ജോ​ഷി​മ​ഠിലെ ഭൂ​മി ത​ക​ർ​ച്ച​: ഹരജി സുപ്രീംകോടതി അടിയന്തരമായി പരിഗണിക്കില്ല

ന്യൂഡൽഹി: ഉത്തരാഖണ്ഡിലെ ജോ​ഷി​മ​ഠി​ലും സ​മീ​പ പ്ര​ദേ​ശ​ങ്ങ​ളി​ലും ഭൂ​മി ത​ക​ർ​ച്ച​മൂ​ല​മു​ണ്ടാ​യ സംഭവങ്ങൾ ചൂണ്ടിക്കാട്ടിയുള്ള ഹരജിയിൽ സുപ്രീംകോടതി അടിയന്തര വാദം കേൾക്കില്ല. കേസ് ജനുവരി 16ന് പരിഗണിക്കാമെന്ന് സുപ്രീംകോടതി വ്യക്തമാക്കി. ചീഫ് ജസ്റ്റിസ് ഡി.വൈ ചന്ദ്രചൂഡും ജസ്റ്റിസ് പി.എസ്. സിംഹയും അംഗങ്ങളായ ഡിവിഷൻ ബെഞ്ചാണ് ഇക്കാര്യം വ്യക്തമാക്കിയത്.

പ്രധാനപ്പെട്ട എല്ലാ സംഭവങ്ങളും പരമോന്നത കോടതിയുടെ പരിഗണനയിൽ വരണമെന്നില്ല. ഈ വിഷയങ്ങൾ കൈകാര്യം ചെയ്യുന്നതിന് ജനാധിപത്യ രീതിയിൽ തെരഞ്ഞെടുക്കപ്പെട്ട സർക്കാർ പ്രവർത്തിക്കുന്നുണ്ടെന്നും സുപ്രീംകോടതി വ്യക്തമാക്കി.

ജോ​ഷി​മ​ഠ് അടക്കമുള്ള സ്ഥലങ്ങളിലെ പ്രത്യേക സാഹചര്യം ചൂണ്ടിക്കാട്ടി മത പുരോഹിതനായ സ്വാമി അവിമുക്തേശ്വരാനന്ദ് സരസ്വതിയാണ് അടിയന്തര ഇടപെടൽ ആവശ്യപ്പെട്ട് സുപ്രീംകോടതിയിൽ ഹരജി നൽകിയത്.

തി​ങ്ക​ളാ​ഴ്ച ജോ​ഷി​മ​ഠി​ലെ 68 വീ​ടു​ക​ളി​ൽ​ കൂ​ടി വി​ള്ള​ൽ കണ്ടെത്തി. ഇ​തോ​ടെ വി​ള്ള​ലും ത​ക​ർ​ച്ച​യും ബാ​ധി​ച്ച വീ​ടു​ക​ളു​ടെ എ​ണ്ണം 678 ആ​യി. 27 ​കു​ടും​ബ​ങ്ങ​ളെ കൂ​ടി തി​ങ്ക​ളാ​ഴ്ച സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റ്റി. ഏകദേശം നാലായിരം പേരെ സുരക്ഷിത മേഖലയിലേക്ക് മാറ്റിപ്പാർപ്പിച്ചതായാണ് റിപ്പോർട്ട്.

അ​പ​ക​ടാ​വ​സ്ഥ​യി​ലാ​യ 200ഓ​ളം വീ​ടു​ക​ൾ​ക്കു​ചു​റ്റും ജി​ല്ല ഭ​ര​ണ​കൂ​ടം ചു​വ​പ്പ് അ​ട​യാ​ള​ങ്ങ​ൾ രേ​ഖ​പ്പെ​ടു​ത്തി​യി​ട്ടു​ണ്ട്. ഈ ​വീ​ടു​ക​ളി​ലു​ള്ള​വ​രോ​ടൊ​ക്കെ താ​ൽ​ക്കാ​ലി​ക ദു​രി​താ​ശ്വാ​സ ക്യാ​മ്പു​ക​ളി​ലേ​ക്കോ വാ​ട​ക വീ​ടു​ക​ളി​ലേ​ക്കോ മാ​റാ​ൻ ജി​ല്ല ഭ​ര​ണ​കൂ​ടം ആ​വ​ശ്യ​പ്പെ​ട്ടിരുന്നു. ഇ​ങ്ങ​നെ മാ​റു​ന്ന​വ​ർ​ക്ക് അ​ടു​ത്ത ആ​റു​ മാ​സ​ത്തേ​ക്ക് 4000 രൂ​പ വീ​തം സം​സ്ഥാ​ന സ​ർ​ക്കാ​ർ ന​ൽ​കും.