സ്വകാര്യത മൗലികാവകാശമെന്ന് സുപ്രീംകോടതി

ന്യൂഡല്‍ഹി: സ്വകാര്യത മൗലികാവകാശമാണെന്ന്​ ചീഫ്​ ജസ്​റ്റിസ്​ ജെ.എസ്​. ഖെഹാറി​​​​െൻറ അധ്യക്ഷതയിലുള്ള സുപ്രീംകോടതിയുടെ ഒമ്പതംഗ ഭരണഘടന ബെഞ്ച്​ ​െഎകകണ്​ഠ്യേന വിധിച്ചു. സ്വകാര്യതക്കുള്ള അവകാശം മറ്റു മൗലികാവകാശങ്ങൾപോലെ പരമമല്ലെന്നും ഭരണകൂടത്തി​​​​െൻറ നീതിപൂർവകവും നിയമാനുസൃതവുമായ നിയന്ത്രണങ്ങൾക്ക്​ വിധേയമാണെന്നും ആറു വ്യത്യസ്​ത വിധിന്യായങ്ങളിൽ ബെഞ്ച്​ കൂട്ടി​േച്ചർത്തു.  സ്വകാര്യത മൗലികാവകാശമല്ലെന്ന എം.പി. ശര്‍മ, ഖരക് സിങ്​ കേസുകളിൽ സ​ുപ്രീംകോടതി മുമ്പ്​ നടത്തിയ വിധികൾ ഇതോടെ റദ്ദായി.

കേന്ദ്രസർക്കാറിന്​ കനത്ത തിരിച്ചടിയായ വിധി കേരള സർക്കാറി​​​​െൻറ നിലപാടിനുള്ള അംഗീകാരം കൂടിയായി. സ്വകാര്യത മൗലികാവകാശമല്ലെന്നും കേവലം നിയമപരമായ അവകാശം മാത്രമാണെന്നുമുള്ള കേന്ദ്ര സർക്കാർ നിലപാട്​ ഒമ്പതംഗ ബെഞ്ച്​ ​തള്ളി. കേന്ദ്രത്തി​​​​െൻറ സമാന നിലപാടാണ്​ ആധാർ ഇറക്കിയ ഏകീകൃത തിരിച്ചറിയൽ രേഖ അതോറിറ്റിയും സ്വീകരിച്ചതെന്നും സുപ്രീംകോടതി പറഞ്ഞു. ഭരണഘടനയുടെ മൂന്നാം ഭാഗത്തിൽ പറയുന്ന മൗലികാവകാശമാണെന്നതിനൊപ്പം 21ാം അനുഛേദം ഉറപ്പുനൽകുന്ന അവകാശങ്ങളിൽപ്പെട്ടതുക​ൂടിയാണെന്ന്​ സംയുക്​ത വിധി വ്യക്​തമാക്കി. ജീവിക്കാനും വ്യക്​തിസ്വാതന്ത്ര്യത്തിനുമുള്ള അവകാശമാണ്​ 21ാം അനുഛേദം ഉറപ്പുനൽകുന്നത്​. 

കേന്ദ്ര സർക്കാർ ഉയർത്തിക്കാണിച്ച പ്രധാന വിഷയങ്ങളിൽ യോജിച്ച ജഡ്​ജിമാർ നിയന്ത്രണവും പരിമിതിയടക്കമുള്ള വിഷയങ്ങളിൽ വ്യത്യസ്​ത വീക്ഷണം പ്രകടിപ്പിച്ചു. ചീഫ് ജസ്​റ്റിസ്​ ജെ.എസ്. ഖെഹാര്‍, ജസ്​റ്റിസുമാരായ  ആര്‍.കെ. അഗര്‍വാള്‍, ഡി.വൈ ചന്ദ്രചൂഡ്, അബ്​ദുൽ നസീര്‍ എന്നീ നാല​ു പേര്‍ക്കുമായി ജസ്​റ്റിസ്​ ഡി.വൈ ചന്ദ്രചൂഡ്​ ഒരു വിധിപ്രസ്​താവനയും അനുബന്ധമെന്ന നിലയിൽ സ്വന്തം അഭിപ്രായങ്ങൾ ചേർത്ത്​ ജസ്​റ്റിസുമാരായ ജെ.  ചെലമേശ്വര്‍, എസ്.എ. ബോഡെ, ആര്‍.എഫ്.  നരിമാന്‍, എ.എം. സപ്രേ, എസ്.കെ. കൗള്‍ എന്നിവർ അഞ്ചു വ്യത്യസ്​ത വിധി പ്രസ്​താവനകളുമിറക്കി. 

സ്വകാര്യത സംബന്ധിച്ച ഇൗ തീർപ്പ്​ വിഷയം റഫർ ചെയ്​ത ആധാർ ബെഞ്ചിലേക്ക്​ വിടുകയാ​ണെന്ന്​ ജസ്​റ്റിസ്​ രോഹിങ്​​ടൺ നരിമാൻ  വ്യക്​തമാക്കി. ആ ബെഞ്ച്​ ഇൗ വിധിയുടെ അടിസ്​ഥാനത്തിൽ ആധാറിനെതിരായ ഹരജികൾ തീർപ്പാക്കണമെന്ന്​ ജസ്​റ്റിസ്​ നരിമാൻ നിർദേശിച്ചു. മൂന്നംഗ ബെഞ്ചായിരുന്നു ആധാർ കേസ്​ നോക്കിയിരുന്നതെന്നും സ്വകാര്യത പിന്നീട് അഞ്ചംഗ ബെഞ്ച്​ ജൂലൈ 18ന്​ കേട്ടുവെന്നും അതിനുശേഷമാണ്​ കേസ്​ ഒമ്പതംഗ ബെഞ്ചിന്​ വിട്ടതെന്നും അദ്ദേഹം ഒാർമിപ്പിച്ചു.

ഭരണഘടനയുടെ 21ാം അനുഛേദം ഉറപ്പുനൽകുന്ന അവകാശം ഒരിക്കലും വേർപെട​ുത്താനാകാത്ത അവകാശമാണെന്ന്​ ചീഫ്​ ജസ്​റ്റിസ്​ ജെ.എസ്.​ ഖെഹാർ​, ജസ്​റ്റിസുമാരായ ആർ.കെ. അഗർവാൾ, ഡി.വൈ ചന്ദ്രചൂഡ്​, എസ്​. അബ്​ദുൽനസീർ എന്നിവർ വ്യക്​തമാക്കി.  ഭരണഘടനയുടെ മൂന്നാം ഭാഗം അനുവദിക്കുന്ന മൗലികാവകാശങ്ങളിൽപെട്ട സ്വാതന്ത്ര്യവും അന്തസ്സുമായി ബന്ധപ്പെട്ടതു കൂടിയാണ്​ സ്വകാര്യതയുടെ ഘടകങ്ങൾ. എന്നാൽ, സ്വകാര്യത പരമമായ മൗലികാവകാശമല്ല, ഭരണഘടനാപരമായി സംരക്ഷിക്കപ്പെട്ട അവകാശമാണ്​.  

സ്വകാര്യതയിലേക്ക്​ കടന്ന​ുകയറുന്ന നിയമം  മൗലികാവകാശങ്ങളിലുള്ള നിയന്ത്രണത്തി​​​​െൻറ മാനദണ്ഡങ്ങൾക്ക്​വിധേയമായിരിക്കണം. അത്തരമൊരു കടന്നുകയറ്റം  നിയമവിധേയവും ഭരണകൂടത്തി​​​​െൻറ നിർണിതമായ ലക്ഷ്യമുള്ളതും ആ ലക്ഷ്യവും അത്​ കൈക്കൊള്ളാൻ സ്വീകരിക്കുന്ന മാർഗവും തമ്മിൽ യുക്​തിസഹമായ ബന്ധമുണ്ടായിരിക്കുന്നതുമാകണമെന്നും ​​വിധി തുടർന്നു. 
 

സ്വകാര്യത മൗലികാവകാശം,പരമമല്ല –കേന്ദ്രം

ന്യൂ​ഡ​ൽ​ഹി: വ്യ​ക്​​തി​ക​ളു​ടെ സ്വ​കാ​ര്യ​ത മൗ​ലി​കാ​വ​കാ​ശ​മാ​യി പ്ര​ഖ്യാ​പി​ച്ച സു​പ്രീം​കോ​ട​തി വി​ധി കേ​ന്ദ്ര സ​ർ​ക്കാ​ർ സ്വാ​ഗ​തം ചെ​യ്​​തു. എ​ന്നാ​ൽ, സ്വ​കാ​ര്യ​ത​ പ​ര​മ​മാ​യ അ​വ​കാ​ശ​മ​ല്ലെ​ന്നും ഭ​ര​ണ​ഘ​ട​ന​യി​ലെ മ​റ്റു അ​വ​കാ​ശ​ങ്ങ​ൾ​പോ​ലെ ‘യു​ക്​​തി​സ​ഹ​മാ​യ നി​യ​​ന്ത്ര​ണ​ങ്ങ​ൾ’​ക്ക്​ വി​ധേ​യ​മാ​ണെ​ന്നും കോ​ട​തി​വി​ധ​ി​യോ​ട്​ പ്ര​തി​ക​രി​ക്ക​വെ കേ​ന്ദ്ര നി​യ​മ​​മ​ന്ത്രി ര​വി​ശ​ങ്ക​ർ പ്ര​സാ​ദ്​ വ്യ​ക്​​ത​മാ​ക്കി. 

‘സ്വ​കാ​ര്യ​ത​ക്കു​ള്ള അ​വ​കാ​ശം പ​ര​മ​മ​ല്ല. ഇ​തി​ന്​ പ​രി​മി​തി​ക​ളു​ണ്ട്. ഇൗ ​പ​രി​മി​തി ഒാ​രോ വി​ഷ​യ​ത്തി​ലും വ്യ​ത്യ​സ്​​ത​മാ​ണ്. സാ​മൂ​ഹി​ക, ധാ​ർ​മി​ക മൂ​ല്യ​ങ്ങ​ളു​ടെ​യും വ്യ​വ​സ്​​ഥ​ക​ളു​ടെ​യും പൊ​തു​താ​ൽ​പ​ര്യ​ത്തി​​​െൻറ​യും അ​ടി​സ്​​ഥാ​ന​ത്തി​ൽ നി​യ​മ​പ്ര​കാ​ര​മു​ള്ള നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്താ​ൻ രാ​ഷ്​​ട്ര​ത്തി​ന്​ അ​ധി​കാ​ര​മു​ണ്ട്​’ -ജ​സ്​​റ്റി​സ്​ അ​ഭ​യ്​ മ​നോ​ഹ​ർ സ​പ്​​റെ​യു​ടെ വി​ധി​ന്യാ​യം ഉ​ദ്ധ​രി​ച്ച്​ മ​ന്ത്രി വി​ശ​ദീ​ക​രി​ച്ചു. 

സ​ർ​ക്കാ​ർ നി​ല​പാ​ട്​ കോ​ട​തി ശ​രി​വെ​ച്ച​താ​യി മ​ന്ത്രി അ​വ​കാ​ശ​പ്പെ​ട്ടു. സ്വ​കാ​ര്യ​ത മൗ​ലി​കാ​വ​കാ​ശ​മാ​ണെ​ന്നും എ​ന്നാ​ൽ, യു​ക്​​തി​സ​ഹ​മാ​യ നി​യ​ന്ത്ര​ണ​ങ്ങ​ൾ​ക്ക്​ വി​ധേ​യ​മാ​ണെ​ന്നു​മാ​ണ്​ അ​റ്റോ​ണി ജ​ന​റ​ൽ വാ​ദി​ച്ച​ത്​ -മ​ന്ത്രി വി​ശ​ദീ​ക​രി​ച്ചു. വി​ധി ഫാ​ഷി​സ്​​റ്റ്​ ശ​ക്​​തി​ക​ൾ​ക്ക്​ തി​രി​ച്ച​ടി​യാ​ണെ​ന്ന രാ​ഹു​ൽ ഗാ​ന്ധി​യു​ടെ പ്ര​സ്​​താ​വ​ന​യെ ര​വി​ശ​ങ്ക​ർ പ്ര​സാ​ദ്​ രൂ​ക്ഷ​മാ​യി വി​മ​ർ​ശി​ച്ചു. വേ​ണ്ട​ത്ര ഗൃ​ഹ​പാ​ഠം ന​ട​ത്താ​തെ സം​സാ​രി​ക്കു​ക രാ​ഹു​ലി​​​െൻറ ശീ​ല​മാ​ണെ​ന്ന്​ പ​റ​ഞ്ഞ അ​ദ്ദേ​ഹം, അ​ടി​യ​ന്ത​രാ​വ​സ്​​ഥ​ക്കാ​ല​ത്ത്​ കോ​ൺ​​ഗ്ര​സ്​ എ​ന്താ​ണ്​ ചെ​യ്​​ത​തെ​ന്ന്​ എ​ല്ലാ​വ​ർ​ക്കും അ​റി​യാ​മെ​ന്ന്​ പ​രി​ഹ​സി​ച്ചു. 

377-ാം വകുപ്പ്​ സുപ്രീംകോടതി റദ്ദാക്കി
ന്യൂ​ഡ​ൽ​ഹി: പ്രാ​യ​പൂ​ർ​ത്തി​യാ​യ​വ​രു​ടെ ഉ​ഭ​യ​സ​മ്മ​ത​പ്ര​കാ​ര​മു​ള്ള സ്വ​കാ​ര്യ ലൈം​ഗി​ക​ത കു​റ്റ​ക​ര​മാ​ക്കു​ന്ന ഇ​ന്ത്യ​ൻ ശി​ക്ഷാ​നി​യ​മ​ത്തി​െ​ല 377^ാം വ​കു​പ്പ്​ സു​പ്രീം​കോ​ട​തി​യു​ടെ ഒ​മ്പ​തം​ഗ ഭ​ര​ണ​ഘ​ട​ന ബെ​ഞ്ച്​ അ​സാ​ധു​വാ​ക്കി. സ്വ​കാ​ര്യ​ത മൗ​ലി​കാ​വ​കാ​ശ​മാ​ക്കി​യ വി​ധി​യി​ലാ​ണ്​ സ്വ​വ​ർ​ഗ​ര​തി​യും നി​യ​മ​വി​ധേ​യ​മാ​യി മാ​റ്റു​ന്ന നി​ല​പാ​ട്​ സു​പ്രീം​കോ​ട​തി കൈ​ക്കൊ​ണ്ട​ത്. ഒ​രാ​ളു​ടെ സ്വ​കാ​ര്യ​ത​യു​ടെ​യും അ​ന്ത​സ്സി​​​െൻറ​യും ഭാ​ഗ​മാ​യ, ത​ട​യാ​നാ​വാ​ത്ത ലൈം​ഗി​ക താ​ൽ​പ​ര്യ പൂ​ർ​ത്തീ​ക​ര​ണ​ത്തെ അ​പ​ക​ട​ത്തി​ലാ​ക്കു​ന്ന​താ​ണ്​ 377^ാം വ​കു​പ്പെ​ന്ന്​ കു​റ്റ​പ്പെ​ടു​ത്തി​യാ​ണ്​ സു​പ്രീം​കോ​ട​തി അ​ത്​ റ​ദ്ദാ​ക്കി​യ​ത്. 

സ്വ​വ​ർ​ഗ​ര​തി​ക്കാ​രു​ടെ ആ​വ​ശ്യം ത​ള്ളി 377^ാം വ​കു​പ്പ്​ പു​നഃ​സ്​​ഥാ​പി​ച്ച സു​പ്രീം​കോ​ട​തി​യു​ടെ ര​ണ്ടം​ഗ ബെ​ഞ്ചി​​​െൻറ വി​ധി ഇ​തോ​ടെ ദു​ർ​ബ​ല​പ്പെ​ടു​ത്തി​യെ​ന്ന്​ ചീ​ഫ്​ ജ​സ്​​റ്റി​സ്​ ജെ.​എ​സ്. ഖെ​ഹാ​ർ അ​ധ്യ​ക്ഷ​നാ​യ ബെ​ഞ്ച്​ വ്യ​ക്​​ത​മാ​ക്കി. രാ​ജ്യ​ത്തെ വ​ള​രെ ചെ​റി​യ ന്യൂ​ന​പ​ക്ഷ​മാ​ണ്​ സ്വ​വ​ർ​ഗ​ര​തി​ക്കാ​രെ​ന്ന്​ ചൂ​ണ്ടി​ക്കാ​ട്ടി​യാ​ണ്​ സു​പ്രീം​കോ​ട​തി 377^ാം വ​കു​പ്പ്​ റ​ദ്ദാ​ക്ക​ണ​മെ​ന്ന അ​വ​രു​ടെ ആ​വ​ശ്യം ത​ള്ളി​യ​ത്. എ​ന്നാ​ൽ, ഭ​ര​ണ​ഘ​ട​ന സം​ര​ക്ഷ​ണ​മു​ള്ള അ​വ​കാ​ശ​ങ്ങ​ൾ അ​നു​വ​ദി​ക്കു​ന്ന​തി​ന്​ ജ​ന​ങ്ങ​ൾ​ക്കി​ട​യി​ലു​ള്ള സ്വീ​കാ​ര്യ​ത മാ​ന​ദ​ണ്ഡ​മ​ല്ലെ​ന്ന്​ നാ​ലം​ഗ​ങ്ങ​ൾ ത​യാ​റാ​ക്കി​യ വി​ധി​പ്ര​സ്​​താ​വ​ത്തി​ൽ വ്യ​ക്​​ത​മാ​ക്കി. 

ത​ങ്ങ​ളു​ടെ കാ​ഴ്​​ച​പ്പാ​ടും വി​ശ്വാ​സ​വും ജീ​വി​ത​രീ​തി​യും മു​ഖ്യ​ധാ​ര​യി​ലു​ള്ള​വ​ർ അം​ഗീ​ക​രി​ക്കു​ന്നി​ല്ല എ​ന്ന കാ​ര​ണ​ത്താ​ൽ ചെ​റു ന്യൂ​ന​പ​ക്ഷ​ങ്ങ​ൾ വി​വേ​ച​ന​ത്തി​​​െൻറ അ​പ​ക​ടം അ​നു​ഭ​വി​ക്കു​ക​യാ​ണ്. എ​ന്നാ​ൽ, ജ​നാ​ധി​പ​ത്യ ഭ​ര​ണ​ഘ​ട​ന അ​വ​രു​ടെ അ​വ​കാ​ശ​ങ്ങ​ൾ മ​റ്റു​ള്ള പൗ​ര​ന്മാ​രു​ടെ സ്വാ​ത​ന്ത്ര്യം സം​ര​ക്ഷി​ക്കു​ന്ന​പോ​ലെ സം​ര​ക്ഷി​ക്ക​ണ​മെ​ന്നും നാ​ല്​ ജ​ഡ്​​ജി​മാ​രും കൂ​ട്ടി​ച്ചേ​ർ​ത്തു. ത​​​െൻറ പ്ര​ത്യേ​ക വി​ധി​പ്ര​സ്​​താ​വ​ത്തി​ൽ ജ​സ്​​റ്റി​സ്​ സ​ഞ്​​ജ​യ്​ കി​ഷ​ൻ കൗ​ൾ ഇൗ ​വി​ധി​യെ പി​ന്തു​ണ​ച്ചു. ഭൂ​രി​പ​ക്ഷ കാ​ഴ്​​ച​പ്പാ​ട്​ ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ൾ​ക്ക്​ ബാ​ധ​ക​മ​ല്ലെ​ന്നും ജ​സ്​​റ്റി​സ്​ കൗ​ൾ ഒാ​ർ​മി​പ്പി​ച്ചു. ഒ​രാ​ളു​ടെ ലൈം​ഗി​ക താ​ൽ​പ​ര്യം അ​യാ​ളു​ടെ സ്വ​കാ​ര്യ​ത​യു​മാ​യി ബ​ന്ധ​പ്പെ​ട്ട​താ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.


ചരിത്രവിധിയുടെ നാൾവഴി

• 2017 ജൂ​ലൈ ഏ​ഴ്​: വി​വി​ധ സാ​മൂ​ഹി​ക​ക്ഷേ​മ പ​ദ്ധ​തി​ക​ളു​ടെ സേ​വ​നം ല​ഭ്യ​മാ​ക്കാ​ൻ ആ​ധാ​ർ നി​ർ​ബ​ന്ധ​മാ​ക്കി​യ​തി​നെ​തി​രാ​യ പ​രാ​തി​ക​ളി​ൽ വാ​ദം കേ​ൾ​ക്ക​വേ, സ്വ​കാ​ര്യ​ത സം​ബ​ന്ധി​ച്ച്​ വാ​ദം​കേ​ൾ​ക്കാ​ൻ വി​പു​ല​മാ​യ ​െബ​ഞ്ച്​ ആ​വ​ശ്യ​മാ​ണെ​ന്ന്​ സു​പ്രീം​കോ​ട​തി​യി​ലെ മൂ​ന്നം​ഗ ​െബ​ഞ്ച്​ നി​ർ​ദേ​ശി​ച്ചു. 
• ജൂ​ലൈ 18: ഭ​ര​ണ​ഘ​ട​ന പ്ര​കാ​രം സ്വ​കാ​ര്യ​ത മൗ​ലി​ക​വ​കാ​ശ​മാ​യി പ്ര​ഖ്യാ​പി​ക്കാ​ൻ സാ​ധി​ക്കു​മോ എ​ന്ന്​ പ​രി​ശോ​ധി​ക്കാ​ൻ ഒ​മ്പ​തം​ഗ ബെ​ഞ്ച്​ രൂ​പ​വ​ത്​​ക​രി​ക്കാ​ൻ അ​ഞ്ചം​ഗ ബെ​ഞ്ച്​ തീ​രു​മാ​നി​ച്ചു. 
• ജൂ​ലൈ 19: സ്വ​കാ​ര്യ​ത മൗ​ലി​കാ​വ​കാ​ശ​മ​ല്ലെ​ന്ന്​ കേ​ന്ദ്ര സ​ർ​ക്കാ​ർ സു​പ്രീം​കോ​ട​തി​യി​ൽ
• ജൂ​ലൈ 26: സ്വ​കാ​ര്യ​ത​ക്കു​വേ​ണ്ടി​യു​ള്ള അ​വ​കാ​ശ​ത്തി​ന്​ അ​നു​കൂ​ല​മാ​യി ബി.​ജെ.​പി ഇ​ത​ര സ​ർ​ക്കാ​റു​ക​ൾ ഭ​രി​ക്കു​ന്ന സം​സ്​​ഥാ​ന​ങ്ങ​ൾ സു​പ്രീം​കോ​ട​തി​യി​ൽ
• ജൂ​ലൈ 26: ചി​ല പ​രി​മി​തി​ക​ളോ​ടെ സ്വ​കാ​ര്യ​ത മൗ​ലി​കാ​വ​കാ​ശ​മാ​ണെ​ന്ന്​ കേ​​ന്ദ്ര സ​ർ​ക്കാ​ർ
• ജൂ​ലൈ 27: സ്വ​കാ​ര്യ​ത സ്വ​ന്ത​മാ​യി നി​ല​നി​ൽ​ക്കു​ന്ന അ​വ​കാ​ശ​മ​ല്ലെ​ന്നും അ​ത്​ ഒ​രു സ​ങ്ക​ൽ​പ​മാ​ണെ​ന്നും മ​ഹാ​രാ​ഷ്​​ട്ര സ​ർ​ക്കാ​ർ 
• ആ​ഗ​സ്​​റ്റ്​ ര​ണ്ട്​: സാ​േ​ങ്ക​തി​ക​വി​ദ്യ​ക​ളു​ടെ കാ​ല​ഘ​ട്ട​ത്തി​ൽ സ്വ​കാ​ര്യ​ത​യു​ടെ സം​ര​ക്ഷ​ണം ‘പ​രാ​ജ​യ​പ്പെ​ട്ട യു​ദ്ധ’​മാ​ണെ​ന്ന്​ സു​പ്രീം​കോ​ട​തി
• ആ​ഗ​സ്​​റ്റ്​ 24: ഭ​ര​ണ​ഘ​ട​ന പ്ര​കാ​രം സ്വ​കാ​ര്യ​ത മൗ​ലി​കാ​വ​കാ​ശ​മാ​ണെ​ന്ന്​ സു​പ്രീം​കോ​ട​തി വി​ധി