വി​ദ്യാ​ർ​ഥി​യെ തോ​ക്കി​ൻ മു​ന​യി​ൽ നി​ർ​ത്തി മോ​ഷ​ണം; പ്ര​തി​ക​ൾ ഒ​ളി​വി​ൽ

ഗു​രു​ഗ്രാം: ഗു​രു​ഗ്രാ​മി​ൽ വി​ദ്യാ​ർ​ഥി​യെ ക്രൂ​ര​മാ​യി മ​ർ​ദി​ച്ച​തി​ന് ശേ​ഷം ഒ​രു സം​ഘം വി​ദ്യാ​ർ​ഥി​ക​ൾ കൊ​ള്ള​യ​ടി​ച്ച​താ​യി പ​രാ​തി. തോ​ക്കി​ൻ മു​ന​യി​ൽ നി​ർ​ത്തിയാണ് ​കൊള്ള നടത്തിയത്. ഒ​രു സ്വ​കാ​ര്യ സ​ർ​വ​ക​ലാ​ശാ​ല​യി​ലാ​ണ് സം​ഭ​വം.

വി​ദ്യാ​ർ​ഥി​യി​ൽ നി​ന്നും സം​ഘം പ​ണ​വും സ്വ​ർ​ണ മാലയുമാണ് കവർന്നത്. കഴിഞ്ഞ ദിവസം ഉ​ച്ച​ക​ഴി​ഞ്ഞ് മൂ​ന്നി​ന് പ​ച്ച്ഗാ​വ് ഏ​രി​യ​യി​ലെ യൂ​ണി​വേ​ഴ്സി​റ്റി​ക്ക് പു​റ​ത്താണ് കൊള്ള ന​ട​ന്ന​തെ​ന്ന് പറയുന്നു.

ഉ​ച്ച​ക്ക് ക്ലാ​സ് ക​ഴി​ഞ്ഞ് കോ​ള​ജി​ൽ നി​ന്ന് പു​റ​ത്തി​റ​ങ്ങി​യ​പ്പോ​ൾ ജ​യ​ന്ത് എ​ന്ന​യാ​ൾ പി​സ്റ്റ​ൾ കാ​ണി​ച്ച് ത​ന്നോട് കാ​ർ നി​ർ​ത്താ​ൻ ആ​വ​ശ്യ​പ്പെ​ട്ടു​വെ​ന്ന് വി​ദ്യാ​ർ​ഥി പ​രാ​തി​യി​ൽ പ​റ​യു​ന്നു. തൊ​ട്ടു​പി​ന്നാ​ലെ, ജ​യ​ന്തി​ന്‍റെ സു​ഹൃ​ത്തു​ക്ക​ളാ​യ ജ​തി​ൻ ചാ​ഹ​റും ഹ​ർ​ഷ് ശ​ർ​മ​യും ഉ​ൾ​പ്പെ​ടെ മ​റ്റ് അ​ഞ്ച് പേ​ർ ത​ന്നെ ആ​ക്ര​മി​ക്കു​ക​യും കാ​ർ ന​ശി​പ്പി​ക്കു​ക​യും ചെ​യ്തു. ത​ന്‍റെ സ്വ​ർ​ണ ചെ​യി​നും കാ​റി​ൽ നി​ന്ന് 8,000 രൂ​പ​യും കവർന്നതായാണ് പരാതി.

മ​ർ​ദ​ന​ത്തി​ൽ ഗു​രു​ത​ര പ​രി​ക്കേ​റ്റ് താ​ൻ ജ​ജ്ജാ​റി​ലെ ആ​ശു​പ​ത്രി​യി​ൽ ചി​കി​ത്സ​യി​ലാ​ണെ​ന്നും വി​ദ്യാ​ർ​ഥി പ​റ​ഞ്ഞു. പ​രാ​തി​യെ​ത്തു​ട​ർ​ന്ന്, പ്ര​തി​ക​ളാ​യ വി​ദ്യാ​ർ​ഥി​ക​ൾ​ക്കെ​തി​രെ മ​നേ​സ​ർ പൊ​ലീ​സ് സ്റ്റേ​ഷ​നി​ൽ എ​ഫ്.ഐ.​ആ​ർ ര​ജി​സ്റ്റ​ർ ചെ​യ്തു.