചര്യത്തിൽ അവിടെ ഉണ്ടാകാനിടയുള്ള അപകടസാധ്യത വിലയിരുത്താനും അത്​ അനുസരിച്ച്​ ഉത്തരവ്​ പുറപ്പെടുവിക്കാനും കഴിയും. എന്നാൽ രാജ്യം മുഴുവനായും ആഘോഷിക്കുന്നതിനുള്ള പൊതുഉത്തരവാണ്​ ഹരജിക്കാരൻ ആവശ്യപ്പെടുന്നത്​. ഇത്തരം സാഹചര്യത്തിൽ അത്​ സാധ്യമല്ലെന്നും ജസ്​റ്റിസ്​ ബോബ്​ഡെ അറിയിച്ചു.

''കോടതിക്ക്​ എല്ലാവരുടെയും ആരോഗ്യത്തെ അപകടപ്പെടുത്താൻ കഴിയില്ല. നിങ്ങൾ ഒരിടത്ത്​ ഘോഷയാത്ര നടത്താനുള്ള അനുമതിയാണ്​ ആവശ്യപ്പെട്ടിരുന്നെങ്കിൽ അപകടസാധ്യത വിലയിരുത്തി ഉത്തരവിറക്കാമായിരുന്നു.''- ജസ്​റ്റിസ്​ ബോബ്​ഡെ വ്യക്തമാക്കി.

ഷിയ സമുദായത്തിലെ ധാരാളം മുസ്‌ലിംകൾ യു.പി തലസ്ഥാനത്ത് താമസിക്കുന്നുണ്ടെന്നും അതിനാൽ ലഖ്‌നോവിൽ ഘോഷയാത്രക്ക്​ അനുമതി നൽകണമെന്നും ഹരജിക്കാരൻ അഭ്യർഥിച്ചു. ലഖ്​നോവിൽ പരിപാടി നടത്തുന്നതിനുള്ള അനുമതിക്കായി അപേക്ഷകന്​ അലഹബാദ് ഹൈകോടതിയെ സമീപിക്കാ​മെന്ന് സുപ്രീം കോടതി അറിയിച്ചു.

Show Full Article
TAGS:Muharram Processions COVID Supreme Court 
Next Story