കോവിഡ്​ ബാധിച്ച്​ മരിച്ചവരുടെ കുടുംബാംഗങ്ങൾക്ക്​ നഷ്​ടപരിഹാരം നൽകണമെന്ന്​ സുപ്രീംകോടതി

ന്യൂ​ഡ​ൽ​ഹി: കോ​വി​ഡ്​ ബാ​ധി​ച്ചു മ​രി​ച്ച​വ​രു​ടെ ആ​ശ്രി​ത​ർ​ക്ക്​ ദേ​ശീ​യ ദു​ര​ന്ത നി​വാ​ര​ണ നി​യ​മ പ്ര​കാ​രം ന​ഷ്​​ട​പ​രി​ഹാ​രം ന​ൽ​ക​ണ​മെ​ന്ന് സു​പ്രീം​കോ​ട​തി. ന​ഷ്​​ട​പ​രി​ഹാ​രം ശി​പാ​​ർ​ശ ചെ​യ്യു​ക​യെ​ന്ന ഭ​ര​ണ​ഘ​ട​നാ​പ​ര​മാ​യ ഉ​ത്ത​ര​വാ​ദി​ത്തം നി​ർ​വ​ഹി​ക്കാ​തി​രു​ന്ന ദേ​ശീ​യ ദു​ര​ന്ത നി​വാ​ര​ണ അ​തോ​റി​റ്റി​യെ ജ​സ്​​റ്റി​സു​മാ​രാ​യ അ​ശോ​ക്​ ഭൂ​ഷ​ൺ, എം.​ആ​ർ. ഷാ ​എ​ന്നി​വ​ര​ട​ങ്ങു​ന്ന ബെ​ഞ്ച്​ രൂ​ക്ഷ​മാ​യി വി​മ​ർ​ശി​ച്ചു. ന​ഷ്​​ട​പ​രി​ഹാ​രം ന​ൽ​കാ​ൻ ആ​വ​ശ്യ​മാ​യ മാ​ർ​ഗ​നി​ർ​ദേ​ശ​ങ്ങ​ൾ ആ​റാ​ഴ്​​ച​ക്ക​കം ത​യാ​റാ​ക്കാ​ൻ ബെ​ഞ്ച്​ അ​തോ​റി​റ്റി​ക്ക്​ നി​ർ​ദേ​ശം ന​ൽ​കി.

മ​രി​ച്ച​വ​ർ​ക്ക്​ നാ​ല്​ ല​ക്ഷം രൂ​പ ന​ഷ്​​ട പ​രി​ഹാ​ര​മാ​യി നി​ശ്ച​യി​ക്ക​ണ​മെ​ന്ന ആ​വ​ശ്യം അം​ഗീ​ക​രി​ക്കാ​ൻ വി​സ​മ്മ​തി​ച്ച സു​പ്രീം​കോ​ട​തി ഇ​ക്കാ​ര്യം അ​തോ​റി​റ്റി​ക്ക് വി​ട്ടു. കോ​വി​ഡ്​ മ​ര​ണ സ​ർ​ട്ടി​ഫി​ക്ക​റ്റു​ക​ൾ​ക്കു​ള്ള ന​ട​പ​ടി​ക്ര​മ​ങ്ങ​ൾ ല​ളി​ത​മാ​ക്കാ​നും ഉ​ത്ത​ര​വി​ൽ നി​​ർ​ദേ​ശ​മു​ണ്ട്. ദു​ര​ന്ത നി​വാ​ര​ണ നി​യ​മ​ത്തി​െൻറ 12ാം വ​കു​പ്പ്​ പ്ര​കാ​രം ദേ​ശീ​യ ദു​ര​ന്ത​മു​ണ്ടാ​യാ​ൽ ഇ​ര​ക​ൾ​ക്ക്​ ചു​രു​ങ്ങി​യ ദു​രി​താ​ശ്വാ​സം ന​ൽ​കാ​ൻ ദേ​ശീ​യ ദു​ര​ന്ത നി​വാ​ര​ണ അ​തോ​റി​റ്റി ശി​പാ​ർ​ശ ന​ൽ​ക​ണ​മെ​ന്ന്​ സു​പ്രീ​ം​കോ​ട​തി വ്യ​ക്​​ത​മാ​ക്കി. ആ ​നി​യ​മ​ത്തി​െൻറ 12(മൂ​ന്ന്) വ​കു​പ്പ്​ പ്ര​കാ​രം ന​ഷ്​​ട​പ​രി​ഹാ​ര​വും ദു​രി​താ​ശ്വാ​സ​ത്തി​ൽ ഉ​ൾ​പ്പെ​ടും. 12ാം വ​കു​പ്പ് കേ​ന്ദ്ര​സ​ർ​ക്കാ​റി​ന്​​ നി​ർ​ബ​ന്ധ​മാ​യും പാ​ലി​ക്കേ​ണ്ട​തി​ല്ല എ​ന്ന വാ​ദം കോ​ട​തി ത​ള്ളി. നി​ർ​ബ​ന്ധ​മാ​യും ന​ൽ​ക​ണ​മെ​ന്ന​ത്​്​ കൊ​ണ്ടാ​ണ്​ ഇം​ഗ്ലീ​ഷി​ലെ 'ഷാ​ൽ' (shall) എ​ന്ന പ​ദം ഉ​പ​യോ​ഗി​ച്ച​തെ​ന്ന്​ ബെ​ഞ്ച്​ കേ​ന്ദ്ര​സ​ർ​ക്കാ​റി​നെ ഒാ​ർ​മി​പ്പി​ച്ചു.

ന​ഷ്​​ട​പ​രി​ഹാ​രം നി​ശ്ച​യി​ക്കാ​ൻ കോ​ട​തി​ക്കാ​വി​ല്ല

ന്യൂ​ഡ​ൽ​ഹി: ദു​ര​ന്ത നി​വാ​ര​ണ നി​യ​മ​ത്തി​ലെ 12ാം വ​കു​പ്പ്​ പ്ര​കാ​രം ന​ഷ്​​ട​പ​രി​ഹാ​ര​ത്തി​ന്​ ശി​പാ​ർ​ശ ചെ​യ്യ​ണ​മെ​ന്ന ഭ​ര​ണ​ഘ​ട​നാ​പ​ര​മാ​യ ബാ​ധ്യ​ത നി​ർ​വ​ഹി​ക്കു​ന്ന​തി​ൽ അ​തോ​റി​റ്റി പ​രാ​ജ​യ​പ്പെ​ട്ടു​വെ​ന്ന്​ സു​പ്രീം​കോ​ട​തി. ദു​രി​താ​ശ്വാ​സ​ത്തി​െൻറ മി​നി​മം മാ​ന​ദ​ണ്ഡം എ​ങ്കി​ലും നി​ശ്ച​യി​ക്കേ​ണ്ട ക​ർ​ത്ത​വ്യം ദു​ര​ന്ത നി​വാ​ര​ണ അ​തോ​റി​റ്റി​ക്കു​ണ്ട്. ന​ഷ്​​ട​പ​രി​ഹാ​രം എ​ത്ര​യാ​ണെ​ന്ന്​ നി​ശ്ച​യി​ക്കാ​ൻ കോ​ട​തി​ക്കാ​വി​ല്ല. ന​ഷ്​​ട​പ​രി​ഹാ​രം സ​ർ​ക്കാ​റി​ന്​ ധ​ന​ബാ​ധ്യ​ത വ​രു​ത്തു​മെ​ന്ന കാ​ര്യ​ത്തി​ൽ ത​ർ​ക്ക​മി​ല്ല. അ​തി​നാ​ൽ ഒ​രു നി​ശ്ചി​ത തു​ക ന​ഷ്​​ട​പ​രി​ഹാ​രം ന​ൽ​ക​ണ​മെ​ന്ന്​ നി​ർ​ദേ​ശം ന​ൽ​കാ​നാ​വി​​ല്ലെ​ന്നും ബെ​ഞ്ച്​ കൂ​ട്ടി​ച്ചേ​ർ​ത്തു.