നിയമ ലോകത്തെ ഞെട്ടിച്ച്​ ഝാർഖണ്ഡ്​ ജഡ്​ജിയുടെ മരണം; സി.ബി.ഐ അന്വേഷണം വേണമെന്ന്​ ആവശ്യം

റാഞ്ചി: പ്രഭാത നടത്തത്തിനിടെ ഝാർഖണ്ഡിലെ ധൻബാദിൽ അഡീഷനൽ ജില്ല ജഡ്​ജി ഉത്തം ആനന്ദ്​ ടെ​േമ്പാ​ ഇടിച്ച്​ കൊല്ലപ്പെട്ട സംഭവത്തിൽ ഞെട്ടി നിയമലോകം. സി.സി.ടി.വി ദൃശ്യങ്ങൾ സംഭവത്തിൽ ദുരൂഹതയുണ്ടെന്ന്​ ചുണ്ടിക്കാണിക്കുന്നതായും കേസിൽ സി.ബി.ഐ അന്വേഷണം വേണമെന്നും​ ആവശ്യം ഉയർന്നിരിക്കുകയാണ്​. വിഷയം ഇന്ന്​ സുപ്രീം കോടതിയിലും ചർച്ചയായി. അപകടത്തെ കുറിച്ച്​ ഝാർഖണ്ഡ്​ ഹൈകോടതിയുമായി ബന്ധപ്പെട്ടിട്ടുണ്ടെന്നും സ്വമേധയാ കേസെടുത്തതിനാൽ ഇൗ ഘട്ടത്തിൽ ഇടപെടില്ലെന്നും സുപ്രീം കോടതി ചീഫ്​ ജസ്റ്റിസ്​ എൻ.വി രമണ പറഞ്ഞു.

ധൻബാദ്​ ജില്ല കോടതിക്ക്​ സമീപം രൺധീർ വർമ ചീക്കിൽ വെച്ചാണ് ഉത്തം ആനന്ദ്​ വാഹനം ഇടിച്ച്​ മരിച്ചത്​. ധൻബാദ്​ മജിസ്​ട്രേറ്റ് കോളനിക്ക്​ സമീപത്ത്​ വെച്ചാണ്​ ഉത്തം ആനന്ദിനെ വാഹനം ഇടിച്ച്​ തെറിപ്പിച്ചത്​. പരിക്കുകളോടെ സമീപത്തെ ആശുപത്രിയിൽ പ്രവേശിപ്പിച്ചെങ്കിലും മരിച്ചു.

ടെ​േമ്പാ​ ഡ്രൈവറെയും കൂട്ടാളിയെയും അറസ്റ്റ്​ ചെയ്​തതായി പൊലീസ്​ പറഞ്ഞു. അപകടം നടക്കുന്നതിന്​ മണിക്കൂറുകൾക്ക്​ മുമ്പ്​​ മോഷണം പോയ വാഹനമാണ്​ അപകടമുണ്ടാക്കിയതെന്നാണ്​​ റിപ്പോർട്ടുകൾ​​. അപകടത്തിന്‍റെ ദൃശ്യങ്ങൾ സമീപത്ത്​ നിന്ന്​ ഒരാൾ വിഡിയോയിൽ പകർത്തിയിരുന്നതായും പ്രാദേശിക മാധ്യമങ്ങൾ റിപ്പോർട്ട്​ ചെയ്​തു.

ജാരിയ എം.എൽ.എ സഞ്​ജീവ്​ സിങ്ങിന്‍റെ അനുയായി രഞ്​ജയ്​ സിങിനെ കൊലപ്പെടുത്തിയ കേസ്​ ആനന്ദായിരുന്നു പരിഗണിച്ചിരുന്നത്​. കേസിൽ ഉത്ത​ർപ്രദേശിലെ അമാൻ സിങ്ങിന്‍റെ ഗുണ്ടാ സംഘത്തിലെ രണ്ടുപേർക്ക്​ അദ്ദേഹം ജാമ്യം നിഷേധിച്ചിരുന്നു. ആനന്ദ്​ പരിഗണിച്ചിരുന്ന കേസുകളെ പറ്റി പൊലീസ്​ അന്വേഷിക്കുന്നുണ്ട്​.

സുപ്രീം കോടതി ബാർ അസോസിയേഷൻ പ്രസിഡൻഹറ്​ വികാസ്​ സിങ്​ വിഷയത്തിൽ അടിയന്തരമായി വാദം കേൾക്കണമെന്ന്​ ജസ്റ്റിസ്​ ഡി.വൈ ചന്ദ്രചൂഢ്​ മുമ്പാകെ ആവശ്യപ്പെട്ടിരുന്നു. 'ഒരു ഗുണ്ടാസംഘത്തിന്​ ജാമ്യം നിരസിച്ചതിന് ശേഷം ആരെങ്കിലും ഇതുപോലെ കൊല്ലപ്പെടുകയാണെങ്കിൽ, ഇത് നിയമവ്യവസ്​ഥയെ സംബന്ധിച്ചിടത്തോളം അപകടകരമായ അവസ്ഥയാണ്. കേസിൽ സി.ബി.ഐ അന്വേഷണം വേണം' -സിങ്​ ചീഫ്​ ജസ്റ്റിസ്​ മുമ്പാകെ പറഞ്ഞു.

കേസിൽ അടിയന്തര റിപ്പോർട്ട്​ നൽകണമെന്ന്​ ഝാർഖണ്ഡ്​ പൊലീസിനോട്​ ഹൈകോടതി ചീഫ്​ ജസ്​റ്റിസ്​ ഉത്തരവിട്ടിരുന്നു. ഝാർഖണ്ഡ്​ ജുഡീഷ്യൽ സർവീസ്​ അസോ​സിയേഷൻ സംഭവത്തിൽ ഉന്നതതല അന്വേഷണം നടത്തണമെന്ന്​ ആവശ്യപ്പട്ടു.

മരിച്ചയാളെ പൊലീസ്​ ആദ്യം തിരിച്ചറിഞ്ഞിരുന്നില്ല. എന്നാൽ പിന്നീട്​ ബന്ധുക്കൾ എത്തി തിരിച്ചറിഞ്ഞതോടെയാണ്​ ജഡ്​ജ്​ ആണ്​ മരിച്ചതെന്നറിഞ്ഞത്​. ആറ്​ മാസം മുമ്പാണ്​​ ഉത്തം ആനന്ദ്​ ധൻബാദിലെത്തിയത്​. അപകടത്തിന്‍റെ സി.സി.ടി.വി ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിച്ചു.