റഫാൽ വിധിക്കെതിരായ പുനഃപരി​േശാധനാ ഹരജികൾ തുറന്ന കോടതിയിലേക്ക്​

ന്യൂഡൽഹി: വസ്​തുതാപരമായ അബദ്ധം പോലും കടന്നുകൂടിയ റഫാൽ വിമാന ഇടപാട്​ ശരിവെച്ച വിവാദ വിധിക്കെതിരെ സമർപ്പിച്ച പുനഃപരിശോധനാ ഹരജികൾ സുപ്രീംകോടതി തുറന്ന കോടതിയിൽ പരിഗണിക്കുമെന്ന്​ ചീഫ്​ ജസ്​റ്റിസ്​ രഞ്​ജൻ ഗൊഗോയി സൂ ചിപ്പിച്ചു. കേസി​െല ഹരജിക്കാരും മുൻ കേന്ദ്രമന്ത്രിമാരുമായ യശ്വന്ത്​ സിൻഹ, അരുൺ ഷൂരി എന്നിവർക്കുവേണ്ടി പുനഃപര ി​ശോധന ഹരജികൾ സമർപ്പിച്ച അഡ്വ. പ്രശാന്ത്​ ഭൂഷണെയാണ്​ ചീഫ്​ ജസ്​റ്റിസ്​ ഇക്കാര്യം അറിയിച്ചത്​.

റഫാൽ ഇടപാടിൽ മോദിക്ക്​ ക്ലീൻ ചിറ്റ്​ നൽകിയ സുപ്രീംകോടതി വിധിക്കെതിരെ മൂന്ന് പുനഃപരിശോധന ഹരജികൾ ഇതിനകം സമർപ്പിച്ചിട്ട​ുണ്ട്​. ഇൗ ഹരജികൾ അടിയന്തരമായി കേൾക്കണമെന്ന്​ പ്രശാന്ത്​ ഭൂഷൺ വ്യാഴാഴ്​ച ചീഫ്​ ജസ്​റ്റിസി​​െൻറ കോടതി മുമ്പാകെ ആവ​ശ്യപ്പെടുകയായിരുന്നു.

വിവാദ വിധി പുറപ്പെടുവിച്ച അന്നത്തെ ബെഞ്ചിൽ ചീഫ്​ ജസ്​റ്റിസിനൊപ്പം ഉണ്ടായിരുന്ന ജസ്​റ്റിസുമാരായ സഞ്​ജയ്​ കിഷൻ കൗൾ, മലയാളിയായ കെ.എം ജോസഫ്​ എന്നീ ജഡ്​ജിമാർ നിലവിൽ മറ്റൊരു ബെഞ്ചിലായതിനാൽ അവരെ ചേർത്ത്​ പുനഃപരിശോധന ഹരജികൾ കേൾക്കുന്നതിന്​ നടപടി സ്വീകരിക്കാമെന്ന്​ ചീഫ്​ ജസ്​റ്റിസ്​ വ്യക്​തമാക്കി. റഫാലിൽ മോദി സർക്കാറിന്​ ക്ലീൻ ചിറ്റ്​ നൽകി പുറപ്പെടുവിച്ച വിധിയിൽ ഇനിയും പുറത്തുവിടാത്ത കംട്രോളർ-ഒാഡിറ്റർ ജനറൽ റിപ്പോർട്ട് പാർലമ​െൻറി​ൽവെച്ചു എന്നും ചീഫ്​ ജസ്​റ്റിസ്​ രഞ്​ജൻ ​ഗൊഗോയി എഴുതിച്ചേർത്തിരുന്നു.

കോടതിമുറിയിൽ കേൾക്കാത്തതായിരുന്നു ഇത്തരമൊരു വാദം. മോദി സർക്കാർ മുദ്രവെച്ച കവറിൽ കൊടുത്തത്​ ഹരജിക്കാർക്കുപോലും കൊടുക്കാതെ അപ്പടി പകർത്തിയെഴുതിക്കൊണ്ടാണ്​ സുപ്രീംകോടതിക്ക്​ ഇൗ വലിയ പിഴവ്​ സംഭവിച്ചത്​. ഇത്​ തിരുത്താൻ മോദി സർക്കാർ പിറ്റേന്നു​ തന്നെ സുപ്രീംകോടതിയിലേക്കോടിയെങ്കിലും ആ അപേക്ഷ ഇതുവരെയും പരിഗണിച്ചിട്ടില്ല. വസ്​തുതാപരമായ അബദ്ധം തിരുത്താൻ അപേക്ഷ നൽകിയ സർക്കാർ അത്​ പരിഗണിക്കണമെന്ന ആവശ്യവുമായി ചീഫ്​ ജസ്​റ്റിസിനെ ഇതുവരെ സമീപിച്ചിട്ടില്ല.