സു​പ്രീം​കോ​ട​തി: രാഹുലിനെതിരെ നടപടിക്ക്​ ഹരജി

ന്യൂ​ഡ​ൽ​ഹി: സുപ്രീംകോടതിയിലെ മുതിർന്ന നാല്​ ജഡ്​ജിമാർ നടത്തിയ വാർത്തസ​േമ്മളനം രാഷ്​ട്രീയവത്​കരിക്കാൻ ശ്രമിച്ചതിന്​ കോൺഗ്രസ്​ അധ്യക്ഷൻ രാഹുൽ ഗാന്ധിക്കെതിരെ കോടതിയലക്ഷ്യ നടപടി ആവ​ശ്യപ്പെട്ട്​ ബി.ജെ.പി നേതാവ്​ സുപ്രീംകോടതിയിൽ. 

കഴിഞ്ഞ ലോക്​സഭ തെരഞ്ഞെടുപ്പിൽ റായ്​ബറേലിയിൽ സോണിയ ഗാന്ധിയോട്​ പരാജയപ്പെട്ട അജയ്​ അഗർവാളാണ്​ ഹരജിക്കാരൻ. ബോഫോഴ്​സ്​ കേസ്​ പിന്തുടരുന്ന അഭിഭാഷകൻകൂടിയാണ്​ അദ്ദേഹം. അതേസമയം, ചീഫ്​ ജസ്​റ്റിസ്​ ദീപക്​ മിശ്രയും നാല്​ ജഡ്​ജിമാരും തമ്മിലെ അഭിപ്രായഭിന്നത പരിഹരിക്കുന്ന കാര്യത്തിൽ വെള്ളിയാഴ്​ച പുരോഗതി ഒന്നുമുണ്ടായില്ല. ജസ്​റ്റിസ്​ ചെലമേശ്വർ സ്​ഥലത്തുണ്ടായിരുന്നില്ല.