ഗുജറാത്ത് ഹൈകോടതി ജഡ്ജിമാരെ സ്ഥലം മാറ്റാത്തതിനെതിരെ സുപ്രീംകോടതി

ന്യൂ​ഡ​ൽ​ഹി: നാ​ലു ഗു​ജ​റാ​ത്ത് ഹൈ​കോ​ട​തി ജ​ഡ്ജി​മാ​രെ സ്ഥ​ലം​മാ​റ്റാ​നു​ള്ള കൊ​ളീ​ജി​യം ശി​പാ​ർ​ശ ന​ട​പ്പാ​ക്കാ​ത്ത കേ​ന്ദ്ര സ​ർ​ക്കാ​ർ ന​ട​പ​ടി​യെ സു​പ്രീം​കോ​ട​തി വി​മ​ർ​ശി​ച്ചു. രാ​ജ്യ​ത്തെ മ​റ്റു ഹൈ​കോ​ട​തി​ക​ളി​ൽ​നി​ന്നു​ള്ള ജ​ഡ്ജി​മാ​രു​ടെ സ്ഥ​ലം​മാ​റ്റ ശി​പാ​ർ​ശ അം​ഗീ​ക​രി​ച്ച​പ്പോ​ഴാ​ണ് ഗു​ജ​റാ​ത്ത് ഹൈ​കോ​ട​തി​യി​ലേ​ത് അ​ട​ക്കം ചി​ല ജ​ഡ്ജി​മാ​രു​ടെ കാ​ര്യ​ത്തി​ൽ മാ​ത്രം കേ​ന്ദ്രം തു​ട​ർ​ന​ട​പ​ടി കൈ​ക്കൊ​ള്ളാ​തി​രു​ന്ന​തെ​ന്ന് ജ​സ്റ്റി​സ് സ​ഞ്ജ​യ് കി​ഷ​ൻ കൗ​ൾ അ​ധ്യ​ക്ഷ​നാ​യ ബെ​ഞ്ച് ചൂ​ണ്ടി​ക്കാ​ട്ടി.

ന​വം​ബ​ർ ഏ​ഴി​ലെ കൊ​ളീ​ജി​യം ശി​പാ​ർ​ശ ന​ട​പ്പാ​ക്കാ​ത്ത​തി​നെ​തി​രെ ബം​ഗ​ളൂ​രു അ​ഡ്വ​ക്ക​റ്റ്സ് അ​സോ​സി​യേ​ഷ​ൻ സ​മ​ർ​പ്പി​ച്ച ഹ​ര​ജി പ​രി​ഗ​ണി​ക്കു​ക​യാ​യി​രു​ന്നു സു​പ്രീം​കോ​ട​തി.

കൊ​ളീ​ജി​യം ശി​പാ​ർ​ശ​ക​ളി​ൽ​നി​ന്ന് ‘തെ​ര​ഞ്ഞെ​ടു​ത്തു​ള്ള’ നി​യ​മ​നം എ​ന്തി​നാ​ണെ​ന്ന് സു​പ്രീം​കോ​ട​തി ആ​വ​ർ​ത്തി​ച്ച് ചോ​ദി​ച്ചു. അ​ഞ്ചു ജ​ഡ്ജി​മാ​രെ സ്ഥ​ലം​മാ​റ്റി​യെ​ങ്കി​ലും ആ​റു പേ​രു​ടെ സ്ഥ​ലം​മാ​റ്റം ന​ട​പ്പാ​ക്കി​യി​ല്ല. അ​തി​ൽ നാ​ലു പേ​രും ഗു​ജ​റാ​ത്ത് ഹൈ​കോ​ട​തി ജ​ഡ്ജി​മാ​രാ​ണ്. ഒ​രാ​ൾ ഡ​ൽ​ഹി ഹൈ​കോ​ട​തി​യി​ലും മ​റ്റൊ​രാ​ൾ അ​ല​ഹ​ബാ​ദ് ഹൈ​കോ​ട​തി​യി​ലു​മാ​ണ്. ഇ​തൊ​രു ന​ല്ല സൂ​ച​ന​യ​ല്ല ന​ൽ​കു​ന്ന​ത്. ഒ​രു കോ​ട​തി​യി​ൽ പ്ര​വ​ർ​ത്തി​ക്ക​രു​തെ​ന്ന് കൊ​ളീ​ജി​യം ആ​ഗ്ര​ഹി​ച്ച ജ​ഡ്ജി​മാ​ർ അ​വി​ടെ​ത​ന്നെ പ്ര​വ​ർ​ത്ത​നം തു​ട​ർ​ന്നാ​ൽ എ​ന്താ​ണ് സം​ഭ​വി​ക്കു​ക? ഇ​തി​ന്റെ പ്ര​ത്യാ​ഘാ​തം കേ​ന്ദ്രം മ​ന​സ്സി​ലാ​ക്ക​ണം.

ജ​ഡ്ജി നി​യ​മ​ന ശി​പാ​ർ​ശ​ക​ളി​ൽ എ​ട്ടു​പേ​രെ നി​യ​മി​ക്കാ​ത്ത​തും സു​പ്രീം​കോ​ട​തി ചൂ​ണ്ടി​ക്കാ​ട്ടി. മു​തി​ർ​ന്ന​വ​രെ മ​റി​ക​ട​ന്ന് അ​വ​രേ​ക്കാ​ൾ സീ​നി​യോ​റി​റ്റി കു​റ​ഞ്ഞ​വ​രെ കേ​ന്ദ്രം നി​യ​മി​ച്ച ഘ​ട്ട​ത്തി​ൽ ഗു​വാ​ഹ​തി ഹൈ​കോ​ട​തി ജ​ഡ്ജി​യു​ടെ സ​ത്യ​പ്ര​തി​ജ്ഞ മാ​റ്റി​വെ​ച്ച​തി​നെ സു​പ്രീം​കോ​ട​തി ശ്ലാ​ഘി​ക്കു​ക​യും ചെ​യ്തു.