പാചകവാതകത്തിന്​ വിലകൂട്ടി

ന്യൂഡൽഹി: സബ്​സിഡിയുള്ള പാചകവാതകം സിലിണ്ടറിന്​ വില 2.71 രൂപ കൂടി. രാജ്യാന്തര വിപണിയിലെ വിലവർധന മൂലം ജി.എസ്​.ടിയിൽ വന്ന വ്യത്യാസം പരിഗണിച്ചാണ്​ നടപടിയെന്ന്​ അധികൃതർ വ്യക്​തമാക്കി. 

ഇതോടെ, ഡൽഹിയിൽ സിലിണ്ടറിന്​ 493.55 രൂപയാകുമെന്ന്​ ​ ഇന്ത്യൻ ഒായിൽ കോർപറേഷൻ വാർത്ത കുറിപ്പിൽ അറിയിച്ചു. എല്ലാ മാസവും ഒന്നാം തീയതിയിലാണ്​ കമ്പനികൾ പ്രകൃതിവാതക സിലിണ്ടർ വില പുതുക്കി നിശ്ചയിക്കുന്നത്​.