Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightലാവ്​ലിൻ കേസ്​...

ലാവ്​ലിൻ കേസ്​ സുപ്രീംകോടതി മാറ്റിവെച്ചു

text_fields
bookmark_border
ലാവ്​ലിൻ കേസ്​ സുപ്രീംകോടതി മാറ്റിവെച്ചു
cancel

ന്യൂഡൽഹി: ലാവ്‍ലിൻ കേസിലെ ഹൈകോടതി വിധിക്കെതിരെ സി.ബി.ഐ നൽകിയ ഹരജി പരിഗണിക്കുന്നത്​ സുപ്രീംകോടതി മാറ്റിവെച്ചു. ജസ്റ്റിസ് എൻ.വി.രമണ അധ്യക്ഷനായ മൂന്നംഗ‌ ബഞ്ചാണ്​ കേസ്​ മാറ്റിവെച്ചത്​​. കേസ്​ രണ്ടാഴ്​ചക്ക്​ ശേഷം പരിഗണിക്കും. മുഖ്യമന്ത്രി പിണറായി വിജയൻ, മുൻ ഊർജ സെക്രട്ടറി കെ. മോഹനചന്ദ്രൻ, ജോയിൻറ്​ സെക്രട്ടറി എ. ഫ്രാൻസിസ് എന്നിവരെ കുറ്റവിമുക്തരാക്കിയ ഹൈകോടതി വിധിക്കെതിരെയാണ്​ സി.ബി.ഐ സുപ്രീംകോടതിയെ സമീച്ചത്​.

അതേസമയം, കേസിൽ കക്ഷി ചേരാൻ മറ്റുള്ളവരെ അനുവദിക്കുന്നതിനെ പിണറായി വിജയൻ എതിർത്തു. ക്രൈം നന്ദകുമാർ ഉൾപ്പടെയുള്ളവർ കേസിൽ കക്ഷി ചേരുന്നതിനെയാണ്​ എതിർത്തത്​. പിണറായി വിജയൻ അഴിമതിക്കുള്ള ഗൂഢാലോചനയിൽ പങ്കാളിയാണെന്നും ഇതിന്​ കൃത്യമായ തെളിവുണ്ടെന്നും സി.ബി.ഐ ആരോപിക്കുന്നു​. കുറ്റപത്രത്തിൽ നിന്ന് പിണറായി ഉൾപ്പടെയുള്ള പ്രതികളെ ഹൈകോടതി ഒഴിവാക്കിയത് വസ്തുതകൾ പരിശോധിക്കാതെയാണെന്നും വിധി റദ്ദാക്കണമെന്നും സി.ബി.ഐ ആവശ്യപ്പെടുന്നു.

പ്രതിപ്പട്ടികയിലുള്ള എല്ലാവരേയും വിചാരണ ചെയ്യണമെന്നാണ്​ സി.ബി.ഐ സുപ്രീംകോടതിയിൽ ആവശ്യപ്പെടുന്നത്​​. തങ്ങളെ കുറ്റവിമുക്‌തരാക്കണമെന്ന്​ ആവശ്യപ്പെട്ട്​ ആർ.ശിവദാസ്, കസ്തൂരിരംഗ അയ്യർ, കെ.ജി. രാജശേഖരൻ എന്നീ കെ.എസ്.ഇ.ബി മുൻ ഉദ്യോഗസ്ഥരും ഹരജി സമർപ്പിച്ചിട്ടുണ്ട്​. ഇവർ വിചാരണ നേരിടണമെന്ന്​ ഹൈകോടതി വിധിച്ചിരുന്നു.

Show Full Article
TAGS:lavlin case pinarayi vijayan supreme court india news malayalam news 
News Summary - Supreme court postponed lavlin case -india news
Next Story