യു.പിയിൽ മാസ്​ക്​ ധരിക്കാതിരുന്നാൽ 10,000 രൂപ വരെ പിഴ; പുതിയ മാർഗനിർദേശവുമായി യോഗി സർക്കാർ

ലഖ്​നോ: യു.പിയിൽ കോവിഡ്​ മാർഗനിർദേശങ്ങൾ ലംഘിക്കുന്നതിന്​ കനത്ത പിഴ ശിക്ഷയുമായി യോഗി ആദിത്യനാഥ്​ സർക്കാർ. മാസ്​ക്​ ധരിച്ചില്ലെങ്കിൽ 1000 രൂപയാണ്​ പിഴശിക്ഷ. രണ്ടാമതും കുറ്റം ആവർത്തിച്ചാൽ 10,000 രൂപ പിഴയൊടുക്കണം.

ഞായറാഴ്ചകളിൽ ലോക്​ഡൗണും പ്രഖ്യാപിച്ചിട്ടുണ്ട്​. അവശ്യസർവീസുകൾ മാത്രമേ ലോക്​ഡൗൺ ദിനത്തിൽ അനുവദിക്കു. കോവിഡ്​ രോഗികളുടെ എണ്ണം ഉയരുന്ന പശ്​ചാത്തലത്തിലാണ്​ കടുത്ത നിയന്ത്രണങ്ങൾ ഏർപ്പെടുത്തുന്നത്​. മെയ്​ 15 വരെ സ്​കൂളുകൾ അടച്ചിടാൻ കഴിഞ്ഞ ദിവസം ​സർക്കാർ നിർദേശം നൽകിയിരുന്നു.

ഇതിന്​ പിന്നാലെയാണ്​ പുതിയ നിയന്ത്രണങ്ങൾ ഏർപ്പെടുത്തുന്നത്​. യു.പിയിൽ 22,439 പേർക്കാണ്​ കഴിഞ്ഞ ദിവസം​ കോവിഡ്​ ബാധിച്ചത്​. 104 പേരാണ്​ കോവിഡ്​ ബാധിച്ച്​ മരിച്ചു.