ഇന്ത്യയിൽ യുവാക്കളുടെ ഇടയിൽ സ്​റ്റാർട്ടപ്പ്​ തരംഗം -മോദി

ന്യൂഡൽഹി: ഇന്ത്യയിൽ യുവജനങ്ങളുടെ ഇടയിൽ സ്​റ്റാർട്ടപ്പ്​ സംസ്​കാരം തരംഗം സൃഷ്​ടിച്ചിരിക്കുകയാണെന്ന്​ പ്രധാനമന്ത്രി നരേന്ദ്ര മോദി. ചെറു നഗരങ്ങളിൽപോലും ഇതു വ്യാപകമാവുന്നതായും ഇന്ത്യയുടെ ശോഭനമായ ഭാവിയുടെ സൂചനയാണിതെന്നും ത​െൻറ പ്രതിമാസ റേഡിയോ പരിപാടിയായ 'മൻ കി ബാതി'ൽ മോദി പറഞ്ഞു.

രാജ്യത്തെ ബഹിരാകാശ മേഖലയിലെ പരിഷ്കാരങ്ങൾ ജനങ്ങളുടെ ഭാവനയെ ആകർഷിച്ചുവെന്നും സർവകലാശാലകളിൽനിന്നും പരീക്ഷണ ശാലകളിൽനിന്നും വലിയ എണ്ണം ഉപഗ്രഹങ്ങളുമായി എത്തുന്ന യുവജനങ്ങളുടേതായിരിക്കും വരുംനാളുകൾ എന്നും മോദി കൂട്ട​ിച്ചേർത്തു.ടോക്യോ ഒളിമ്പിക്സിലെ പ്രകടനത്തിനുശേഷം കായിക സംസ്കാരത്തിന് ഉണർവ്​ ലഭിച്ചതായി മോദി പറഞ്ഞു.

നാലു പതിറ്റാണ്ടുകൾക്കുശേഷം പുരുഷ ഹോക്കിയിൽ ഇന്ത്യ ഒളിമ്പിക് മെഡൽ നേടിയത്​ സൂചിപ്പിച്ച അദ്ദേഹം യുവാക്കൾ ഇപ്പോൾ കായികരംഗത്തേക്ക് ആകർഷിക്കപ്പെട്ടുവെന്നും മാതാപിതാക്കൾ അവരെ പിന്തുണക്കുന്നതിൽ സന്തോഷമുണ്ടെന്നും പറഞ്ഞു. ഹോക്കി ഇതിഹാസം ധ്യാൻ ചന്ദ്​ ഇന്ത്യക്കു​വേണ്ടി ഹോക്കിയുടെ ലോകം കീഴടക്കിയെന്നുപറഞ്ഞ മോദി അദ്ദേഹത്തിന് ആദരാഞ്​ജലികൾ അർപ്പിച്ചു. ധ്യാൻചന്ദി​െന്‍റ ജന്മദിനത്തോടനുബന്ധിച്ച് എല്ലാ വർഷവും ആഗസ്​റ്റ്​ 29ന് ദേശീയ കായികദിനം ആഘോഷിക്കുന്നുണ്ട്​.