വോട്ടർ ഐ.ഡി കാർഡിന്‍റെ ക​ഥ...

ഇ​ന്ന് മേ​ൽ​വി​ലാ​സ​ത്തി​നും തി​രി​ച്ച​റി​യ​ൽ രേ​ഖ​യാ​യും ഒ​ക്കെ നാം ​ഉ​പ​യോ​ഗി​ക്കു​ന്ന ഫോ​ട്ടോ പ​തി​ച്ച വോ​ട്ട​ർ ഐ.​ഡി കാ​ർ​ഡ് ഒ​രു​കാ​ല​ത്ത് അ​സാ​ധ്യ​മെ​ന്നു​ക​രു​തി വേ​ണ്ടെ​ന്നു​വെ​ച്ച പ​ദ്ധ​തി​യാ​ണെ​ന്ന് പ​റ​ഞ്ഞാ​ൽ വി​ശ്വ​സി​ക്കാ​നാ​വു​മോ​​? രാ​ജ്യ​ത്തെ കോ​ടി​ക്ക​ണ​ക്കി​ന് വോ​ട്ട​ർ​മാ​ർ​ക്ക് ഫോ​ട്ടോ പ​തി​ച്ച തി​രി​ച്ച​റി​യ​ൽ കാ​ർ​ഡ് എ​ന്ന ആ​ശ​യം ഒ​രി​ക്ക​ലും ന​ട​പ്പാ​ക്കാ​ൻ സാ​ധ്യ​മ​ല്ലെ​ന്നാ​യി​രു​ന്നു തെ​ര​ഞ്ഞെ​ടു​പ്പ് ക​മീ​ഷ​ൻ​പോ​ലും ഒ​രു​കാ​ല​ത്ത് ക​രു​തി​യി​രു​ന്ന​ത്. ക​ള്ള​വോ​ട്ടും ആ​ൾ​മാ​റാ​ട്ട​വും ത​ട​യാ​ൻ ഫോ​ട്ടോ പ​തി​ച്ച ​തി​രി​ച്ച​റി​യ​ൽ കാ​ർ​ഡ് എ​ന്ന ആ​ശ​യം 1957 ലാ​ണ് രൂ​പം​കൊ​ള്ളു​ന്ന​ത്. എ​ന്നാ​ൽ, അ​ത് പൂർണമായും യാ​ഥാ​ർ​ഥ്യ​മാ​യ​താ​ക​ട്ടെ 1994 ലും.

1957​ലെ പൊ​തു​തെ​ര​ഞ്ഞെ​ടു​പ്പി​ന് പിന്നാലെ ന​ഗ​ര​പ്ര​ദേ​ശ​ങ്ങ​ളി​ലെ വോ​ട്ട​ർ​മാ​ർ​ക്ക് ഫോ​ട്ടോ​യു​ള്ള ഐ.​ഡി കാ​ർ​ഡു​ക​ൾ ന​ൽ​കു​ന്ന​ത് തി​രി​ച്ച​റി​യ​ൽ എ​ളു​പ്പ​മാ​ക്കു​മെ​ന്ന് നി​ർ​ദേ​ശം ഉ​യ​ർ​ന്നിരുന്നു. 1960 മേ​യി​ൽ കൊ​ൽ​ക്ക​ത്ത (സൗ​ത്ത് വെ​സ്റ്റ്) പാ​ർ​ല​മെ​ന്റ് മ​ണ്ഡ​ല​ത്തി​ലെ ഉ​പ​തെ​ര​ഞ്ഞെ​ടു​പ്പി​ലാ​ണ് ഇതിനായി പ​രീ​ക്ഷ​ണാ​ടി​സ്ഥാ​ന​ത്തി​ൽ പ​ദ്ധ​തി ത​യാ​റാ​ക്കി​യ​ത്. 10 മാ​സ​ത്തെ ക​ഠി​ന പ​രി​ശ്ര​മ​ത്തി​നൊ​ടു​വി​ൽ മ​ണ്ഡ​ല​ത്തി​ൽ ആ​കെ​യു​ള്ള 3.42 ല​ക്ഷം വോ​ട്ട​ർ​മാ​രി​ൽ 2.13 ല​ക്ഷം പേ​രു​ടെ ഫോ​ട്ടോ​യെ​ടു​ത്തു. എന്നാൽ 2.10 ല​ക്ഷം പേ​ർ​ക്ക് മാ​ത്ര​മേ കാ​ർ​ഡാ​ക്കി ന​ൽ​കാ​ൻ ക​ഴി​ഞ്ഞു​ള്ളൂ. പ​ദ്ധ​തി വി​ജ​യി​ക്കാ​തി​രി​ക്കാ​ൻ പ്ര​ധാ​ന കാ​ര​ണം, സ്ത്രീ ​വോ​ട്ട​ർ​മാ​രി​ൽ ഒ​രു വി​ഭാ​ഗം ഫോ​ട്ടോ എ​ടു​ക്കാ​ൻ വി​സ​മ്മ​തി​ച്ച​താ​ണ്. വ​നി​ത ഫോ​ട്ടോ​ഗ്രാ​ഫ​ർ​മാ​രെ​പോ​ലും ചി​ത്ര​മെ​ടു​ക്കാ​ൻ പ​ല​രും അ​നു​വ​ദി​ച്ചി​ല്ല. ഒ​രു വി​ഭാ​ഗം വോ​ട്ട​ർ​മാ​രെ ക​ണ്ടെ​ത്താ​നാ​നു​മാ​യി​ല്ല. ഇ​തോ​ടെ പ​ദ്ധ​തി ഉ​പേ​ക്ഷി​ക്കു​ക​യാ​യി​രു​ന്നു.

കൊ​ൽ​ക്ക​ത്ത പ​ദ്ധ​തി​ക്ക് 25 ല​ക്ഷം രൂ​പ​യാ​ണ് ചെ​ല​വ് ക​ണ​ക്കാ​ക്കി​യ​ത്. രാ​ജ്യ​വ്യാ​പ​ക​മാ​യി ന​ട​പ്പാ​ക്കാ​ൻ വ​രു​ന്ന ഭീ​മ​മാ​യ ചെ​ല​വും പി​ന്മാ​റ്റ​ത്തി​ന് കാ​ര​ണ​മാ​യി. പി​ന്നീ​ട് ര​ണ്ടു​പ​തി​റ്റാ​ണ്ടോ​ളം പ​ദ്ധ​തി ഫ​യ​ലി​ൽ ഉ​റ​ങ്ങി. 1979 ലാ​ണ് ആ​ശ​യ​ത്തി​ന് വീ​ണ്ടും ജീ​വ​ൻ​വെ​ച്ച​ത്. ആ ​വ​ർ​ഷം ഒ​ക്ടോ​ബ​റി​ൽ സി​ക്കി​മി​​ൽ ന​ട​ന്ന തെ​ര​ഞ്ഞെ​ടു​പ്പി​ൽ വോ​ട്ട​ർ​മാ​ർ​ക്ക് ​ഫോട്ടോ പ​തി​ച്ച തി​രി​ച്ച​റി​യ​ൽ കാ​ർ​ഡു​ക​ൾ ന​ൽ​കി. തു​ട​ർ​ന്ന് വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളാ​യ അ​സം, മേ​ഘാ​ല​യ, നാ​ഗാ​ലാ​ൻ​ഡ് എ​ന്നി​വി​ട​ങ്ങ​ളി​ലും തി​രി​ച്ച​റി​യ​ൽ കാ​ർ​ഡു​ക​ൾ ന​ൽ​കി.

1994 ലാ​ണ് ഫോ​ട്ടോ​പ​തി​ച്ച തി​രി​ച്ച​റി​യ​ൽ കാ​ർ​ഡ് ന​ട​പ്പാ​ക്കാ​നു​ള്ള ഊ​ർ​ജി​ത ​ശ്ര​മം ആ​രം​ഭി​ക്കു​ന്ന​ത്. ഇ​തി​ന്റെ ഭാ​ഗ​മാ​യി രാ​ജ്യ​വ്യാ​പ​ക ​​പ്ര​ചാ​ര​ണ​ത്തി​നും സ​ർ​ക്കാ​ർ തു​ട​ക്ക​മി​ട്ടു. 1995ൽ ​വോ​ട്ട​ർ​പ​ട്ടി​ക പ​രി​ഷ്ക​രി​ച്ചു. വോ​ട്ട​ർ പ​ട്ടി​ക​യും വോ​ട്ട​ർ കാ​ർ​ഡും സം​യോ​ജി​പ്പി​ക്കു​ക എ​ന്ന​താ​യി​രു​ന്നു ക​മീ​ഷ​ന് മു​ന്നി​ലെ അ​ടു​ത്ത വെ​ല്ലു​വി​ളി. 1997ൽ ​വോ​ട്ട​ർ​പ​ട്ടി​ക​യു​ടെ ക​മ്പ്യൂ​ട്ട​ർ​വ​ത്ക​ര​ണം തുടങ്ങി. 62 കോ​ടി​യി​ല​ധി​കം വോ​ട്ട​ർ​മാ​രു​ടെ ഡേ​റ്റ​യും ഒ​ന്നി​ല​ധി​കം ഭാ​ഷ​ക​ളി​ലെ വി​വ​ര​ങ്ങളും കൈ​കാ​ര്യം ചെ​യ്യ​ലും ക​മീ​ഷ​ന് വെ​ല്ലു​വി​ളി​യാ​യി​രു​ന്നു. അ​വ​യെ​ല്ലാം മ​റി​ക​ട​ന്നാ​ണ് രാ​ജ്യ​മെ​മ്പാ​ടും വോ​ട്ട​ർ ഐ.​ഡി കാ​ർ​ഡ് എന്ന മഹാദൗത്യം പൂർത്തിയാക്കിയത്.

2021 ആയപ്പോൾ ​ഇ​ല​ക്ട്രോ​ണി​ക് വോ​ട്ട​ർ ഐ.​ഡി കാ​ർ​ഡു​ക​ൾ ക​മീ​ഷ​ൻ പു​റ​ത്തി​റ​ക്കി. എ​ഡി​റ്റ് ചെ​യ്യാ​നാ​വാ​ത്ത പി.​ഡി.​എ​ഫ് ഫോ​ർ​മാ​റ്റി​ലു​ള്ള പ​തി​പ്പാ​ണ് ഇ- ​വോ​ട്ട​ർ​കാ​ർ​ഡ്. ചി​ത്ര​വും സീ​രി​യ​ൽ ന​മ്പ​റും സു​ര​ക്ഷി​ത ക്യു.​ആ​ർ കോ​ഡും ഇ​തി​ലു​ണ്ട്. മൊ​ബൈ​ലി​ലോ ക​മ്പ്യൂ​ട്ട​റി​ലോ ഡി​ജി​റ്റ​ലാ​യി സൂ​ക്ഷി​ക്കാ​നാ​കു​ന്ന​തു​മാ​ണ് ഇ​- വോ​ട്ട​ർ കാ​ർ​ഡ്.