നരോദ പാട്യ കലാപം; നാലു പ്രതികൾക്ക്​ ജാമ്യം

ന്യൂഡൽഹി: 2002ലെ നരോദ പാട്യ കലാപത്തിലെ നാലു പ്രതികളെ​ ജാമ്യത്തിൽ വിടണമെന്ന്​ സുപ്രീം കോടതി ഉത്തരവ്​. ഉമേഷ്​ഭ ായ്​ സുരഭായ്​ ഭർവാദ്​, രാജ്​ കുമാർ, പദ്​മേന്ദ്ര സിൻഹ്​ ജശ്വന്ത്​​ സിൻഹ്​ രജ്​പുത്​, ഹർഷാദ്​ എന്ന മുഗ്​ദ ജില ഗോ വിന്ദ്​ ഛരപാർമർ എന്നിവർക്കാണ്​ ജാമ്യം അനുവദിച്ചത്​. ജസ്​റ്റിസ്​ എ.എം ഖാൻവിൽക്കൽ അധ്യക്ഷനായ ബെഞ്ചാണ്​ നാലു പ് രതികൾക്കും ജാമ്യം നൽകിയത്​.

കേസിൽ വിധി പറഞ്ഞ ഹൈകോടതി തന്നെ, പ്രതികൾ കുറ്റക്കാരാണെന്ന ക​െണ്ടത്തൽ തർക്കവി ധേയമാണെന്ന്​ പറഞ്ഞിരുന്നു. ഇവരുടെ അപ്പീൽ തീർപ്പാക്കാൻ സമയം എടുക്കുകയാണെങ്കിൽ ജാമ്യത്തിൽ വിടണമെന്നും കോടതി വ്യക്​തമാക്കിയിരുന്നു. അതി​​​​െൻറ പശ്​ചാത്തലത്തിൽ കൂടിയാണ്​ നാലുപേർക്കും​ ജാമ്യം അനുവദിച്ചത്​. ഇവരെ കുറ്റക്കാരാണെന്ന്​ കണ്ടെത്തിയത്​ സംശയാസ്​പദമാണെന്ന്​ മൂന്ന്​ ജാമ്യ ഉത്തരവുകളിലും സുപ്രീംകോടതി നിരീക്ഷിച്ചു.

വീടുകൾ നശിപ്പിക്ക​ണമെന്ന ഉദ്ദേശ്യത്തോടെ തീയും സ്ഫോടകവസ്​തുക്കളും ഉപയോഗിച്ചുവെന്ന കുറ്റമാണ്​ ഇവർക്കെതിരെ ചുമത്തിയിരുന്നത്​. നിയമാനുസൃതമല്ലാതെ യോഗം ​േചർന്നുവെന്ന കുറ്റവും ഇതോടൊപ്പമുണ്ട്​.

ജാമ്യാപേക്ഷ പരിഗണിക്കവേ, പൊലീസ്​ ഉ​േദ്യാഗസ്​ഥർ പ്രതികളെ തിരിച്ചറിഞ്ഞുവെന്നത്​ ഗുജറാത്ത്​ ഹൈകോടതി വിശ്വസിച്ചുവെന്നും ചില കേസുകളിൽ തിരച്ചറിയൽ പരേഡ്​ നടത്തുകയും ചിലതിൽ നടത്താതിരിക്കുകയും ചെയ്​തുവെന്നും സുപ്രീംകോടതി ചൂണ്ടിക്കാട്ടി. 15,000ഒാളം ആളുകൾക്കിടയിൽ നിന്ന്​ ഇവരെ തിരിച്ചറിഞ്ഞുവെന്നത്​ വിശ്വസനീയമല്ലെന്ന്​ അപ്പീലിൽ വാദിക്കുന്നുണ്ട്​.

കേസിലെ മറ്റൊരു പ്രതിയായ പ്രകാശ്​ ഭായ്​ സുരേഷ്​ ഭായ്​ റാത്തോഡിന്​ മകളുടെ വിവാഹത്തിനായി ജനുവരി 28 മുതൽ ഫെബ്രുവരി 15 വരെ ഇടക്കാല ജാമ്യവും സുപ്രീം കോടതി അനുവദിച്ചിട്ടുണ്ട്​.

2002 ​െഫബ്രുവരി 28 ന്​ അഹമ്മദാബാദിലെ നരോദ പാട്യയിൽ ആയിരക്കണക്കിന്​ പേർ നടത്തിയ കലാപത്തിൽ 97 മുസ്​ലീംകളാണ്​കൊല്ലപ്പെട്ടത്​. കേസിൽ കഴിഞ്ഞ വർഷം ഗുജറാത്ത്​ ഹൈകോടതി ബജ്​റംഗ്​ ദൾ നേതാവ്​ ബാബു ബജ്​റംഗിയെ കുറ്റക്കാരനാണെന്ന്​ കണ്ടെത്തിയിരുന്നു. എന്നാൽ ബി.ജെ.പി മുൻ മന്ത്രി മായ കൊട്​നാനിയെ തെളിവുകളില്ലെന്ന്​ കാണിച്ച്​ വെറു​െത വിട്ടിരുന്നു.