കേരളത്തിലെ പ്രളയത്തിൽ നിന്ന്​ സംസ്ഥാനങ്ങൾ പാഠം പഠിക്കണം- സുപ്രീംകോടതി

ന്യൂഡൽഹി:​ കേരളത്തിലെ പ്രളയത്തിൽ നിന്ന്​ മറ്റ്​ സംസ്ഥാനങ്ങൾ പാഠം പഠിക്കണമെന്ന്​ സുപ്രീംകോടതി. സംസ്ഥാന സർക്കാറുകൾ ദുരന്ത നിവാരണത്തെ ഗൗരവത്തോടെ കാണണം. ഇക്കാര്യത്തിൽ കൂടുതൽ ജാഗ്രതയുണ്ടാകണമെന്നും സുപ്രീംകോടതി നിർദേശിച്ചു.

മുഴുവൻ സംസ്ഥാനങ്ങളും അവരുടെ വെബ്​സൈറ്റിൽ ദുരന്തനിവാരണ പദ്ധതി അപ്​ലോഡ്​ ചെയ്യണം, ദുരന്തനിവാരണ പദ്ധതി തയാറാക്കാൻ സംസ്ഥാനങ്ങളോട്​ ആവശ്യപ്പെടണം എന്നീ ആവശ്യങ്ങൾ ഉന്നയിച്ച്​ സമർപ്പിച്ച ഹരജിയിലാണ്​ കോടതി നിർദേശം. ജസ്​റ്റിസ്​ മദൻ ബി ലോകൂർ അധ്യക്ഷനായ ബെഞ്ചി​േൻറതാണ്​ നിർണായക നിരീക്ഷണം.

ദുരന്തമുണ്ടായതിന്​ ശേഷം വിധിയെ പഴിച്ചിട്ട്​ കാര്യമില്ല. ദുരന്തനിവാരണത്തി​​​​െൻറ മാർഗരേഖയുടെ പകർപ്പ്​ എല്ലാ സംസ്ഥാനങ്ങളും അപ്​ലോഡ്​ ചെയ്യണമെന്നും കോടതി നിർദേശിച്ചു.