സാറിഡൺ അടക്കം നിരോധിച്ച മൂന്ന്​ മരുന്നുകൾ വിൽക്കാൻ സുപ്രീംകോടതിയുടെ അനുമതി

ന്യൂഡൽഹി: കേന്ദ്ര സർക്കാർ കഴിഞ്ഞ ആഴ്​ച നിരോധിച്ച 328 ഫിക്​സഡ്​ ഡോസ്​ കോമ്പിനേഷൻ മരുന്നുകളിൽ മൂന്നെണ്ണം വിൽക്കാൻ സുപ്രീംകോടതിയുടെ അനുമതി. വേദനാസംഹാരിയായ സാറിഡൺ അടക്കമുള്ള മൂന്നു മരുന്നുകളാണ്​ വിൽക്കാൻ കോടതി അനുമതി നൽകിയത്​. മരുന്നു നിർമാതാക്കളുടെ ഹരജിയിലാണ്​ കോടതിയുടെ ഉത്തരവ്​. 1988നു മുമ്പ്​ നിർമാണം തുടങ്ങിയ മരുന്നുകൾ നിരോധിച്ചതിനെതിരെ നൽകിയ ഹരജികളിൽ കോടതി കേന്ദ്ര സർക്കാറി​​​​െൻറ വിശദീകരണം തേടി.

സാധാരണക്കാർ സ്​ഥിരമായി ഉപയോഗിക്കുന്ന സാറി​ഡൺ കൂടാതെ പ്രമേഹ രോഗത്തിനുപയോഗിക്കുന്ന ഗ്ലുകോനോം പി.ജി, ആൻറിബയോട്ടിക്കായ ലുപിഡിക്ലോക്​സ്​, ആൻറിബയോട്ടിക്​ ക്രീം ടാക്​സിം എ.ഇസഡ്​ എന്നീ മരുന്നുകൾ നിരോധിച്ച 328 മരുന്നുകളിൽ പെടുന്നവയാണ്​. ഇൗ മരുന്നുകൾ കഴിക്കുന്നതുകൊണ്ട്​ രോഗികൾക്ക്​ പ്രത്യേകിച്ച്​ ഗുണമില്ലെന്ന്​ ചൂണ്ടിക്കാട്ടിയണ്​ കേന്ദ്ര ആരോഗ്യ മന്ത്രാലയം മരുന്നുകൾ നിരോധിച്ചത്​.

ഡ്രഗ്​ ആൻറ്​ ടെക്​നിക്കൽ അഡ്വൈസറി ബോർഡും കേന്ദ്ര സർക്കാറി​​​​െൻറ തീരുമാനത്തെ പിന്തുണച്ചിരുന്നു. തീരുമാനം പൊതുജന താത്​പര്യർഥമാണെന്നും ഡി.ടി.എ.ബി പറഞ്ഞിരുന്നു.

സാറിഡണിനൊപ്പം വിൽക്കാൻ അനുവാദം നൽകിയ മറ്റു മരുന്നുകൾ ഏതെന്ന്​ വ്യക്​തമല്ല.