Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജെല്ലിക്കെട്ട്​...

ജെല്ലിക്കെട്ട്​ നിയമവിധേയമാക്കിയ നടപടി ഭരണഘടനാ ബെഞ്ചിന്​

text_fields
bookmark_border
ജെല്ലിക്കെട്ട്​ നിയമവിധേയമാക്കിയ നടപടി ഭരണഘടനാ ബെഞ്ചിന്​
cancel

ന്യൂഡൽഹി: ജെല്ലിക്കെട്ടുമായി ബന്ധപ്പെട്ട കേസുകൾ സുപ്രീംകോടതി ഭരണഘടനാ ബെഞ്ചി​​​െൻറ പരിഗണനക്ക്​ വിട്ടു. ചീഫ്​ ജസ്​റ്റിസ്​ ദിപക്​ മിശ്ര, ജസ്​റ്റിസ്​ ആർ.എഫ്​ നരിമാൻ എന്നിവരടങ്ങിയ ബെഞ്ചാണ്​ വിഷയം ഭരണഘടനാ ബെഞ്ചിനു വിട്ടത്​. 

ജെല്ലിക്കെട്ട്​ നിയമ വിധേയമാക്കുന്നതിന്​ തമിഴ്​നാടും മഹാരാഷ്​ട്രയും രൂപീകരിച്ച നിയമങ്ങളെ ചോദ്യം ചെയ്യുന്ന ഹരജികളാണ്​ ഭരണഘടനാ ബെഞ്ച്​ പരിഗണിക്കുക​. 

ജെല്ലിക്കെട്ടുപോലുള്ള കായിക വിനോദങ്ങൾ ‘സാംസ്​കാരിക അവകാശങ്ങൾ സംരക്ഷിക്കുന്നതിനുള്ള ഭരണഘടനാ വകുപ്പ്​ 29(1) പ്രകാരം അനുവദനീയമാക്കുന്നതിന്​ നിയമം നിർമിക്കാൻ സംസ്​ഥാനങ്ങൾക്ക്​ അധികാരമുണ്ടോ എന്ന കാര്യത്തിലാണ്​​ ഭരണഘടനാ ബെഞ്ച്​ തീർപ്പ്​ കൽപ്പിക്കേണ്ടത്​. 

മൃഗങ്ങൾക്കെതിരെയുള്ള ക്രൂരത നിരോധിക്കുന്ന ​1960 ​ലെ കേന്ദ്ര നിയമം ഭേദഗതി ചെയ്​താണ്​ തമിഴ്​നാടും മഹാരാഷ്​ട്രയും ജെല്ലിക്കെട്ടിന്​ സംരക്ഷണം നൽകാൻ നിയമ നിർമാണം നടത്തിയത്​. 

മതസ്വാതന്ത്ര്യത്തിനുള്ള ഭരണഘടന വകുപ്പ്​ 25ഉം മൃഗങ്ങളോടുള്ള ക്രൂരതക്കെതിരെയുള്ള 29(1) വകുപ്പും പരിശോധിച്ചപ്പോൾ സംസ്​ഥാനങ്ങൾക്ക്​ ഇത്തരമൊരു നിയമ നിർമാണത്തിന്​ അർഹതയുള്ളതായി മനസിലാക്കാൻ സാധിച്ചില്ലെന്നും കോടതി പറഞ്ഞു. ഇക്കാര്യങ്ങളിൽ വ്യക്​തത വരുത്താനാണ്​ കേസ്​ ഭരണഘടനാ ബെഞ്ചിന്​ വിട്ടത്​.  

തമിഴ്​നാട്​ പാസാക്കിയ  മൃഗങ്ങളോടുള്ള ക്രൂരത​ തടയൽ ഭേദഗതി ബിൽ 2017നെതി​രെ മൃഗസ്​നേഹികളുടെ സംഘടനയായ പേറ്റ നൽകിയ ഹരജിയിൽ കഴിഞ്ഞ നവംബറിൽ സുപ്രീം കോടതി സർക്കാറി​​​െൻറ വിശദീകരണം തേടിയിരുന്നു. 


 

Show Full Article
TAGS:bull taming jallikattu supreme court Constitution Bench india news malayalam news 
News Summary - Supreme Court Refers Pleas Against Jallikattu to Constitution Bench - India News
Next Story