ഡൽഹിയിൽ രണ്ടിടത്ത്​ കല്ലേറ്​; ക്രമസമാധാനം വിലയിരുത്താൻ അമിത്​ ഷാ യോഗം വിളിച്ചു

ന്യൂഡൽഹി: പൗരത്വ ഭേദഗതി നിയമത്തിനെതിരായി പ്രതിഷേധിച്ചവർക്കെതിരെ ഡൽഹിയിൽ ഇന്നും കല്ലേറ്​. നോർത്ത്​ ഈസ്​റ്റ ്​ ഡൽഹിയിലെ മൗജ്​പൂർ, ബ്രാഹ്മപുരി ഏരിയയിലാണ്​ അക്രമികൾ പ്രതിഷേധക്കാർക്ക്​ നേരെ കല്ലെറിഞ്ഞത്​.

സംഘർഷ സാഹച ര്യം കണക്കിലെടുത്ത്​ ​മേഖലയിൽ കൂടുതൽ​ പൊലീസ്​ -അർധ സൈനിക സേന​വിഭാഗങ്ങളെ വിന്യസിച്ചിട്ടുണ്ട്​. ഇന്ന്​ രാവിലെ കല്ലേറ്​ നടന്ന ബ്രഹ്മപുരിയിൽ പൊലീസും റാപിഡ്​ ആക്​ഷൻ ഫോഴ്​സും ഫ്ലാഗ്​ മാർച്ച്​ നടത്തി. ബ്രഹ്മപുരിയിൽ നിന്നും ഉപയോഗിച്ച്​ രണ്ട്​ വെടിയുണ്ടകളുടെ ഷെൽ റാപിഡ്​ ആക്​ഷൻ ഫോഴ്​സ്​ കണ്ടെത്തി. സ്ഥലത്ത്​ വെടിവെപ്പുണ്ടായത്​ അന്വേഷിക്കുമെന്ന്​ പൊലീസ്​ അറിയിച്ചു.

Delhi: Police & Rapid Action Force (RAF) personnel hold flag march in Brahampuri area, after stone-pelting incident between two groups in the area, today morning. #NortheastDelhi pic.twitter.com/NkjrSrmBPD

— ANI (@ANI) February 25, 2020

ഞായറാഴ്​ച രാത്രിമുതൽ ഡൽഹിയിൽ നിലനിൽക്കുന്ന സംഘർഷ സാഹചര്യം വിലയിരുത്താൻ കേന്ദ്ര ആഭ്യന്തരമന്ത്രി അമിത്​ ഷാ അടിയന്തര യോഗം വിളിച്ചു. ഇന്ന്​ രാത്രി നടക്കുന്ന യോഗത്തിൽ ആഭ്യന്തരമന്ത്രാലയം ഉദ്യോഗസ്ഥരും ഡൽഹി പൊലീസ്​ ഉദ്യോഗസ്ഥരും പ​ങ്കെടുക്കും.
സംഘർഷത്തെ തുടർന്ന്​ ഡൽഹി മുഖ്യമന്ത്രി അരവിന്ദ്​ കെജ്​രിവാളും യോഗം വിളിച്ചിട്ടുണ്ട്​. തലസ്ഥാനത്തെ ക്രമസമാധാന സ്ഥിതി മെച്ചപ്പെടുത്താനുള്ള നടപടികൾ യോഗത്തിലുണ്ടാകുമെന്നാണ്​ സൂചന.