അലഹബാദ്, ഗുജറാത്ത് ചീഫ് ജസ്റ്റിസുമാരുടെ നിയമനത്തിന് കൊളീജിയം ശിപാർശ

ന്യൂഡൽഹി: അലഹബാദ്, ഗുജറാത്ത് ഹൈകോടതികളിലെ ചീഫ് ജസ്റ്റിസുമാരെ സുപ്രിം കോടതി ജഡ്ജിമാരായി നിയമിക്കുന്നതിനായി കൊളീജിയം ശിപാർശ. ചീഫ് ജസ്റ്റിസ് ഡി.വൈ ചന്ദ്രചൂഡ് അധ്യക്ഷനായ ജഡ്ജിമാരുടെ ആറംഗ സമിതിയാണ് ഇരുവരുടെയും പേരുകൾ നിർദേശിച്ചത്. അലഹബാദ് ഹൈകോടതി ചീഫ് ജസ്റ്റിസ് രാജേഷ് ബിൻഡാലിന്റെ പേര് കൊളീജിയം ഐക്യക​ണ്​​ഠേന നിർദേശിച്ചെങ്കിലും ഗുജറാത്ത് ഹൈകോടതി ചീഫ് ജസ്റ്റിസ് അരവിന്ദ് കുമാറിന്റെ ശിപാർശയിൽ കൊളീജിയം അംഗമമായ ജസ്റ്റിസ് കെ.എം ജോസഫ് തടസ്സവാദം ഉന്നയിച്ചു.

ഇദ്ദേഹത്തി​ന്റെ പേര് പിന്നീട് പരിഗണിക്കാമെന്നാണ് ഇദ്ദേഹം അഭിപ്രായപ്പെട്ടത്. ജസ്റ്റിസ് ബിൻഡാലിന്റെ നിയമനവുമായി ബന്ധപ്പെട്ട് കോളീജിയം പ്രമേയം സുപ്രിം കോടതി വെബ്സൈറ്റിൽ അപ് ലോഡ് ചെയ്തിട്ടുണ്ട്.