മാ​ണ്ഡ്യ​യി​ൽ പി​ടി​വി​ടാ​തെ സു​മ​ല​ത

ബം​ഗ​ളൂ​രു: ക​ർ​ണാ​ട​ക​യു​ടെ പ​ഞ്ച​സാ​ര​ക്കി​ണ്ണ​മാ​ണ് മാ​ണ്ഡ്യ. ക​ർ​ഷ​ക ഭൂ​രി​പ​ക്ഷ മേ​ഖ​ല. കാ​വേ​രി ന​ദി ഫ​ല​ഭൂ​യി​ഷ്ഠ​മാ​ക്കി​യ മ​ണ്ണ്. ജെ.​ഡി-​എ​സും കോ​ൺ​ഗ്ര​സും നേ​രി​ട്ട് ഏ​റ്റു​മു​ട്ടാ​റു​ള്ള മ​ണ്ഡ​ല​ത്തി​ൽ ക​ഴി​ഞ്ഞ ത​വ​ണ ഇ​രു​വ​രും ഒ​ന്നി​ച്ചി​ട്ടും ബി.​ജെ.​പി പി​ന്തു​ണ​യി​ൽ ന​ടി സു​മ​ല​ത അം​ബ​രീ​ഷ് വി​ജ​യ​ക്കൊ​ടി പാ​റി​ച്ചു. സ​ഖ്യ​ത്തി​ലെ സ്വ​ര​ച്ചേ​ർ​ച്ച​യി​ല്ലാ​യ്മ പ​രാ​ജ​യ കാ​ര​ണ​മാ​യി ചൂ​ണ്ടി​ക്കാ​ട്ടാ​മെ​ങ്കി​ലും സു​മ​ല​ത​യു​ടെ വി​ജ​യം മാ​ണ്ഡ്യ​യി​ൽ ബി.​ജെ.​പി​ക്ക് ആ​ത്മ​വി​ശ്വാ​സ​മേ​റ്റി​യി​രു​ന്നു. ഇ​ത്ത​വ​ണ ജെ.​ഡി-​എ​സും ബി.​ജെ.​പി​യും സ​ഖ്യം​തീ​ർ​ത്ത് കോ​ൺ​ഗ്ര​സി​നെ നേ​രി​ടു​മ്പോ​ൾ സി​റ്റി​ങ് എം.​പി​യാ​യ സു​മ​ല​ത പു​റ​ത്താ​ണ്.

മാ​ണ്ഡ്യ​യി​ൽ ഇ​ത്ത​വ​ണ​യും പി​ന്തു​ണ ഉ​റ​പ്പാ​ക്കാ​ൻ ബി.​ജെ.​പി​യോ​ട് ചേ​ർ​ന്നു​ത​ന്നെ​യാ​ണ് സു​മ​ല​ത ഇ​ത്ര​കാ​ല​വും നീ​ങ്ങി​യ​ത്. ക​ഴി​ഞ്ഞ​വ​ർ​ഷം നി​യ​മ​സ​ഭ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ ബി.​ജെ.​പി​ക്ക് സ​മ്പൂ​ർ​ണ പി​ന്തു​ണ പ​ര​സ്യ​മാ​യി പ്ര​ഖ്യാ​പി​ച്ച അ​വ​ർ, നി​യ​മ​ക്കു​രു​ക്കു​ള്ള​തി​നാ​ൽ മാ​ത്ര​മാ​ണ് താ​ൻ ബി.​ജെ.​പി അം​ഗ​ത്വ​മെ​ടു​ക്കാ​ത്ത​തെ​ന്നും വ്യ​ക്ത​മാ​ക്കി​യി​രു​ന്നു. എ​ന്നാ​ൽ, സു​മ​ല​ത​യു​ടെ ച​ര​ടു​വ​ലി​യൊ​ന്നും ഫ​ലം ക​ണ്ടി​ല്ല. സ​ഖ്യ​ധാ​ര​ണ​പ്ര​കാ​രം ബി.​ജെ.​പി കൈ​മാ​റി​യ സീ​റ്റി​ൽ ജെ.​ഡി-​എ​സ് അ​ധ്യ​ക്ഷ​ൻ എ​ച്ച്.​ഡി. ദേ​വ​ഗൗ​ഡ​യു​ടെ മ​ക​നും മു​ൻ മു​ഖ്യ​മ​ന്ത്രി​യു​മാ​യ എ​ച്ച്.​ഡി. കു​മാ​ര​സ്വാ​മി​യാ​ണ് എ​ൻ.​ഡി.​എ സ്ഥാ​നാ​ർ​ഥി. മാ​ണ്ഡ്യ​യി​ൽ വീ​ണ്ടും സ്വ​ത​ന്ത്ര​സ്ഥാ​നാ​ർ​ഥി​യാ​യി മ​ത്സ​രി​ക്കു​മോ എ​ന്ന് ന​ടി വ്യ​ക്ത​മാ​ക്കി​യി​ട്ടി​ല്ല. മ​ത്സ​രി​ക്കാ​നു​ള്ള സാ​ധ്യ​ത ത​ള്ളി​ക്ക​ള​യു​ന്നു​മി​ല്ല.

സു​മ​ല​ത​യെ അ​നു​ന​യി​പ്പി​ക്കാ​ൻ ബി.​ജെ.​പി തു​ട​ർ​ച്ച​യാ​യ ശ്ര​മം ന​ട​ത്തു​ന്നു​ണ്ട്. ക​ഴി​ഞ്ഞ​ദി​വ​സം ക​ർ​ണാ​ട​ക അ​ധ്യ​ക്ഷ​ൻ ബി.​വൈ. വി​ജ​യേ​ന്ദ്ര സു​മ​ല​ത​യു​ടെ വീ​ട്ടി​ലെ​ത്തി ച​ർ​ച്ച ന​ട​ത്തി​യി​രു​ന്നു. ചി​ക്ക​ബ​ല്ലാ​പു​ര ലോ​ക്സ​ഭ സീ​റ്റോ രാ​ജ്യ​സ​ഭാം​ഗ​ത്വ​മോ വാ​ഗ്ദാ​നം ചെ​യ്ത​താ​യാ​ണ് വി​വ​രം. സു​മ​ല​ത അ​നു​കൂ​ല മ​റു​പ​ടി ന​ൽ​കി​യി​ട്ടി​ല്ല. ഞാ​യ​റാ​ഴ്ച എ​ച്ച്.​ഡി. കു​മാ​ര​സ്വാ​മി​ത​ന്നെ നേ​രി​ട്ട് സു​മ​ല​ത​യു​ടെ വീ​ട്ടി​ലെ​ത്തി പി​ന്തു​ണ തേ​ടി. ക​ഴി​ഞ്ഞ​ത​വ​ണ കു​മാ​ര​സ്വാ​മി​യു​ടെ മ​ക​ൻ നി​ഖി​ൽ കു​മാ​ര​സ്വാ​മി​യെ​യാ​ണ് സു​മ​ല​ത വീ​ഴ്ത്തി​യി​രു​ന്ന​ത്. അ​നു​യാ​യി​ക​ളു​മാ​യി ച​ർ​ച്ച​ചെ​യ്ത് ബു​ധ​നാ​ഴ്ച ത​ന്റെ അ​ന്തി​മ തീ​രു​മാ​നം അ​റി​യി​ക്കാ​മെ​ന്നാ​ണ് സു​മ​ല​ത​യു​ടെ നി​ല​പാ​ട്. ചൊ​വ്വാ​ഴ്ച ബം​ഗ​ളൂ​രു​വി​ലെ​ത്തു​ന്ന അ​മി​ത്ഷാ​യി​ൽ​നി​ന്ന് ബി.​ജെ.​പി​യു​ടെ വാ​ഗ്ദാ​നം സം​ബ​ന്ധി​ച്ച ഉ​റ​പ്പു​ല​ഭി​ക്കു​ന്ന​തി​നാ​യാ​ണ് ആ ​കാ​ത്തി​രി​പ്പെ​ന്നാ​ണ് രാ​ഷ്ട്രീ​യ സം​സാ​രം. ന​ട​നും മു​ൻ കോ​ൺ​ഗ്ര​സ് മ​ന്ത്രി​യു​മാ​യി​രു​ന്ന എം.​എ​ച്ച്. അം​ബ​രീ​ഷി​ന്റെ ഭാ​ര്യ​യാ​യ സു​മ​ല​ത 2019ൽ ​കോ​ൺ​ഗ്ര​സ് ടി​ക്ക​റ്റ് ന​ൽ​കാ​ത്ത​തി​നെ തു​ട​ർ​ന്നാ​ണ് സ്വ​ത​ന്ത്ര​യാ​യി മ​ത്സ​രി​ച്ച​ത്.

വെ​ങ്ക​ട​ര​മ​ണ ഗൗ​ഡ എ​ന്ന സ്റ്റാ​ർ ച​ന്ദ്രു​വാ​ണ് കോ​ൺ​ഗ്ര​സ് സ്ഥാ​നാ​ർ​ഥി. ക​ഴി​ഞ്ഞ ആ​റു​മാ​സ​മാ​യി ച​ന്ദ്രു മ​ണ്ഡ​ല​ത്തി​ൽ പ്ര​ചാ​ര​ണം തു​ട​ങ്ങി​യി​ട്ട്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ജി​ല്ല​യി​ലെ എ​ട്ടി​ൽ ആ​റ് മ​ണ്ഡ​ല​ങ്ങ​ളി​ൽ കോ​ൺ​ഗ്ര​സാ​ണ് വി​ജ​യി​ച്ച​ത്. ഒ​രു സീ​റ്റി​ൽ കോ​ൺ​ഗ്ര​സ് പി​ന്തു​ണ​യോ​ടെ ക​ർ​ഷ​ക പാ​ർ​ട്ടി​യാ​യ ക​ർ​ണാ​ട​ക സ​ർ​വോ​ദ​യ​പ​ക്ഷ​യും ഒ​രു സീ​റ്റി​ൽ ജെ.​ഡി-​എ​സും ജ​യി​ച്ചു. സു​മ​ല​ത​ക്കാ​യി കോ​ൺ​ഗ്ര​സും വാ​തി​ൽ തു​റ​ന്നി​ട്ടി​രി​ക്കു​ക​യാ​ണ്. കു​മാ​ര​സ്വാ​മി​യും സ്റ്റാ​ർ ച​ന്ദ്രു​വും ത​മ്മി​ൽ പ്ര​ചാ​ര​ണ​ത്തു​ട​ക്ക​മാ​യെ​ങ്കി​ലും, സു​മ​ല​ത വീ​ണ്ടും രം​ഗ​ത്തു​വ​ന്നാ​ൽ മാ​ണ്ഡ്യ​യി​ലെ മ​ത്സ​ര​ചി​ത്രം മാ​റും.