സ്​കൂളിൽ കുട്ടികൾ തമ്മിലുണ്ടായ അടിപിടിയിൽ ഒമ്പതാം ക്ലാസുകാരൻ മരിച്ചു

ന്യൂഡൽഹി: സ്​കൂളിൽ കുട്ടികൾ തമ്മിലുണ്ടായ അടിപിടിയെ തുടർന്ന്​ ഒമ്പതാം ക്ലാസ്​ വിദ്യാർഥി കൊല്ലപ്പെട്ടു. വടക്കൻ ഡൽഹിയിൽ കരവർ മേഖലയിലെ സ്​കൂളിലാണ്​ സംഭവം.  സ്​കൂളിലെ ടോയ്​ലറ്റിലാണ്​ തുഷാർ കുമാർ എന്ന വിദ്യാർഥിയെ മരിച്ച നിലയിൽ കണ്ടത്തിയത്​. തുഷാറുമായി അടികൂടിയ മൂന്നു വിദ്യാർഥികളെ പൊലീസ്​ പിടികൂടി ചോദ്യം ചെയ്​തു. തുഷാറി​​​​െൻറ മുഖത്ത്​ മർദ്ദനമേറ്റ പാടുണ്ടെന്ന്​​ പൊലീസ്​ പറഞ്ഞു. മൂന്ന്​ വിദ്യാർഥികൾ ടോയ്​ലെറ്റിൽ വച്ച്​ അടികൂടുന്നതി​​​​െൻറ സി.സി.ടി.വി ദൃശ്യങ്ങളും പൊലീസിനു ലഭിച്ചിട്ടുണ്ട്​. 

ടോയ്​ലെറ്റിൽ അബോധാവസ്​ഥയിൽ തുഷാറിനെ കണ്ടെത്തിയ ഉടൻ ആശുപത്രിയിലെത്തിച്ചിരുന്നെന്നും അവിടെ വച്ചാണ്​ മരണപ്പെട്ടതെന്നും സ്​കൂൾ അധികൃതർ പറഞ്ഞു. 

എന്നാൽ, സ്​കൂൾ അധികൃതർ എ​േന്താ ഒളിപ്പിക്കാൻ ശ്രമിക്കുകയാണെന്ന്​ തുഷാറി​​​​െൻറ രക്ഷിതാക്കൾ ആരോപിച്ചു. തങ്ങളെ വിവരമറിയിച്ച്​ ആശുപത്രിയിൽ എത്തിയപ്പോഴേക്കും അവ​​​​െൻറ ശരീരം തണുത്തിരുന്നു. അവൻ സ്​കൂളിൽ വച്ചു തന്നെ മരണപ്പെട്ടിരുന്നു. എന്നാൽ സ്​കൂൾ പ്രിൻസിപ്പൽ പറഞ്ഞത്​ അവന്​ വയറുവേദനയാണെന്നായിരുന്നു. 

വിദ്യാർഥി വാഷ്​റൂമിൽ പോകുന്നതി​​​​െൻറ ദൃശ്യങ്ങളുണ്ട്​. അവിടെ വച്ച്​ വിദ്യാർഥികളുമായി അടികൂടുന്നതും സി.സി.ടി.വിയിൽ പതിഞ്ഞിട്ടുണ്ട്​. വിദ്യാർഥികൾ അവനെ അടിച്ചുകൊന്നതാണെന്ന്​ മാതാപിതാക്കൾ ആരോപിച്ചു. അതേസമയം, കുട്ടിയുടെ മരണത്തിൽ അന്വേഷണം ആവശ്യപ്പെട്ട്​ ബന്ധുക്കൾ സ്​കൂൾ ഉപരോധിച്ചു.  

കഴിഞ്ഞ സെപ്​തംബറിൽ ഗുഡ്​ഗാവിലെ റയാൻ ഇൻറർ നാഷണൽ സ്​കൂളിലെ ടോയ്​ലറ്റിൽ പ്രദ്യുമ്​നൻ താക്കൂർ എന്ന രണ്ടാം ക്ലാസ്​ വിദ്യാർഥിയെ മുതിർന്ന വിദ്യാർഥി കഴുത്തറുത്ത്​ കൊന്നിരുന്നു.