സർജിക്കൽ സ്​ട്രൈക്​ പ്രതിരോധ മന്ത്രി അറിഞ്ഞില്ല -സുബ്രഹ്മണ്യൻ സ്വാമി

ന്യൂഡൽഹി: പുൽവാമയിലെ ഭീകരാക്രമണത്തിന്​ മറുപടിയായി ബാലാകോട്ടിൽ ഇന്ത്യ നടത്തിയ സർജിക്കൽ സ്​ട്രൈക്​ ഇന്ത്യൻ പ്രതിരോധമന്ത്രി നിർമലാ സീതാരാമൻ അറിയാതെയെന്ന്​ ബി.ജെ.പി രാജ്യ സഭാ എം.പി സുബ്രഹ്മണ്യൻ സ്വാമി. 26ാം തീയതി ഇന്ത്യൻ വ്യോമസേന നടത്തിയ ആക്രമണത്തെ കുറിച്ച്​ പ്രതിരോധമന്ത്രിക്ക്​ വിവരം നൽകിയിട്ടില്ലെന്ന്​ സൂചിപ്പിക്കുന്ന തരത്തിലുള്ള അദ്ദേഹത്തി​​െൻറ ട്വീറ്റ്​ ചർച്ചയാകുന്നു.

പ്രധാനമന്ത്രി നരേന്ദ്ര മോദി, ദേശീയ സുരക്ഷാ ഉപദേഷ്​ടാവ് അജിത്​ ഡോവൽ​, മൂന്ന്​ സൈനിക മേധാവികൾ, ഇൻറലിജൻസ്​ ബ്യൂറോ, റോ തലവൻമാർ എന്നിവർ ചേർന്നാണ് പാകിസ്​താനിലെ തീവ്രവാദ മേഖലകൾ തകർക്കാനുള്ള​ പദ്ധതി ആസൂത്രണം ചെയ്​ത്​ നടപ്പിലാക്കിയതെന്ന്​​ സുബ്രഹ്മണ്യൻ സ്വാമി വെളിപ്പെടുത്തി. സ്വാമിയുടെ വെളിപ്പെടുത്തലിന്​ സമാനമായ വാർത്ത ഹിന്ദുസ്ഥാൻ ടൈംസിലും വന്നിരുന്നു. അതും അദ്ദേഹം പങ്കുവെച്ചിട്ടുണ്ട്​.

I learn that our smash hit operation against terror camps in Pak and PoK was conceptualised by by just seven persons: PM NSA three service Chief and IB & RAW.

— Subramanian Swamy (@Swamy39) March 1, 2019