Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightസാമ്പത്തിക മാന്ദ്യം;...

സാമ്പത്തിക മാന്ദ്യം; നിലപാടിൽ ഉറച്ച്​ യശ്വന്ത്​ സിൻഹ

text_fields
bookmark_border
Yashwant Sinha
cancel

ന്യൂഡൽഹി: സാമ്പത്തിക മാന്ദ്യത്തിന്​ ഇടയാക്കിയ കേന്ദ്രസർക്കാർ നടപടികളെ കഴിഞ്ഞ ദിവസം രൂക്ഷമായി വിമർശിച്ച മുതിർന്ന ബി.ജെ.പി നേതാവ്​ യശ്വന്ത്​ സിൻഹ ത​​​െൻറ നിലപാടിൽ ഉറച്ചു നിൽക്കുന്നുവെന്ന്​ വ്യക്​തമാക്കി. ദീർഘവീക്ഷണമില്ലാത്ത നടപടികൾ കേന്ദ്ര സർക്കാറി​െന അപകടത്തിലാക്കു​െമന്നും സാമ്പത്തിക രംഗം ദുർഘടാവസ്​ഥയിലാകാൻ അധിക സമയം വേണ്ടിവരില്ലെന്നും ഇന്ന്​  അദ്ദേഹം വ്യക്​തമാക്കി. 

അതേസമയം, യശ്വന്ത്​ സിൻഹയെ പിന്തുണച്ച്​ ശത്രുഘ്​നൻ സിൻഹ രംഗ​െത്തത്തി. മുൻഗണന നൽകേണ്ടത്​ രാജ്യത്തിനാണെന്നും പാർട്ടിക്ക്​ രണ്ടാം സ്​ഥാനം മാത്രമാ​െണന്നുമുള്ള മോദിയുടെ വാക്കുകൾ പിന്തുടരുക മാത്രമാണ്​ അദ്ദേഹം ​െചയ്​തതെന്നും ശത്രുഘ്​നൻ സിൻഹ പറഞ്ഞു. അതിനിടെ, യശ്വന്ത്​ സിൻഹയുടെ വിമർശനത്തിനെതിരെ മകനും കേന്ദ്ര വ്യോമയാന മന്ത്രിയുമായ ജയന്ത് സിന്‍ഹയും രംഗത്തെത്തി.  സമ്പദ്ഘടനയെ മാറ്റിമറിക്കുന്ന പരിഷ്‌കാരങ്ങളെ പൂര്‍ണ്ണമായും ഉള്‍ക്കൊള്ളാതെയുള്ള നിഗമനങ്ങളാണ് ഉയരുന്നതെന്ന് ജയന്ത് സിന്‍ഹ പറഞ്ഞു.

കേന്ദ്രസർക്കാർ കൊണ്ടുവന്ന ചരക്കുസേവന നികുതിയെയും നോട്ട്​ നിരോധനത്തെയും ചോദ്യം ചെയ്​ത്​ കഴിഞ്ഞ ദിവസം ​ ഇന്ത്യൻ എക്​സ്​പ്രസ്​ പത്രത്തിൽ ‘എനിക്കിപ്പോൾ സംസാരിക്കണം’ എന്നപേരിൽ യശ്വന്ത്​ സിൻഹ ലേഖനമെഴുതിയിരുന്നു.  ഇന്ത്യൻ സമ്പദ്​വ്യവസ്ഥ കടുത്ത മാന്ദ്യം നേരിടുന്നുണ്ട്​. ധനകാര്യമന്ത്രി അരുൺജെയ്​റ്റ്​ലി താറുമാറാക്കിയ സമ്പദ്​വ്യവസ്ഥയെ കുറിച്ച്​ താൻ ഇപ്പോഴെങ്കിലും സംസാരിച്ചില്ലെങ്കിൽ അത്​ രാജ്യത്തോടുള്ള കടമ നിർവേറ്റുന്നതിൽ ത​​​​​​െൻറ പരാജയമായിരിക്കും. സാമ്പത്തിക മാന്ദ്യത്തെകുറിച്ച്​​ താൻ പറയുന്നത്​ ബി.ജെ.പിയിലെ ഭൂരിപക്ഷ വ്യക്തികളുടെ അഭിപ്രായമാണ്​. എന്നാൽ പലരും പാർട്ടിയെ പേടിച്ച്​ തുറന്നു പറയുന്നില്ലെന്നും സിൻഹ ലേഖനത്തിൽ പറഞ്ഞിരുന്നു. 

സ്വകാര്യ നിക്ഷേപവും വ്യാവസായിക ഉത്​പാദനവും കുത്തനെ കുറഞ്ഞു. കാർഷികരംഗത്തും തകർച്ചയാണുള്ളത്​. വൻ തൊഴിൽദായകർക്ക്​ കൂടുതൽ അവസരങ്ങൾ നൽകാൻ കഴിയുന്നില്ല. സർവീസ്​ സെക്​ടറും മന്ദഗതിയിലാണ്​ നീങ്ങുന്നത്​. സമ്പദ്​വ്യവസ്ഥ ദുരന്തത്തിലേക്ക്​ നീങ്ങുകയാണെന്നും മുൻ ധനകാര്യമന്ത്രി കൂടിയായ സിൻഹ ചുണ്ടിക്കാണിച്ചിരുന്നു. ആഗോള വിപണിയില്‍ എണ്ണ വില താഴ്ന്നിട്ടും ധനസമാഹരണത്തിലൂടെ സാമ്പത്തിക ഘടനയെ പുനരുജ്ജീവിപ്പിക്കുന്നതില്‍ അരുൺ ജെയ്റ്റ്​ലി പരാജയപ്പെട്ടെന്നും സിൻഹ കുറ്റപ്പെടുത്തിയിരുന്നു.

Show Full Article
TAGS:yashwant sinha indian economy arun jaitly india news malayalam news 
News Summary - 'Stand By My Analysis': Yashwant Sinha - India News
Next Story