സാമ്പത്തിക സംവരണം: സ്​റ്റേയില്ലെന്ന്​ സുപ്രീംകോടതി

ന്യൂഡൽഹി: മുന്നാക്ക വിഭാഗങ്ങളിൽ സാമ്പത്തികമായി പിന്നാക്കം നിൽക്കുന്നവർക്ക്​ സർക്കാർ ഉദ്യോഗങ്ങളിലും വിദ് യാഭ്യാസ സ്ഥാപനങ്ങളിലും ​സംവരണം നൽകാനുള്ള കേന്ദ്ര തീരുമാനം​ സുപ്രീംകോടതി സ്​റ്റേ ​​ചെയ്​തില്ല. അതേസമയം, നിയമ ത്തി​​​െൻറ സാധുത പരിശോധിക്കുമെന്നും ​കോടതി വ്യക്തമാക്കി. ഹരജിയിൽ കേന്ദ്രസർക്കാറിന്​ കോടതി നോട്ടീസ്​ അയച്ചു.

സാമ്പത്തിക സംവരണം നടപ്പാക്കുന്നത്​ സംബന്ധിച്ച്​ കേന്ദ്രസർക്കാർ നാലാഴ്​ചക്കകം വിശദീകരണം നൽകണമെന്നും കോടതി ആവശ്യ​പ്പെട്ടു. സംവരണം 50 ശതമാനത്തിൽ കൂടുതൽ അനുവദിക്കുന്നത്​ ഭരണഘടനാ വിരുദ്ധമാണെന്ന സുപ്രീംകോടതി വിധി ​ സാമ്പത്തിക സംവരണത്തിന്​ എതിരാണെന്ന്​ ചൂണ്ടിക്കാട്ടി നൽകിയ ഹരജികൾ ഒന്നിച്ച്​ പരിഗണിക്കവെയാണ്​ കോടതി തൽക്കാലത്തേക്ക്​ അത്​ തടയേണ്ടതില്ലെന്ന്​ തീരുമാനിച്ചത്​.

ഭരണഘടനയിൽ സംവരണത്തെ കുറിച്ചുള്ള നിർദേശങ്ങളിൽ സാമ്പത്തികം സംവരണത്തിനുള്ള മാനദണ്ഡമല്ലെന്ന്​ 1992 ലെ സുപ്രീംകോടതിയുടെ മണ്ഡൽ കമീഷൻ വിധിയിൽ വ്യക്തമാക്കിയിരുന്നുവെന്നും ഹരജികളിൽ ചുണ്ടിക്കാട്ടുന്നു.

രണ്ടു ദിവസത്തെ ചർച്ചകൾക്കൊടുവിലാണ്​ പാ​ർ​ല​മ​​​​​െൻറി​​​​​​െൻറ ഇ​രു​സ​ഭ​ക​ളും മുന്നാക്ക സംവരണ ബിൽ വോട്ടിനിട്ട്​ പാസാക്കിയത്​. പിന്നീടിത്​ രാഷ്​ട്രപതി ഒപ്പുവെച്ച്​ അംഗീകരിക്കുകയായിരുന്നു.