സ്​റ്റർലൈറ്റ്​ പ്ലാൻറ്​ തുറക്കില്ല; ബാബരാംദേവിനെയും സദ്​ഗുരുവിനെയും തള്ളി തമിഴ്​നാട്​ സർക്കാർ

ചെ​ന്നൈ: തൂത്തുക്കുടി സ്​റ്റൈർലൈറ്റി​​​െൻറ കോപ്പർ പ്ലാൻറ്​ ഇനി തുറക്കില്ലെന്ന്​ തമിഴ്​നാട്​ സർക്കാർ. തമിഴ്​നാട്​ മ​ന്ത്രിസഭയിലെ അംഗമായ ഡി.ജയകുമാറാണ്​ സ്​റ്റർലൈറ്റ്​ പ്ലാൻറ്​ വിഷയത്തിൽ നിലപാട്​ വ്യക്​തമാക്കിയത്​. സ്​റ്റർലൈറ്റ്​ പ്ലാൻറ്​ ഇനി തുറക്കില്ല. ഇത്​ തമിഴ്​നാട്​ സർക്കാറി​​​െൻറ ശക്​തമായ നിലപാടാണ്​. സദ്​ഗുരുവി​​​െൻറയും ബാബ രാംദേവി​​​െൻറയും അഭിപ്രായങ്ങൾ കണക്കിലെടുക്കുന്നില്ലെന്നും അദ്ദേഹം പറഞ്ഞു.

നേരത്തെ സ്​റ്റർലൈറ്റ്​ പ്ലാൻറി​​​െൻറ ഉടമസ്ഥരായ വേദാന്തയുടെ എക്​സിക്യൂട്ടീവ്​ ചെയർമാൻ അനിൽ അഗർവാൾ യോഗ ഗുരു ബാബരാംദേവിനെ സന്ദർശിച്ചിരുന്നു. ഇതിന്​ ശേഷം സ്​റ്റർലൈറ്റ്​ പ്ലാൻറിനെതിരായ സമരത്തിൽ അന്താരാഷ്​ട്ര ഗൂഢാലോചന നടന്നിട്ടുണ്ടെന്നും സാധാരണക്കാരായ ജനങ്ങൾ ഇതിൽ പെട്ടുപോയതാണെന്നും രാംദേവ്​ ട്വീറ്റ്​ ചെയ്​തിരുന്നു. വൻ വ്യവസായങ്ങൾ രാജ്യത്തിന്​ ആവശ്യമാണെന്ന്​ അദ്ദേഹം പറഞ്ഞിരുന്നു.

ചെമ്പ്​ വ്യവസായത്തെ കുറിച്ച്​ തനിക്ക്​ അറിയില്ല. എങ്കിലും നമ്മുടെ രാജ്യത്തിന്​ ചെമ്പ്​ ആവശ്യമാണ്​. അത്​ നമ്മൾ ഉൽപാദിപ്പിച്ചില്ലെങ്കിൽ ചൈനയിൽ നിന്ന്​ വാങ്ങേണ്ടി വരും. വ്യവസായശാല കൊണ്ടുള്ള പരിസ്ഥിതി പ്രശ്​നങ്ങൾ നിയമങ്ങളിലുടെ പരിഹരിക്കപ്പെടേണ്ടതാണെന്നുമായിരുന്നു സദ്​ഗുരുവി​​​െൻറ ട്വീറ്റ്​.