സുഖോയ് എ​ൻ​ജി​ൻ: 26,000 കോടിയുടെ കരാറായി

ന്യൂ​ഡ​ൽ​ഹി: സു​ഖോ​യ് 30 എം.​കെ.​ഐ ജെ​റ്റ് വി​മാ​ന​ങ്ങ​ൾ​ക്കാ​യി 240 എ​യ്‌​റോ എ​ൻ​ജി​ൻ വാ​ങ്ങാ​ൻ പ്ര​തി​രോ​ധ മ​ന്ത്രാ​ല​യം കേ​ന്ദ്ര പൊ​തു​മേ​ഖ​ല സ്ഥാ​പ​ന​മാ​യ എ​ച്ച്.​എ.​എ​ല്ലു​മാ​യി (ഹി​ന്ദു​സ്ഥാ​ൻ എ​യ്റോ​നോ​ട്ടി​ക്‌​സ് ലി​മി​റ്റ​ഡ്) 26,000 കോ​ടി രൂ​പ​യു​ടെ ക​രാ​ർ ഒ​പ്പി​ട്ടു. ക​രാ​ർ പ്ര​കാ​രം എ​ച്ച്.​എ.​എ​ൽ പ്ര​തി​വ​ർ​ഷം 30 എ​യ്റോ എ​ൻ​ജി​ൻ പ്ര​തി​രോ​ധ മ​ന്ത്രാ​ല​യ​ത്തി​ന് കൈ​മാ​റും. എ​ട്ടു വ​ർ​ഷം​കൊ​ണ്ട് ക​രാ​ർ പൂ​ർ​ത്തി​യാ​ക്കാ​നാ​ണ് ധാ​ര​ണ.

എ​ച്ച്.​എ.​എ​ല്ലി​ന്റെ കോ​രാ​പു​ട്ട് ഡി​വി​ഷ​നാ​ണ് എ​യ്റോ എ​ൻ​ജി​നു​ക​ൾ നി​ർ​മി​ക്കു​ക. റ​ഷ്യ​ൻ ക​മ്പ​നി വി​ക​സി​പ്പി​ച്ച ദീ​ർ​ഘ​ദൂ​ര യു​ദ്ധ​വി​മാ​ന​മാ​ണ് സു​ഖോ​യി. പ്ര​തി​രോ​ധ സെ​ക്ര​ട്ട​റി ഗി​രി​ധ​ർ അ​ര​മ​ന​യു​ടെ​യും ചീ​ഫ് ഓ​ഫ് എ​യ​ർ സ്റ്റാ​ഫ് എ​യ​ർ ചീ​ഫ് മാ​ർ​ഷ​ൽ വി.​ആ​ർ. ചൗ​ധ​രി​യു​ടെ​യും സാ​ന്നി​ധ്യ​ത്തി​ലാ​ണ് ക​രാ​ർ ഒ​പ്പി​ട്ട​ത്. ‘ആ​ത്മ​നി​ർ​ഭ​ർ ഭാ​ര​ത്’ പ​ദ്ധ​തി​ക്ക് വ​ലി​യ പ്രോ​ത്സാ​ഹ​ന​മാ​കും ക​രാ​റെ​ന്ന് പ്ര​തി​രോ​ധ മ​ന്ത്രാ​ല​യം വാ​ർ​ത്ത​ക്കു​റി​പ്പി​ൽ അ​റി​യി​ച്ചു.