സുനിൽ അറോറ മുഖ്യ തെരഞ്ഞെടുപ്പ്​ കമീഷണർ

​ന്യൂഡൽഹി: സുനിൽ അറോറയെ ഇന്ത്യയുടെ മുഖ്യ തെരഞ്ഞെടുപ്പ്​ കമീഷണറായി രാഷ്​ട്രപതി നിയമിച്ചു. നിലവിൽ തെരഞ്ഞെടുപ്പ്​ കമീഷണർമാരിൽ ഒരാളായ സുനിൽ അറോറ, സ്​ഥാനമൊഴിയുന്ന മുഖ്യ തെരഞ്ഞെടുപ്പ്​ കമീഷണർ ഒ.പി. റാവത്തിനു പകരമായി ഡിസംബർ രണ്ടിനു ചുമതലയേൽക്കും. 2019ലെ ലോക്​സഭ തെരഞ്ഞെടുപ്പ്​ ഇദ്ദേഹത്തി​​​െൻറ കീഴ​ിലായിരിക്കും നടക്കുക.

കഴിഞ്ഞ വർഷം നസീം സെയ്​ദി മുഖ്യ തെരഞ്ഞെടുപ്പ്​ കമീഷണർ സ്​ഥാനത്തുനിന്നു വിരമിച്ച ഒഴിവിലാണ് കഴിഞ്ഞ സെപ്​റ്റംബറിൽ അറോറ തെരഞ്ഞെടുപ്പ്​ കമീഷനിൽ എത്തുന്നത്​. രാജസ്​ഥാൻ കേഡറിൽനിന്നുള്ള 1980 ബാച്ച്​ ​െഎ.എ.എസ്​ ഉദ്യോഗസ്​ഥനായ അറോറ വാർത്താവിനിമയ പ്രക്ഷേപണ വകുപ്പ്​ തലവനായിരുന്നു. കൂടാതെ ധനകാര്യം, ടെക്​സ്​റ്റൈൽ, ആസൂത്രണ കമീഷൻ എന്നീ മന്ത്രാലയങ്ങളിലും പ്രവർത്തിച്ചിട്ടുണ്ട്​. ഇന്ത്യൻ എയർലൈൻസ്​ സി.എം.ഡിയായി അഞ്ചു വർഷം പ്രവർത്തിച്ചിട്ടുണ്ട്​.

രാജസ്​ഥാനിൽ വസുന്ധര രാ​െജ ആദ്യ തവണ മുഖ്യമന്ത്രിയായിരുന്നപ്പോൾ അവരുടെ പ്രിൻസിപ്പൽ സെക്രട്ടറിയും ഏറ്റവും വിശ്വസ്​ത ഉദ്യോഗസ്​ഥനുമായിരുന്നു സുനിൽ അറോറ.