മല്യയുടെ വായ്​പകൾ എഴുതിത്തള്ളിയിട്ടില്ലെന്ന്​ ജയ്​റ്റ്​ലി

മുംബൈ: മദ്യവ്യവസായി വിജയ്​ മല്യയുടേതടക്കം 63 പേരുടെ 7016 കോടി രൂപയുടെ വായ്​പ എസ്​.ബി.​െഎ എഴുതിത്തള്ളിയെന്ന മാധ്യമ വാർത്തകൾ നിഷേധിച്ച്​ ധനമന്ത്രി അരുൺ ജെയ്​റ്റ്ലി. ഇത്തരം വായ്​പകൾ നിഷ്​​ക്രിയ ആസ്​തിയായാണ്​ അക്കൗണ്ട്​ ബുക്കിൽ ഉൾപ്പെടുത്തിയിരിക്കുന്നത്​. വായ്​പ എഴുതി തള്ളി എന്ന പദാനുപദ അർഥത്തിൽ എടുക്കരു​െതന്നും ജെയ്​റ്റലി വ്യക്​തമാക്കി.രണ്ട്​ തവണ യു.പി.എ സർക്കാർ പുനക്രമീകരിച്ച വായ്​പകളാണിത്​. വായ്​പകൾ തിരിച്ചു പിടിക്കുക തന്നെ ചെയ്യും- ജെയ്​റ്റലി പറഞ്ഞു.​

തിരിച്ചടവിൽ വിഴ്​ചവരുത്തിയ 63 അക്കൗണ്ടുകളിലെ വായ്​പ ​എഴുതിത്തള്ളിയതായി റിപ്പോർട്ടുകളുണ്ടായിരുന്നു​. കളളപണം തടയുന്നതിനായി നോട്ടുകൾ പിൻവലിച്ച കേന്ദ്ര സർക്കാർ തീരുമാനം വന്നതിന്​ പിന്നാലേയാണ്​​ വിവാദമായേക്കാവുന്ന  തീരുമാനം​. കിങ്​ ഫിഷർ ഉടമ വിജയ്​ മല്യയുടെ 1,201 കോടി രൂപയും ഇതിൽ ഉൾപ്പെടുന്നു. കെ.എസ്​ ഒായിലി​െൻറ 596 കോടിയും സുര്യ ഫാർമസ്യുട്ടിക്കലി​െൻറ 526 കോടിയും ജീ.ഇ.ടി​ പവറി​െൻറ 400 കോടിയും എഴുതി തള്ളുമെന്നാണ്​ അറിയുന്നത്​.

നൂറോളം ഉപഭോക്​തകളാണ്​ എസ്​.ബി.​െഎയുടെ ലോൺ തിരിച്ചടവിൽ വിഴ്​ച വരുത്തിയത്​. ഇതിൽ ഇപ്പോൾ 63 പേരുടെ ലോണുകളാണ്​ എഴുതിതളളാൻ എസ്​.ബി.​െഎ തീരുമാനിച്ചിരിക്കുന്നത്​. 36 പേരുടെ കടം ഭാഗികമായും എഴുതി തളളും.