യു.പിയിൽ അംബേദ്​ക്കർ പ്രതിമയുടെ തലവെട്ടി

അലഹാബാദ്​: ചെറിയ ഇടവേളക്ക്​ ശേഷം വീണ്ടും പ്രതിമകൾക്ക്​ നേരെ ആക്രമണം. ഉത്തർ പ്രദേശിലെ ത്രിവേണിപ​​ുരത്ത്​ അംബേദ്​കർ പ്രതിമയാണ്​ ഇത്തവണ സാമൂഹിക വിരുദ്ധരുടെ ആക്രമണത്തിനിരയായത്​. പ്രതിമയുടെ തല വെട്ടി മാറ്റിയിരിക്കുകയാണ്​. വെട്ടിമാറ്റിയ തല പ്രതിമയു​െട സമീപത്തു തന്നെ ഉപേക്ഷിച്ചിട്ടുമുണ്ട്​. 

ത്രിപുരയിൽ തെരഞ്ഞടുപ്പിൽ അപ്രതീക്ഷിത വിജയം കൊയ്​ത ബി.ജെ.പിക്കാർ ലെനി​​​​െൻറ പ്രതിമ തകർത്തതോടെയാണ്​ ​പ്രതിമകൾക്കെതിരായ ആക്രമണങ്ങൾ രാജ്യത്ത്​ വ്യാപകമായത്​. പിന്നീട്​​ തമിഴ്​​നാട്ടിൽ പെരിയാറി​​​​െൻറ പ്രതിമ തകർത്തിരുന്നു. രാജ്യത്ത്​ വിവിധയിടങ്ങളിൽ അംബേദ്​ക്കറി​​​​െൻറ പ്രതിമകൾക്കെതിരെയും ആക്രമണമുണ്ടായി. 

പ്രതിമ തകർക്കുന്നവർക്കെതി​െര ശക്​തമായ നടപടി സ്വീകരിക്കുമെന്ന സർക്കാർ മുന്നറിയിപ്പിനെ തുടർന്ന്​ നിലച്ച ആക്രമണം ഇൗ സംഭവത്തോടെ വീണ്ടും തുടങ്ങിയിരിക്കുകയാണ്​.